Хэргийг хялбаршуулсан журмаар шийдвэрлэж,

хэрэгсэхгүй болгох тухай

 

Баянзүрх, Сүхбаатар, Чингэлтэй дүүргийн Иргэний хэргийн анхан шатны тойргийн шүүхийн шүүгч Б.Ундраа би,

 

Нэхэмжлэгч: *** оршин суух, ******* овогт Ш.У******* /регистрийн дугаар: *******/-ийн нэхэмжлэлтэй,

 

Хариуцагч: *** оршин суух, ******* овогт С.Ариунболд /регистрийн дугаар: ИЦ87051213/-д холбогдох

 

Гэрлэлт цуцлуулах тухай иргэний хянаад,

 

ТОДОРХОЙЛОХ нь:

Нэхэмжлэгч шүүхэд гаргасан нэхэмжлэлдээ: ...Гэрлэлт цуцалж, хүү А.Т*******, охин А.Н******* нарыг эхийн асамжид үлдээж, хүүхдийн тэтгэлэг болон гэр бүлийн дундаа өмчлөх эд хөрөнгөөс өөрт болон 2 хүүхдэд ногдох хэсгийг хариуцагчаас гаргуулж өгнө үү... гэжээ.

 

Нэхэмжлэгч шүүхэд гаргасан хүсэлтдээ: Бид эвлэрч цаашид хамтран амьдрах болсон тул нэхэмжлэлээсээ татгалзаж байна гэжээ.

ҮНДЭСЛЭХ нь:

 

1. Нэхэмжлэгч Ш.У******* нь хариуцагч С.Ариунболдод холбогдуулан, гэрлэлт цуцлуулах тухай нэхэмжлэл гаргасан ба хэрэг хянан шийдвэрлэх ажиллаганы үед хариуагчтай эвлэрч, цаашид хамт амьдрахаар болж, нэхэмжлэлийн шаардлагаас бүхэлд нь татгалзсан байна.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ гэж, мөн 74.2-т Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж заасныг баримтлан, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д тус тус заасныг удирдлага болгон

 

ЗАХИРАМЖЛАХ нь:

 

1. Нэхэмжлэгч Ш.У*******гийн нэхэмжлэлтэй, хариуцагч С.Ариунболдод холбогдох, гэрлэлт цуцлуулах, хүүхдүүдийг эхийн асамжид үлдээж, хүүхдийн тэтгэлэг болон гэр бүлийн дундаа өмчлөх эд хөрөнгөөс өөрт болон 2 хүүхдэд ногдох хэсгийг гаргуулах тухай иргэний хэргийн нэхэмжлэгч нь нэхэмжлэлийн шаардлагаас бүхэлд нь татгалзсаныг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 59 дүгээр зүйлийн 59.5-д зааснаар, нэхэмжлэгчээс улсын тэмдэгтийн хураамжид төлсөн 70,200 төгрөгийг улсын төсвийн орлогод хэвээр үлдээсүгэй.

3. Хэргийг хялбаршуулсан журмаар хянан шийдвэрлэж байгаатай холбогдуулан зохигч давж заалдах болон хяналтын шатны журмаар гомдол гаргахгүйгээс гадна тухайн асуудлаар анхан шатны шүүхэд нэхэмжлэл, гомдол гаргахгүй болохыг тус тус дурдсугай.

4. Энэхүү захирамж гарсан даруй хүчин төгөлдөр болох ба гомдол гаргахгүй болохыг дурдсугай.                                      

 

 

 

ШҮҮГЧ Б.УНДРАА