2025         08       11                                                  317/ШШ2025/01124

 

Хариуцагч нэхэмжлэлийн шаардлагыг хүлээн

зөвшөөрснийг баталж, хэргийг

хэрэгсэхгүй болгох тухай

 

Төв аймаг дахь сум дундын анхан шатны шүүхийн шүүгч Б.Марина би,

Нэхэмжлэгч: “Т ” ХХК,

Хариуцагч: Б ,

Нэхэмжлэлийн шаардлага: Гэрээний үүрэгт 2,951,424.86 төгрөг гаргуулах тухай нэхэмжлэлийг 2025 оны 06 дугаар сарын 30-ны өдөр хүлээн авч, 2025 оны 07 дугаар сарын 04-ний өдөр иргэний хэрэг үүсгэж, хянаад

ТОДОРХОЙЛОХ нь:

1. Нэхэмжлэгч “Т ” ХХК нь хариуцагч Б.Б т холбогдуулан зээлийн гэрээний үүрэгт 2,951,424.86 төгрөг гаргуулах тухай нэхэмжлэл гаргажээ.

2. Нэхэмжлэгч “Т ” ХХК шүүхэд гаргасан нэхэмжлэлдээ: “Хариуцагч Б.Б  нь “Т ” ХХК-тай 2024 оны 03 сарын 22-ны өдөр ЗГ2024032212611 тоот гэрээний дагуу нийт 2,588,000.0 төгрөгийн IPhone13 128GB маркийн гар утас /цаг, чихэвч/-ыг зээлээр 30 сарын хугацаатай авсан. Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, нийт 2,951,424.86 төгрөгийг хариуцагч Б.Б аас гаргуулж өгнө үү” гэжээ.

3. Хариуцагч Б.Б  нь шүүхэд гаргасан хариу тайлбартаа: Нэхэмжилж байгаа 2,951,424.86 төгрөгийг төлөхөө зөвшөөрч байна. 2025 оны 08 сарын 20-ны өдөр 1,000,000 төгрөг, 2025 оны 09 сарын 05-ны өдөр 1,000,000 төгрөг, 2025 оны 10 сарын 20-ны өдөр 951,424.86 төгрөгийг тус тус төлж барагдуулна. Хэргийг хялбаршуулсан журмаар шийдвэрлэж өгнө үү гэжээ.

4. Нэхэмжлэгчээс шүүхэд “Т ” ХХК-иас С.Мөнхгэрэлд олгосон итгэмжлэл, улсын тэмдэгтийн хураамж 62,173 төгрөг төлсөн баримтыг, “Т ” ХХК-ийн улсын бүртгэлийн гэрчилгээний хуулбар, 2024 оны 03 сарын 22-ны өдрийн ЗГ2024032212611 дугаартай зээлийн гэрээний хуулбар, зээлийн гэрээний эргэн төлөлтийн хуваарь, баталгаат засварын хуудсыг, харин хариуцагчаас хариу тайлбар, иргэний үнэмлэхийн хуулбарыг ирүүлсэн байна.

ҮНДЭСЛЭХ нь:

1. Хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж үзлээ.

2. Хэрэгт авагдсан нотлох баримт, талуудын гаргасан тайлбараас үзэхэд хариуцагч Б.Б  нь 2024 оны 03 сарын 22-ны өдрийн ЗГ2024032212611 дугаартай зээлийн гэрээг “Т ” ХХК-тай байгуулан 2,588,000 төгрөгийг сарын 2,9 хувийн хүүтэй, 30 сарын хугацаатай байгуулан зээл авсан үйл баримт тогтоогдож байна.

3. Нэхэмжлэгч “Т ” ХХК нь хариуцагч Б.Б т холбогдуулан 2,951,424.86 төгрөг гаргуулах тухай нэхэмжлэлийн шаардлагыг шүүхэд гаргасан байх бөгөөд хэрэг хянан шийдвэрлэх ажиллагааны явцад хариуцагч Б.Б  нь нэхэмжлэлийн шаардлага болох 2,951,424.86 төгрөгийг 2025 оны 08 сарын 20-ны өдөр 1,000,000 төгрөг, 2025 оны 09 сарын 05-ны өдөр 1,000,000 төгрөг, 2025 оны 10 сарын 20-ны өдөр 951,424.86 төгрөгийг тус тус нэхэмжлэгчид төлж барагдуулахаар нэхэмжлэлийн шаардлагыг бүхэлд нь хүлээн зөвшөөрч байгаагаа бичгээр илэрхийлжээ.

4. Иргэний хэрэг шүүхэд хянан шийдвэрлэх тухай хуулийн 75¹⁰ дугаар зүйлийн 75¹⁰.1-т “Нэхэмжлэлийн шаардлагыг бүрэн, эсхүл хэсэгчлэн хангасан бол хариуцагчийн санхүүгийн байдал, харгалзвал зохих бусад зайлшгүй шалтгаанаар, хариуцагчийн хүсэлтэд үндэслэн шийдвэрийг биелүүлэх нэмэлт хугацаа тогтоох, эсхүл хуваарийн дагуу хэсэгчлэн төлөхөөр шүүхийн шийдвэрт зааж болно. Нэмэлт хугацаа шийдвэрийг гарсан өдрөөс  хойш зургаан сараас илүүгүй байна” гэж заасан байдаг тул хариуцагчийн нэхэмжлэлийн шаардлага болох 2,951,424.86 төгрөгийг 2025 оны 08 сарын 20-ны өдөр 1,000,000 төгрөг, 2025 оны 09 сарын 05-ны өдөр 1,000,000 төгрөг, 2025 оны 10 сарын 20-ны өдөр 951,424.86 төгрөгөөр тус тус төлж барагдуулах тухай хуваарь нь хуульд нийцнэ.

5. Иймд хариуцагчийн зөвшөөрөл нь гуравдагч этгээдийн хуулиар хамгаалагдсан эрх, ашгийг хөндөөгүй байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэв.

6. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч “Т ” ХХК-ийн улсын тэмдэгтийн хураамжид төлсөн 62,173 төгрөгийн тал хувь 31,086.5 төгрөгийг улсын орлогод хэвээр үлдээж, Төрийн сангийн 100140000941 тоот данснаас 31,086.5 төгрөгийг, хариуцагч Б.Б ээс 31,086.5 төгрөгийг тус тус гаргуулж нэхэмжлэгч “Т ” ХХК-д олгох нь зүйтэй байна.

7. Энэхүү захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, нэхэмжлэгч нь тухайн асуудлаар анхан шатны шүүхэд дахин нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1-т зааснаар хариуцагч Б.Б  нь нэхэмжлэлийн шаардлага болох 2,951,424.86 төгрөгийг 2025 оны 08 сарын 20-ны өдөр 1,000,000 төгрөг, 2025 оны 09 сарын 05-ны өдөр 1,000,000 төгрөг, 2025 оны 10 сарын 20-ны өдөр 951,424.86 төгрөгийг тус тус нэхэмжлэгч “Т ” ХХК-д төлж барагдуулахаар хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч “Т ” ХХК-ийн улсын тэмдэгтийн хураамжид төлсөн 62,173 төгрөгийн тал хувь 31,086.5 төгрөгийг улсын орлогод хэвээр үлдээж, Төрийн сангийн 100140000941 тоот данснаас 31,086.5 төгрөгийг, хариуцагч Б.Б аас 31,086.5 төгрөгийг тус тус гаргуулж нэхэмжлэгч “Т ” ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар хариуцагч үүргээ сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, нэхэмжлэгч нь тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                   Б.МАРИНА