Хариуцагчийн зөвшөөрлийг баталж,

хэргийг хэрэгсэхгүй болгох тухай

 

          Дорнод аймаг дахь сум дундын анхан шатны шүүхийн шүүгч Г.Намуунтуяа би,

          Нэхэмжлэгч: “******* ******* ******* ******* *******” ХХК-ийн нэхэмжлэлтэй,

          Хариуцагч: ******* *******д холбогдох

          Нэхэмжлэлийн шаардлага: Зээлийн гэрээний үүрэгт 2,530,248.51 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

 

          Нэхэмжлэгч “******* ******* ******* ******* *******” ХХК шүүхэд гаргасан нэхэмжлэлдээ: Зээлдэгч Б.******* нь манай компанитай 2024 оны 10 дугаар сарын 30-ны өдөр зээлийн гэрээ байгуулан 2,712,295 төгрөгийг сарын 3.9 хувийн хүүтэй, 12 сарын хугацаата зээлж авсан. Зээлдэгч нь зээлийн гэрээгээр хүлээсэн үүргээ удаа дараа зөрчиж 2025 оны 01 дүгээр сарын 24-ний өдрөөс өнөөдрийг хүртэл гэрээний үүргээ биелүүлээгүй байна. ...Иймд зээлийн гэрээний үүрэгт нийт 2,530,248.51 төгрөгийг гаргуулж өгнө үү гэжээ.

 

           Хариуцагч Б.******* шүүхэд гаргасан хариу тайлбартаа: Миний бие “******* ******* ******* ******* *******” ХХК-иас зээл авсан нь үнэн. Эрүүл мэндийн шалтгааны улмаас ажилгүй байгаа учраас зээлээ төлж чадахгүй удаашраад байна. Иймд зээлийн үлдэгдэл болох 2,530,248.51 төгрөгийг төлж барагдуулна. 2025 оны 09 сараас өмнө хэсэгчлэн төлж барагдуулна гэжээ.

          Шүүх зохигчийн тайлбар, хэрэгт авагдсан бичгийн нотлох баримтуудыг шинжлэн судлаад

 

ҮНДЭСЛЭХ нь:

          Нэхэмжлэгч ““******* ******* ******* ******* *******” ХХК нь хариуцагч Б.*******д холбогдуулан зээлийн гэрээний үүрэгт 2,530,248.51 төгрөг гаргуулах тухай нэхэмжлэлийг тус шүүхэд гаргажээ.

 

          Хэрэг хянан шийдвэрлэх ажиллагааны явцад хариуцагч Б.******* нь зээлийн гэрээний үүрэгт 2,530,248.51 төгрөгийг нэхэмжлэгч “******* ******* ******* ******* *******” ХХК-д төлөхийг   хүлээн   зөвшөөрсөн  нь  Иргэний  хуульд нийцсэн байхаас гадна гуравдагч этгээдийн хуулиар  хамгаалагдсан  ашиг  сонирхлыг  зөрчсөн  гэх үндэслэл байхгүй байна.

         Иймд шүүх хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ.

         Иргэний хэрэг шүүхэд хянан шийдвэрлэх тухай хуулийн 74, 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг тус тус удирдлага болгон ЗАХИРАМЖЛАХ нь:

          1. Хариуцагч Б.******* нь зээлийн гэрээний үүрэгт 2,530,248.51 төгрөгийг нэхэмжлэгч “******* ******* ******* ******* *******” ХХК-д төлөхийг хүлээн зөвшөөрснийг баталж, хэргийг хэрэгсэхгүй болгосугай.

          2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар нэхэмжлэгчийн улсын тэмдэгтийн хураамжид төлсөн 55,434 төгрөгийг төсвийн орлогод хэвээр үлдээж, төсвийн орлогоос 27,717 төгрөг, хариуцагч Б.*******аас улсын тэмдэгтийн хураамжид 27,717 төгрөгийг тус тус гаргуулж нэхэмжлэгч “******* ******* ******* ******* *******” ХХК-д олгосугай.

          3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

          4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

ШҮҮГЧ                     Г.НАМУУНТУЯА