Хариуцагчийн зөвшөөрлийг баталж, хэргийг хэрэгсэхгүй болгох тухай

 

Дорноговь аймаг дахь сум дундын анхан шатны шүүхийн шүүгч Б.Гончигсумлаа би,

 

Нэхэмжлэгч: Т ББСБ ХХК-ийн нэхэмжлэлтэй,

 

Хариуцагч: Т.Э-д холбогдох,

 

Зээлийн гэрээний үүрэгт 9,953,812.50 төгрөг гаргуулах тухай нэхэмжлэлийг 2025 оны  06 дугаар сарын 05-ны өдөр хүлээн авч хянаад

 

ТОДОРХОЙЛОХ нь:

Нэхэмжлэгч нь шүүхэд гаргасан нэхэмжлэлдээ: ...хариуцагч Т.Э-с 2024 оны 10 дугаар сарын 02-ны өдрийн ЗГ2024100238498, 2024 оны 10 дугаар сарын 02-ны өдрийн ЗГ2024100238500, 2024 оны 10 дугаар сарын 02-ны өдрийн ЗГ2024100238514, 2024 оны 10 дугаар сарын 03-ны өдрийн 2179865 тоот гэрээнүүдийн үүрэгт нийт 9,953,812.50 төгрөгийг гаргуулж өгнө үү гэжээ.

 

ҮНДЭСЛЭХ нь:

Нэхэмжлэгч Т ББСБ ХХК нь  хариуцагч Т.Э-д холбогдуулан 9,953,812.50 төгрөг гаргуулахаар шаарджээ.

Хэрэг хянан шийдвэрлэх ажиллагааны явцад хариуцагч Т.Энь нэхэмжлэлийн шаардлагыг бүхэлд нь хүлээн зөвшөөрч тайлбар гаргажээ.

Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй, хуульд харшлаагүй байх тул уг хариуцагчийн зөвшөөрлийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.4, 75 дугаар зүйлд заасныг удирдлага болгон

 

ЗАХИРАМЖЛАХ нь:

1. Нэхэмжлэгч Т ББСБ ХХК-ийн нэхэмжлэлтэй Т.Э-д холбогдох 9,953,812.50 төгрөг гаргуулах тухай иргэний хэрэгт хариуцагч Т.Э нь 9,953,812.50 төгрөг гаргуулах тухай нэхэмжлэлийн шаардлагыг бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 174,211 төгрөгийн 87,105.5 төгрөгийг улсын орлогод хэвээр үлдээж, хариуцагч Т.Э-с улсын тэмдэгтийн хураамжид 87,105.5 төгрөг, төрийн сангийн 100061300941 данснаас 87,105.5төгрөг тус тус гаргуулж, нэхэмжлэгч Т ББСБ ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ Б.ГОНЧИГСУМЛАА