2025 01 23 191/ШШ2025/00568

 

 

Хэргийг хялбаршуулсан журмаар шийдвэрлэж,

хэргийг хэрэгсэхгүй болгох тухай

 

Баянзүрх, Сүхбаатар, Чингэлтэй дүүргийн Иргэний хэргийн анхан шатны тойргийн шүүхийн шүүгч Б.Ундраа би,

 

Нэхэмжлэгч: Улаанбаатар хот,*** байрлах Н******* ******* ХХК /РД:*******/-ийн гаргасан,

 

Хариуцагч: Улаанбаатар хот, *** байрлах С******* ******* ******* ХХК /РД:*******/-д холбогдох

Гэрээний үлдэгдэл төлбөр 4,000,000, алданги 1,643,503, нийт 5,643,503 төгрөг гаргуулах тухай нэхэмжлэлтэй иргэний хянаад,

 

ТОДОРХОЙЛОХ нь:

Нэхэмжлэгч нь тус шүүхэд гаргасан нэхэмжлэлдээ: Манай компани нь *******, ******* брендийн 1 удаагийн болон подтой гэсэн 2 төрлийн .... нэрийн электрон тамхи импортоор оруулж ирж сүлжээ дэлгүүрт нийлүүлдэг. Бид 2021 оны 03 сарын 12-ны өдөр АНУ-ын C K сүлжээ дэлгүүрийн франчайзийн эрх эзэмшигч С******* ******* *******" ХХК-тай №21/03 "Худалдааны Хамтран ажиллах гэрээ"-г 2022 оны 03 сарын 20-ны өдрийг хүртэл 1 жилийн хугацаатай байгуулж хамтран ажиллахаар тохиролцсон.

"С******* ******* групп" ХХК-ийн захиалгын дагуу Чингэлтэй дүүрэг, 4-р хороо 5- р сургуулийн эсрэг талд байрлах Circle k" дэлгүүрт 7,980,000 төгрөгийн электрон тамхи нийлүүлж хамтын ажиллагааны үндсэн нөхцөлд заасны дагуу сар бүр тооцоо нийлж ирсэн. Гэвч "С******* ******* групп" ХХК гэрээний 6.4-т заасны дагуу сар бүрийн төлбөр тооцоог шилжүүлэхгүй явсаар 5,109,000Т үлдэгдэлтэй болсон. Манай компанийн зүгээс "С******* ******* групп" ХХК-д үлдэгдэл төлбөрийг график гарган хуваан төлж барагдуулах боломж олгосон боловч 4,000,000 төлөгдөөгүй байна. Иймд С******* ******* групп" ХХК-иас №21/03 тоот Худалдааны хамтран ажиллах гэрээ-ний үлдэгдэл төлбөр 4,000,00 төгрөгийг гаргуулж өгнө үү гэжээ.

 

Нэхэмжлэгчийн төлөөлөгч /гүйцэтгэх захирал Н.Чинхүслэн/ шүүхэд гаргасан хүсэлтдээ: С******* тэнгэр групп ХХК нь нэхэмжлэлийн үндсэн шаардлага 4,000,000 төгрөгийг бүрэн төлж барагдуулсан тул нэмэгдүүлсэн шаардлага 1,643,503 төгрөгөөс татгалзаж байна. Хэргийг хялбаршуулсан журмаар шийдвэрлэнэ үү гэжээ.

 

ҮНДЭСЛЭХ нь:

 

1. Нэхэмжлэгч Н******* ******* ХХК нь хариуцагч С******* ******* ******* ХХК-д холбогдуулан, гэрээний үлдэгдэл төлбөр 4,000,000, алданги 1,643,503, нийт 5,643,503 төгрөг гаргуулах тухай иргэний хэргийн хариуцагч нь нэхэмжлэлийн шаардлагын 4,000,000 төгрөгийг төлж биелүүлснээр нэхэмжлэгч нь нэхэмжлэлийн шаардлагын 1,643,503 төгрөгөөс татгалзсан байна.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ гэж, мөн 74.2-т Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж заасныг баримтлан, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д тус тус заасныг удирдлага болгон

 

ЗАХИРАМЖЛАХ нь:

 

1. Нэхэмжлэгч Н******* ******* ХХК-ны гаргасан хариуцагч С******* ******* ******* ХХК-д холбогдох, гэрээний үлдэгдэл төлбөр 4,000,000, алданги 1,643,503, нийт 5,643,503 төгрөг төгрөг гаргуулах тухай нэхэмжлэлтэй иргэний хэргийн хариуцагч нэхэмжлэлийн шаардлагын 4,000,000 төгрөгийг төлж биелүүлснээр, нэхэмжлэгч 1,643,503 төгрөгийн шаардлагаас татгалзсаныг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.1, 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 120,950 төгрөгийн 41,246 төгрөгийг улсын орлогод хэвээр үлдээж, С******* ******* ******* ХХК-иас 39,475 төгрөг, Баянзүрх дүүргийн Татварын хэлтсээс 40,229 төгрөгийг гаргуулж нэхэмжлэгчид олгосугай.

3. Хэргийг хялбаршуулсан журмаар хянан шийдвэрлэж байгаатай холбогдуулан зохигч давж заалдах болон хяналтын шатны журмаар гомдол гаргахгүйгээс гадна тухайн асуудлаар анхан шатны шүүхэд нэхэмжлэл, гомдол гаргахгүй болохыг тус тус дурдсугай.

4. Энэхүү захирамж гарсан даруй хүчин төгөлдөр болох ба гомдол гаргахгүй болохыг дурдсугай.

                                     

 

 

 

ШҮҮГЧ Б.УНДРАА