2025 08 01 197/ШШ2025/09602

 

 

 

МОНГОЛ УЛСЫН НЭРИЙН ӨМНӨӨС

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Б.Цолмон даргалж, тус шүүхийн шүүх хуралдааны танхимд хийсэн хуралдаанаар,

Нэхэмжлэгч: ******* давхар, М********ХК /РД:******* /-ийн нэхэмжлэлтэй,

Хариуцагч: ********  тоот хаягтай, Э.У****** /РД: ********* /-д холбогдох

Даатгалын 1,882,611 төгрөг гаргуулах тухай нэхэмжлэлийн шаардлагатай иргэний хэргийг тусгайлсан журмаар хянан хэлэлцэв.

Шүүх хуралдаанд: Нэхэмжлэгчийн итгэмжлэгдсэн төлөөлөгч Э.О******, шүүх хуралдааны нарийн бичгийн дарга Жавзандулам нар оролцов.

ҮНДЭСЛЭХ НЬ:

1.    Нэхэмжлэлийн шаардлагыг хангаж шийдвэрлэлээ.

Нэхэмжлэгч шаардлагын үндэслэлээ...даатгуулагч Ч.А*****гийн орон сууцанд 2025.02.02-ны өдөр, 2025.03.30-ны өдөр ус алдсаны улмаас хохирол учирсан, үнэлгээгээр тогтоосон 1,882,611 төлбөрийг төлсөн...хуульд зааснаар буруутай этгээдээс шаардах эрхтэй гэж,

Хариуцагч татгалзлын үндэслэлээ...ус алдсаны улмаас учирсан хохирлыг үнэлэхдээ давхардуулан үнэлүүлсэн тул 1,174,698 төгрөгийг зөвшөөрнө гэж маргажээ.

2.    Хэрэгт дараах үйл баримт тогтоогдож байна.

Даатгуулагч Ч.А*****гийн орон сууцанд 2025.02.04-ний өдөр, 2025.03.30-ны өдөр ус алдсан, даатгалын тохиолдол тус бүр дээр буюу 2025.02.19-ний өдөр 786,570 төгрөгөөр, 2025.04.17-ны өдөр 1,305,220 төгрөгөөр үнэлгээ хийлгэсэн, даатгагч нь 2025.02.24-ны өдөр 707,93 төгрөг, 2025.04.24-ний өдөр 1,174,698 төгрөгийн нөхөн төлбөр төлсөн болох нь орон сууцны эвдрэл, гэмтлийг тодорхойлсон дүгнэлт, 2 удаагийн үнэлгээний тайлан, нөхөн төлбөр шилжүүлсэн банкны баримтаар тус тус тогтоогдсон.

Иргэний хуулийн 443 дугаар зүйлийн 443.7...Даатгуулагч учирсан гэм хорыг нөхөн төлөх шаардлагыг гуравдагч этгээдэд гаргаж болох тохиолдолд даатгагч уг гэм хорыг даатгуулагчид нөхөн төлснөөр шаардах эрх даатгагчид шилжинэ гэж зааснаар нэхэмжлэгч нь хариуцагчаас гэм хорыг шаардах эрхтэй байна.

Дээрх баримтаар даатгалын тохиолдлыг давхардуулан үнэлсэн гэх байдал тогтоогдоогүй тул хариуцагчийн татгалзал үндэслэлгүй байна.

3. Хариуцагч хүндэтгэн үзэх шалтгаангүй ирээгүй тул түүний эзгүйд шийдвэрлэсэн болно.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 75⁹ дүгээр зүйлийн 75⁹.1, 75⁹.2 дугаар зүйлийг удирдлага болгон

ТОГТООХ нь:

1.Иргэний хуулийн 443 дугаар зүйлийн 443.7-д зааснаар хариуцагч Э.У******өөс гэм хорын 1,882,611 төгрөг гаргуулан нэхэмжлэгч М********ХК-д олгосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар нэхэмжлэгчийн тэмдэгтийн хураамжид төлсөн 45,072 төгрөгийг төрийн сангийн орлогод хэвээр үлдээж, хариуцагчаас тэмдэгтийн хураамж 45,072 төгрөг гаргуулж нэхэмжлэгчид олгосугай.

3. Зохигч тэдгээрийн төлөөлөгч, өмгөөлөгч шийдвэрийг эс зөвшөөрвөл гардан авснаас хойш 7 хоногийн дотор Нийслэлийн иргэний хэргийн давж заалдах шатны шүүхэд гомдол гаргах эрхтэй болохыг дурдсугай.

 

 

 

 

ДАРГАЛАГЧ, ШҮҮГЧ Б.ЦОЛМОН