Хариуцагчийн зөвшөөрлийг баталж, хэргийг

хэрэгсэхгүй болгох тухай

                                

Хөвсгөл аймаг дахь сум дундын анхан шатны шүүхийн шүүгч С.Оюунжаргал би,

нэхэмжлэгч: Улаанбаатар хот, ****дүүрэг, ****** давхарт байрлах, ***-ийн итгэмжлэгдсэн төлөөлөгч С.**,

хариуцагч: Хөвсгөл аймгийн ***сумын ** оршин суух, Х.А

Нэхэмжлэлийн шаардлага: ****** тоот зээлийн гэрээний үндсэн зээл 3,555,871.33 төгрөг, зээлийн хүү 610,245.98 төгрөг, нэмэгдүүлсэн хүү 7,200.44 төгрөг, нотариатын хөлс 7,000 төгрөг, нийт 4,180,317.75 (дөрвөн сая нэг зуун наян мянга гурван зуун арван долоон төгрөг далан таван мөнгө) төгрөг гаргуулах тухай нэхэмжлэлийг 320/2025/01054/и индекстэй иргэний хэрэг үүсгэн хянаад 

 

ТОДОРХОЙЛОХ нь:

Нэхэмжлэгч Т.Б -ийн итгэмжлэгдсэн төлөөлөгч С.М** шүүхэд гаргасан нэхэмжлэлдээ: 2024 оны 12 дугаар сарын 03-ны өдөр ****** тоот Цахим зээлийн гэрээ байгуулсан. 2027 оны 6 дугаар сарын 10-ны өдөр дээрх гэрээнүүд дуусгавар болсон. ****** тоот Цахим зээлийн гэрээний үндсэн зээлд 52,128.67 төгрөг, хүүд 130,718.33 төгрөг, нэмэгдүүлсэн хүүд 0.0 төгрөг, нийт 182,847.0 төгрөг буцаан төлсөн. Цахим зээлийн гэрээний үүрэг 2025 оны 2 дугаар сарын 13-ны өдрөөс зөрчигдөж эхэлсэн. Хариуцагч А.А нь Т.Б -тай дараах гэрээг байгуулсан боловч гэрээний үүрэг зөрчигдсөн байна.

1. 2024-12-03-ны өдөр ****** тоот гэрээний дагуу IPhone16 128GВ маркийн гар утас /цаг, чихэвч/-ыг нийт 3,608,000 төгрөгийн зээлээр 30 сарын хугацаатай авсан.

Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, шүүхэд дараах нэхэмжлэлийн шаардлагыг гаргаж байна. Үүнд:

****** тоот гэрээний үүрэгт үндсэн зээлд 3,555,871.33 төгрөг, үндсэн хүүнд 610,245.98 төгрөг, нэмэгдүүлсэн хүүнд 7,200.44 төгрөг, нотариатын төлбөрт 7,000 төгрөг, ****** тоот зээлийн гэрээний үндсэн зээл 3,555,871.33 төгрөг, зээлийн хүү 610,245.98 төгрөг, нэмэгдүүлсэн хүү 7,200.44 төгрөг, нотариатын хөлс 7,000 төгрөг, нийт 4,180,317.75 (дөрвөн сая нэг зуун наян мянга гурван зуун арван долоон төгрөг далан таван мөнгө) төгрөгийг хариуцагч А.А гаргуулах гэжээ.

Хариуцагч А.А  тус шүүхэд ирүүлсэн хариу тайлбартаа: А.А  миний бие Т.Б -ийн нэхэмжилж буй 4,180,317.75 төгрөгийг төлж барагдуулахаа хүлээн зөвшөөрч байна гэжээ.

 

ҮНДЭСЛЭХ нь:

Нэхэмжлэгч Т.Б -ийн итгэмжлэгдсэн төлөөлөгч С.М нь А.А д холбогдуулан ****** тоот зээлийн гэрээний үндсэн зээл 3,555,871.33 төгрөг, зээлийн хүү 610,245.98 төгрөг, нэмэгдүүлсэн хүү 7,200.44 төгрөг, нотариатын хөлс 7,000 төгрөг, нийт 4,180,317.75 (дөрвөн сая нэг зуун наян мянга гурван зуун арван долоон төгрөг далан таван мөнгө) төгрөг гаргуулах тухай шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад хариуцагч А.А  нь нэхэмжлэлийн шаардлага болох нийт 4,180,317.75 (дөрвөн сая нэг зуун наян мянга гурван зуун арван долоон төгрөг далан таван мөнгө) төгрөгийг нэхэмжлэгч Т.Б -д төлөхийг хүлээн зөвшөөрсөн тайлбарыг 2025 оны 7 дугаар сарын 25-ны өдөр тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т.Б -ийн 2025 оны 7 дугаар сарын 06-ны өдөр Төрийн сангийн 100170000941 тоот дансанд улсын тэмдэгтийн хураамжид төлсөн 81,835 (наян нэгэн мянга найман зуун гучин тав) төгрөгийн тал хувь болох 40,917.50 (дөчин мянга есөн зуун арван долоон төгрөг тавин мөнгө) төгрөгийг улсын орлогод хэвээр үлдээж, улсын тэмдэгтийн хураамжийн тал хувь болох 40,917.50 (дөчин мянга есөн зуун арван долоон төгрөг тавин мөнгө) төгрөгийг улсын орлогоос буцаан гаргуулж, хариуцагч А.А аас улсын тэмдэгтийн хураамжийн тал хувь болох 40,917.50 (дөчин мянга есөн зуун арван долоон төгрөг тавин мөнгө) төгрөгийг гаргуулан тус тус нэхэмжлэгч Т.Б -д олгохоор тогтов.

Хариуцагч А.А  нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон

  

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Т.Б -ийн итгэмжлэгдсэн төлөөлөгч С.М нэхэмжлэлтэй, хариуцагч А.А д холбогдох, ****** тоот зээлийн гэрээний үндсэн зээл 3,555,871.33 төгрөг, зээлийн хүү 610,245.98 төгрөг, нэмэгдүүлсэн хүү 7,200.44 төгрөг, нотариатын хөлс 7,000 төгрөг, нийт 4,180,317.75 (дөрвөн сая нэг зуун наян мянга гурван зуун арван долоон төгрөг далан таван мөнгө) төгрөг гаргуулах тухай иргэний хэрэгт хариуцагч А.А  нь нэхэмжлэлийн шаардлага болох нийт 4,180,317.75 (дөрвөн сая нэг зуун наян мянга гурван зуун арван долоон төгрөг далан таван мөнгө) төгрөгийг нэхэмжлэгч Т.Б -д төлөхийг хүлээн зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т.Б -ийн улсын тэмдэгтийн хураамжид төлсөн 81,835 (наян нэгэн мянга найман зуун гучин тав) төгрөгийн тал хувь болох 40,917.50 (дөчин мянга есөн зуун арван долоон төгрөг тавин мөнгө) төгрөгийг улсын орлогод хэвээр үлдээж, улсын тэмдэгтийн хураамжийн тал хувь болох 40,917.50 (дөчин мянга есөн зуун арван долоон төгрөг тавин мөнгө) төгрөгийг улсын орлогоос буцаан гаргуулж, хариуцагч А.А аас улсын тэмдэгтийн хураамжийн тал хувь болох 40,917.50 (дөчин мянга есөн зуун арван долоон төгрөг тавин мөнгө) төгрөгийг гаргуулан тус тус нэхэмжлэгч Т.Б -д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч А.А  нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

    

  

 

 

ШҮҮГЧ                                         С.ОЮУНЖАРГАЛ