Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйл, 132.6 дахь хэсгийг удирдлага болгон,

ТОГТООХ нь

1. Гэр бүлийн тухай хуулийн 14.1, 14.3 дахь хэсгийг баримтлан нэхэмжлэлийн шаардлагыг хангаж, ***, **** нарын гэрлэлтийг цуцалсугай.

2. Гэр бүлийн тухай хуулийн 14 дүгээр зүйлийн 14.5 дахь хэсэгт заасныг баримтлан ***нарыг эх ***ийн асрамжид үлдээсүгэй.

3. Гэр бүлийн тухай хуулийн 14 дүгээр зүйлийн 14.5, 40 дүгээр зүйлийн 40.1 дэх хэсэгт заасныг баримтлан *** нарт 11 нас хүртэл тухайн бүс нутагт тогтоогдсон амьжиргааны доод түвшингийн 50 хувиар, 16 нас /суралцаж байгаа бол 18 нас/-тай болон насанд хүрсэн боловч хөдөлмөрийн чадваргүй бол амьжиргааны доод түвшингийн хэмжээгээр хүүхдийн тэтгэлгийг эцэг ****с сар бүр тэтгэлэг гаргуулсугай.

4. Иргэний хуулийн 133 дугаар зүйл, 131 дүгээр зүйлийн 131.2 дахь хэсэгт заасныг баримтлан ***хаягт байршилтай, *** эрхийн улсын бүртгэлийн дугаартай, 67 м.кв орон сууц, түүнчлэн зөөврийн сууцыг нэхэмжлэгч *** болон **** нарын өмчлөлд үлдээж, нэхэмжлэгч ***ас 63,000,000 төгрөгийг гаргуулж, хариуцагч ***д олгож, мөн *** улсын дугаартай ***маркийн авто машиныг нэхэмжлэгч *** болон *** нарын өмчлөлд үлдээж, нэхэмжлэгч ***с 8,000,000 төгрөгийг гаргуулж, хариуцагч ***д олгож, зөөврийн сууцыг нэхэмжлэгч ***н өмчлөлд үлдээж, нэхэмжлэгч ***с 5,400,000 төгрөгийг гаргуулж, хариуцагчид олгож, орон сууцын зээлийн үлдэгдэл төлбөрт 38,800,000 төгрөгийг хариуцагч **** төлж, үлдэгдэл төлбөрийг нэхэмжлэгч төлсүгэй.

5. Улсын тэмдэгтийн хураамжийн тухай хуулийн 7.1.2, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-т зааснаар нэхэмжлэгчийн улсын тэмдэгтийн хураамжид төлсөн 70,200 төгрөгийг улсын орлогод хэвээр үлдээж, хариуцагчаас улсын тэмдэгтийн хураамжид 70,200 төгрөгийг гаргуулж нэхэмжлэгчид олгосугай.

6. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.7, 120 дугаар зүйлийн 120.2 дахь хэсэгт зааснаар шийдвэр нь танилцуулан сонсгомогц хүчинтэй болох бөгөөд зохигч, тэдгээрийн төлөөлөгч буюу өмгөөлөгч нар энэхүү шийдвэрийг эс зөвшөөрвөл уг шийдвэрийг гардан авснаас хойш 14 хоногийн дотор тус шүүхээр дамжуулан Нийслэлийн Иргэний хэргийн Давж заалдах шатны шүүхэд гомдол гаргах эрхтэйг, зохигчид хуульд заасан хугацааны дотор шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг тайлбарласугай.

 

 

 

ДАРГАЛАГЧ, ШҮҮГЧ Б.ГАНЦЭЦЭГ