2025 05 26 191/ШШ2025/04696

 

 

МОНГОЛ УЛСЫН НЭРИЙН ӨМНӨӨС

 

 

Баянзүрх, Сүхбаатар, Чингэлтэй дүүргийн иргэний хэргийн анхан шатны тойргийн шүүхийн шүүгч Н.Сарангүн даргалж тус шүүхийн шүүх хуралдааны танхимд хийсэн хуралдаанаар

Нэхэмжлэгч: *******,*******,*******,*******,*******, А3 тоот, ******* ХХК-ийн /РД: *******/ нэхэмжлэлтэй,

Хариуцагч: *******,*******,,, 03 тоот, ХХК-д /РД: / холбогдох

Түрээсийн гэрээний үүрэгт 92,400,000 төгрөг гаргуулах тухай иргэний хэргийг хянан хэлэлцэв.

Шүүх хуралдаанд: Нэхэмжлэгчийн итгэмжлэгдсэн төлөөлөгч Б.Энхбат, /Өмнөговь аймгийн Даланзадгад сумаас зүүм программ ашиглан оролцож байгаа/

Хариуцагч ХХК-ийн гүйцэтгэх захирал Э.Б,

Хариуцагчийн өмгөөлөгч Ж.Баяржавхлан,

Шүүх хуралдааны нарийн бичгийн даргаар Н.Дэжид нар оролцов.

 

ТОДОРХОЙЛОХ нь:

 

Нэхэмжлэгч ******* ХХК-ийн захирал Б.Т шүүхэд гаргасан нэхэмжлэлдээ болон итгэмжлэгдсэн төлөөлөгч Б.Энхбат шүүх хуралдаанд гаргасан тайлбартаа:

Тахилт хайрхан транс ХХК нь Өмнөговь аймгийн*******ын нутагт байрлах Тавантолгой уурхайгаас Дорноговь аймгийн Ханги-Мандал боомт хүртэл 477 км хатуу хучилттай авто замын зураг төсөл боловсруулах, барих, ашиглах, шилжүүлэх концесс эзэмшиж байгаа. Авто замын барилгын ажил үргэлжилж байна.

Билэгт хан рөүд ХХК нь дээрх авто зам барилгын ажлын туслан гүйцэтгэгч нь бөгөөд тус Билэгт хан рөүд ХХК болон ХХК нар нь ажил гүйцэтгэх гэрээ байгуулж тус авто замын ажлын Өмнөговь аймгийн Манлай сумын Өгөөмөр багийн нутагт байрлах LOT-2 sec-4 хэсгийн ПК25, 100-с 35, 100 хүртэл нийт 10 км авто замын далан, хөрсний ажлыг хийж гүйцэтгэх тус лан гүйцэтгэгч нь ХХК болсон.

ХХК нь 2022 оны 04 сарын 01-ний өдрөөс ажлын талбайдаа очиж үйл ажиллагаагаа эхлүүлэх гэж байсан тул манай ******* ХХК-тай тоног төхөөрөмжийн түрээсийн гэрээ байгуулсан.

ХХК болон ******* ХХК нарын хооронд 2022 оны 04 сарын 01-ний өдөр тоног төхөөрөмжийн түрээсийн гэрээ байгуулагдсаны дагуу 20 тн даацтай , , улсын дугаартай өөрөө буулгагч 3 авто машиныг ******* ХХК нь ХХК-д түрээслүүлэхээр тохиролцсон. Гэрээнд авто машин тус бүрийг 30 хоногийн 12,000,000 төгрөгөөр түрээслүүлэхээр үндсэн нөхцөл заасан.

Гэрээнд заасны дагуу манай ******* ХХК нь 2022 оны 04 сарын 01-ний өдөр түрээсийн гэрээнд заасан техникүүдийг ажлын талбайд бэлэн байлгасан ба ХХК-ийн ажил 2022 оны 06 сарын 17-ны өдөр зогссон бөгөөд үүнийг санхүүжилт зогссонтой холбоотой гэсэн.

Энэ талаар Билэгт хан рөүд ХХК-иас тодруулахад ХХК нь гэрээний үүргээ биелүүлээгүй, удаа дараа үүрэг зөрчсөн үндэслэлээр гэрээг цуцалсан гэх мэдээлэл өгсөн.

ХХК нь Билэгт хан рөүд ХХК-иас хаврын ажлын төлбөр орж ирэхээр авто машинуудын түрээсийн төлбөрийг төлнө гэж байсан ч гэвч өнөөг хүртэл ямар ч төлбөр төлөөгүй байна.

Иймд хариуцагч ХХК-иас 2022 оны 04 сарын 01-ний өдрөөс 2022 оны 06 сарын 18-ны өдрийг хүртэл 77 хоногийн түрээсийн төлбөр 92,400,000 төгрөгийг гаргуулж өгнө үү гэв.

 

Хариуцагч ХХК-ийн гүйцэтгэх захирал Э.Б шүүхэд гаргасан болон шүүх хуралдаанд гаргасан тайлбартаа:

******* ХХК-ийн нэхэмжлээд байгаа 2022 оны 04 сарын 01-ний өдрийн гэх гэрээ хүчин төгөлдөр бус ба би нэхэмжлэгч талтай ийм гэрээ байгуулаагүй.

Б.Т банкнаас зээл авах гэсэн юм, танай дээр ажил гүйцэтгэж байгаа гэсэн бичиг бичээд өг гэсэн бөгөөд би 2022 оны 06 сарын 30-ны өдрийн Капитрон банк ХХК-д гэсэн бичгийг хийж өгсөн.

Би замын компанитай, Б.Т техниктэй бид хамтарч ажиллахаар энэ ажил руу орсон бөгөөд бүх зардлаа тооцоод ашгаа хуваана гэж амаар тохирсон.

Орон нутгийн иргэд карьер ухуулахгүй 2022 оны 06 сард ажил зогссон. 2022 оны 04 сарын 10-ны орчим техникээ авч ирсэн. Сайн санахгүй байна.

2022 оны 04 сарын 02-ны өдрөөс 2022 оны 06 сарын 20-ны өдрийг хүртэл Билэгт хан рөүд ХХК-тай байгуулсан гэрээний дагуу замын ажил хийж байсан. Авто машины түрээс доод тал нь 9,000,000 төгрөг, дээд тал нь машины чадамжаас хамаарч байсан.

2022 оны 04 сарын 01-ний өдөр байгуулагдсан тоног төхөөрөмж түрээсийн гэрээн дэх гарын үсэг миний гарын үсэг мөн боловч банкинд өгсөн гэрээг гаргаж өгсөн байна.

2022 оны 06 сарын 23-ны өдөр ажил зогсоход Б.Т хотод ирээд ажилчдын төлбөр тооцоо, бусад төлбөр тооцоог би хариуцья гэсэн. Билэгт хан рөүд ХХК-иас мөнгө орж ирэхээр чи захиран зарцуул гэж би хэлсэн.

2022 оны 06 сарын 28-ны өдөр байгуулсан гэрээний дагуу ******* ХХК бүх зардлаа хариуцаж ажиллахаар болсон. Тухайн техникүүд нэхэмжлэгч талын эзэмшлийнх биш байна. Иймд нэхэмжлэлийг хүлээн зөвшөөрөхгүй гэв.

 

Нотлох баримтууд:

Нэхэмжлэгч ******* ХХК нь нэхэмжлэл, улсын тэмдэгтийн хураамж төлсөн баримт, хуулийн этгээдийн улсын бүртгэлийн гэрчилгээний хуулбар болон компанийн дүрэм, гүйцэтгэх захирал Б.Тын иргэний үнэмлэхний хуулбар, итгэмжлэлүүд,

2022 оны 04 сарын 01-ний тоног төхөөрөмж түрээсийн гэрээнүүд,

ХХК-иас 112,533,323 төгрөг гаргуулан О.Хд олгож шийдвэрлэсэн Баянзүрх дүүргийн иргэний хэргийн анхан шатны шүүхийн 2022 оны 10 сарын 27-ны өдрийн дугаар бүхий шийдвэр зэрэг баримтуудыг ирүүлсэн байна.

 

Хариуцагч ХХК-ийн гүйцэтгэх захирал Э.Б 2023 оны 04 сарын 20-ны өдөр нэхэмжлэлийн хувийг гардан авсан ба хуулийн этгээдийн улсын бүртгэлийн гэрчилгээний хуулбар болон компанийн дүрэм, хариу тайлбар,

2022 оны 06 сарын 28-ны өдрийн 22/06 тоот хамтран ажиллах гэрээний хуулбар /нотлох баримтын шаардлага хангаагүй/,

Өмнөговь аймгийн Ханбогд сум дахь сум дундын шүүхэд ******* ХХК-ийн гаргасан сөрөг нэхэмжлэл, ХХК-ийн ******* ХХК-д холбогдох 112,533,323 төгрөг гаргуулах тухай нэхэмжлэлд иргэний хэрэг үүсгэсэн Өмнөговь аймгийн Ханбогд сум дахь сум дундын шүүхийн шүүгчийн 2023 оны 01 сарын 13-ны өдрийн 144/ШЗ2023/00053 дугаар бүхий захирамжийн хуулбар,

2022 оны 04 сарын 01-ний өдрийн 2 долгионы GPS багаж худалдах, худалдан авах гэрээ зэрэг баримтуудыг ирүүлжээ.

 

Шүүхийн журмаар:

Хариуцагч ХХК-ийн хүсэлтээр Баянзүрх дүүргийн иргэний хэргийн анхан шатны шүүхийн шүүгчийн 2023 оны 07 сарын 19-ний өдрийн 17691 дугаар захирамжаар Авто тээврийн үндэсний төвөөс 20 тонн даацтай, , , улсын дугаартай өөоөө буулгагч тээврийн хэрэгслийн хувийн хэргийн хуулбарыг гаргуулахаар шийдвэрлэсний дагуу баримтуудыг ирүүлсэн байна.

 

Шүүх хуралдаанаар зохигчийн тайлбар болон хэрэгт авагдсан дээр дурдсан бичгийн нотлох баримтуудыг шинжлэн судлаад

 

ҮНДЭСЛЭХ нь:

Нэхэмжлэгч ******* ХХК нь хариуцагч ХХК-д холбогдуулан түрээсийн гэрээний төлбөр 92,400,000 төгрөг гаргуулах тухай нэхэмжлэлийг шүүхэд гаргажээ.

Нэхэмжлэгч ******* ХХК нь 2022 оны 04 сарын 01-ний өдөр байгуулсан тоног төхөөрөмжийн түрээсийн гэрээний дагуу төлбөрөө нэхэмжилнэ,

Хариуцагч ХХК Тухайн өдрийн гэрээг банкинд өгөх зорилгоор үйлдсэн. 2022 оны 06 сарын 28-ны өдөр байгуулсан гэрээний дагуу ******* ХХК бүх зардлаа хариуцаж ажиллахаар болсон. Түрээсийн техникүүд нэхэмжлэгчийн эзэмшлийнх биш. Нэхэмжлэлийг зөвшөөрөхгүй гэж тус тус тайлбарлалаа.

 

Бгийн Отгонжаргал 2024 оны 04 сарын 25-ны өдөр шүүхэд өгсөн гэрчийн мэдүүлэгтээ:

-... Өмнөговь аймгийн Манлай сум, Ханги мандлын авто замд ажилласан. Би камп байгуулахад оролцсон. Талбайн инженер байсан. Техник, талбай хариуцдаг байсан.

2022 оны 04 сарын 01-ээс 2022 оны 06 сарын 25-ныг хүртэл хугацаанд замын ажил дээр байсан. Өгөөмөр багийн нутаг дэвсгэрт ажлын байранд байрлаж байсан. Ханги мандлын авто замын далангийн ажлыг ХХК гүйцэтгэж байсан.

, , улсын дугаартай тээврийн хэрэгслүүд ажлыг гүйцэтгэхэд байсан. Эдгээр тээврийн хэрэгслээр далангийн материал зөөдөг байсан. улсын дугаартай тээврийн хэрэгслийг би, тээврийн хэрэгслийг н.Б, тээврийн хэрэгслийн н.Анхаа жолоодож байсан.

тээврийн хэрэгслийн жолооч нь солигдсон, нэрийг нь сайн мэдэхгүй байна. тээврийн хэрэгслийг миний дараа н.Энхжаргал жолоодсон.

2022 оны 06 сарын 25-ны өдрөөс хойш, он сарыг нь сайн санахгүй байна. , тээврийн хэрэгсэл нь *******,******* руу явсан.

Би Б.Тын дүү мөн. Хөдөлмөрийн гэрээ хийснээ сайн санахгүй байна. Ажлын талбайд жолооч, талбай хариуцаж байсан. Анх нүүлгээд камп байгуулахад би байсан.

Ерөнхий инженер н.Б гэх хүн надад замын инженер хий гээд санал тавьсан. Би Э.Б захиралтай шууд харьцаж байгаагүй. Талбай дээр харж байсан. н.Б гэж хүн төслийн талбай дээр байсан. Надад ажил, үүргийг ерөнхий замын инженер н.Б өгдөг байсан. Анх камп байгуулах зааврыг н.Таас авч байсан.

Би олон ажил хийж байсан болохоор инженерийн ажил хийж байхдаа н.Б инженерээс зааварчилга авч байсан гэдгээ л хэлсэн. Тэнд ажиллах саналыг н.Т тавьсан гэжээ.

/ХХ-ийн 174-177 дугаар тал

 

Иргэн О.Х нь ХХК-тай 2022.04.11-ний өдөр Өмнөговь аймгийн Манлай-Ханги хүртэл 10 км авто замын ажилд өөрөө буулгагч техник түрээслүүлэх гэрээ байгуулан, 2022.04.11-2022.05.30-ны өдрийг дуустал , , , , улсын дугаартай 5 ширхэг өөрөө буулгагч /дамп/-ыг түрээслэсэн гэж уг гэрээний үүрэгт 112,533,323 төгрөгийг ХХК-иас нэхэмжлэн Баянзүрх дүүргийн иргэний хэргийн анхан шатны шүүхэд нэхэмжлэл гаргасан байна.

 

Баянзүрх дүүргийн иргэний хэргийн анхан шатны шүүхийн 2022 оны 10 сарын 27-ны өдрийн 4483 дугаар бүхий шийдвэрээр Иргэний хуулийн 318 дугаар зүйлийн 318.1-т заасныг баримтлан хариуцагч ХХК-иас 112,533,323 төгрөг гаргуулан О.Хд олгож шийдвэрлэсэн бөгөөд дээрх шийдвэрт хариуцагч ХХК давж заалдах журмаар гомдол гаргаагүй бөгөөд уг шийдвэр хүчин төгөлдөр болсон талаар хэн аль нь тайлбарлаж байна.

 

Баянзүрх дүүргийн иргэний хэргийн анхан шатны шүүхийн 2022 оны 10 сарын 27-ны өдрийн 4483 дугаар бүхий шийдвэрт дараахь үйл баримтыг дүгнэжээ.

Үүнд:

ХХК нь Билэгт хаан рөүд ХХК-тай 2022 оны 03 сарын 21-ний өдөр авто замын барилгын ажлын гэрээ байгуулан уг гэрээгээр Таван толгой-Манлай-Ханги хатуу хучилтат замын төсөл 2-х хэсэг төслийн тендерт оролцохоос өмнөх барилгын түр ажлыг хариуцан ажиллах,

Барилгын ажил нь 2022 оны 04 сарын 01-ний өдрөөс 2022 олны 08 сарын 01-ний өдөр хүртэл үргэлжлэх,

ХХК энэ гэрээнд заасан хугацаанд авто замын барилгын ажлыг бүрэн хийж гүйцэтгэх, ... ажлын хөлснөөс бусад бүх зардлыг Б тал болох ХХК хариуцна гэжээ.

 

Мөн ХХК нь ******* ХХК-тай 2022 оны 06 сарын 28-ны өдөр 22/06 дугаар бүхий хамтран ажиллах гэрээ байгуулсан ба уг гэрээний 4.1-т Хамтын үйл ажиллагааны үр дүн, алдагдал хохирол, бусад этгээдийн өмнө үүссэн ПК25100-аас ПК35100 авто замын ажлыг гүйцэтгэхэд зориулан хийгдсэн ХХК-ийн нэр дээрх бүх гэрээний үүрэг, төлбөр тооцоог ******* ХХК хариуцна гэж заасан байна.

 

Хариуцагч ХХК тухайн аймаг орон нутгийн иргэдийн эсэргүүцэлтэй холбоотой сул зогсолт хийсэн гэх боловч энэ талаарх баримтаа ирүүлээгүй, ХХК-ийн Билэгт хаан рөүд ХХК-д хүргүүлсэн 2022 оны 07 сарын 25-ны өдрийн 07/06 дугаар бүхий албан бичигт Өмнөговь аймгийн Манлай-Ханги чиглэлийн авто замын далангийн ажил санхүүгийн байдлаас түр зогсоосон байсныг 2022 оны 08 сарын 01-ний өдрөөс эхлэн үргэлжлүүлэн хийж дуусгана гэсэн байгааг дурдан шийдвэрлэжээ.

 

Иргэний хэрэг шүүхэд хянан шийдвэрлэх тухай хуулийн 40 дүгээр зүйлийн 40.4.-т Шүүхийн хүчин төгөлдөр шийдвэрээр нэгэнт тогтоогдсон үйл баримтыг дахин нотлохгүй гэж заасан ба дээр дурьдсан үйл баримтууд хүчин төгөлдөр шүүхийн шийдвэрээр тогтоогдсон тул дахин нотлох шаардлагагүй.

/ХХ-ийн 63-69 дүгээр тал/

 

******* ХХК нь ХХК-тай 2022 оны 04 сарын 01-ний өдөр тоног төхөөрөмжийн түрээсийн гэрээ байгуулан dong feng маркийн, улсын дугаартай өөрөө буулгагч, nord berz маркийн , улсын дугаартай өөрөө буулгагч тээврийн хэрэгсэл тус бүрийг 30 хоногийн 12,000,000 төгрөгөөр түрээслэсэн хэмээн уг гэрээг нэхэмжлэлийн шаардлагын үндэслэл болгон тайлбарлаж байна.

Уг гэрээний 1.1-т түрээслүүлэгч ХХК, түрээслэгч ******* ХХК хэмээн тусгасан байх хэдий боловч гэрээг баталгаажуулах хэсэгт түрээслэгч ХХК-ийг төлөөлж захирал Э.Б, түрээслүүлэгч ******* ХХК-ийг төлөөлж Б.Т хэмээн тус тус гарын үсгээ зуран, байгууллагын тамгыг дарж баталгаажуулсан байх тул ХХК-ийг түрээслүүлэгч гэж үзэхгүй.

/ХХ-ийн 8-11, 41-46 дугаар тал/

 

Дээрх 2022 оны 04 сарын 01-ний өдөр байгуулагдсан гэх гэрээг хариуцагч ХХК-ийн гүйцэтгэх захирал Э.Б банкинд өгөх зорилгоор үйлдсэн, мөн уг гэрээн дэх гарын үсгийг өөрийн гарын үсэг биш, байгуулагдсан гэрээний арын хуудас ашигласан хэмээн тус тус тайлбарласан бөгөөд тэрээр нэхэмжлэлийн шаардлагыг гардан авсан 2023 оны 04 сарын 20-ны өдрөөс хойш 2025 оны 05 сарын 26-ны өдрийг хүртэл хугацаанд уг асуудлаараа цагдаагийн байгууллагад гомдол гаргаагүй, нэхэмжлэлийн шаардлагыг татгалзаж байгаа дээрх үндэслэлээ баримтаар нотлоогүй.

 

Хариуцагч ХХК-ийн гүйцэтгэх захирал Э.Б 2022 оны 04 сарын 02-ны өдрөөс 2022 оны 06 сарын 20-ны өдрийг хүртэл Билэгт хан рөүд ХХК-тай байгуулсан гэрээний дагуу замын ажил хийсэн. Авто машины түрээс доод тал нь 9,000,000 төгрөг, дээд тал нь машины чадамжаас хамаарч байсан. Орон нутгийн иргэд карьер ухуулахгүй 2022 оны 06 сард ажил зогссон. 2022 оны 04 сарын 10-ны орчим техникээ авч ирсэн. Сайн санахгүй байна хэмээн тайлбарласан ба тэрээр 2022 оны 04 сарын 01-ний өдрийн гэрээн дэх техник бүрийн 1 сарын түрээсийн төлбөр 12,000,000 төгрөг гэж тусгасантай холбоотой эсэргүүцсэн тайлбар гаргаагүй.

 

Мөн тэрээр мөн шүүхийн хэлэлцүүлэгт 2022 оны 06 сарын 23-ны өдөр ажил зогсоход Б.Т хотод ирээд ажилчдын төлбөр тооцоо, бусад төлбөр тооцоог би хариуцья гэсэн. 2022 оны 06 сарын 28-ны өдөр байгуулсан гэрээний дагуу ******* ХХК бүх зардлаа хариуцаж ажиллахаар болсон гэж тайлбарласан.

 

Хүчин төгөлдөр шүүхийн шийдвэрээр тогтоогдсон ХХК, ******* ХХК нарын 2022 оны 06 сарын 28-ны өдөр байгуулсан 22/06 дугаар бүхий хамтран ажиллах гэрээний 4.1-т Хамтын үйл ажиллагааны үр дүн, алдагдал хохирол, бусад этгээдийн өмнө үүссэн ПК25100-аас ПК35100 авто замын ажлыг гүйцэтгэхэд зориулан хийгдсэн ХХК-ийн нэр дээрх бүх гэрээний үүрэг, төлбөр тооцоог ******* ХХК хариуцна гэж заасан нь тухайн цаг хугацаанаас өмнө буюу 2022 оны 06 сарын 28-ны өдрөөс өмнө байгуулсан гэрээний үүрэгт хамааралгүй.

 

Дээрх байдлаас дүгнэж үзэхэд талуудын хооронд түрээсийн гэрээний харилцаа үүссэн гэж үзэхээр бөгөөд Иргэний хуулийн 318 дугаар зүйлийн 318.1-т Түрээсийн гэрээгээр түрээслүүлэгч нь түрээслэгчийн эзэмшил, ашиглалтад аж ахуйн үйл ажиллагаа явуулах болон дүрэмд заасан зорилгоо биелүүлэхэд нь зориулж тодорхой хөрөнгө шилжүүлэх, түрээслэгч нь гэрээгээр тохирсон түрээсийн төлбөрийг төлөх үүргийг тус тус хүлээнэ гэж заасны дагуу түрээслүүлэгч ******* ХХК нь түрээслэгч ХХК-иас гэрээгээр тохирсон түрээсийн төлбөрийг шаардсан нь үндэслэлтэй бөгөөд гэрээ байгуулсан 2022 оны 04 сарын 01-ний өдөр тухайн гэрээний үүрэгт ашиглах тээврийн хэрэгслийн эзэмшилтэй холбоотой маргаагүй атлаа хожим тухайн тээврийн хэрэгслийн түрээсийн төлбөрийг төлөхөд уг асуудлаар маргаан үүсгэж байгаа нь үндэслэлгүй.

 

Талуудын хооронд байгуулсан гэрээний 5.2-т зааснаар техникийн 1 сарын түрээсийн төлбөр 12,000,000 төгрөг бөгөөд 2022 оны 04 сарын 01-ний өдрөөс ажил зогссон гэх 2022 оны 06 сарын 18-ны өдрийг хүртэл 77 хоног байх ба 12,000,000 төгрөг/30 хоног=400,000 төгрөг /1 хоногийн түрээсийн төлбөр/

77 хоног*400,000 төгрөг=30,800,000 төгрөг, /1 ширхэг өөрөө буулгагчийн түрээсийн төлбөр/

dong feng маркийн, улсын дугаартай өөрөө буулгагч, nord berz маркийн болон улсын дугаар бүхий өөрөө буулгагчийн нийт түрээсийн 92,400,000 төгрөгийг хариуцагч ХХК төлөх үүрэгтэй байна.

 

Иргэний хуулийн 318 дугаар зүйлийн 318.1-т зааснаар хариуцагч ХХК-иас 92,400,000 төгрөг гаргуулан нэхэмжлэгч ******* ХХК-д олгох нь зүйтэй гэж үзэв.

 

ХХК нь ******* ХХК-д холбогдуулан 112,533,323 төгрөг гаргуулах тухай нэхэмжлэлийг Өмнөговь аймгийн Ханбогд сум дахь сум дундын иргэний хэргийн анхан шатны шүүхэд гаргахад 2023 оны 01 сарын 13-ны өдрийн 144/ШЗ2023/00053 дугаар бүхий захирамжаар иргэний хэрэг үүсгэсэн ба хариуцагч ******* ХХК нь ХХК болон ******* ХХК нарын хооронд 2022.06.28-ны өдөр байгуулагдсан 22/06 дугаартай хамтран ажиллах гэрээний 4.1 заалтыг хүчин төгөлдөр бусад тооцуулах тухай сөрөг нэхэмжлэл гарган мөн шүүх уг хэргийг 2023 оны 05 сард үндсэн болон сөрөг нэхэмжлэлийг тус тус хэрэгсэхгүй болгон шийдвэрлэсэн, мөн уг шийдвэрт хэн аль нь давж заалдах гомдол гаргаагүй тухайгаа талууд тайлбарласан болно.

/ХХ-ийн 55-56, 59-62 дугаар тал/

Хариуцагч ХХК нь Капитрон банк ХХК-д хүргүүлсэн 2022.06.30-ны өдрийн 22/068 тоот албан бичиг, мөн Ц.Цэцэгмаатай 2022.04.01-ний өдөр байгуулсан тээврийн хэрэгсэл худалдах, худалдан авах гэрээг нотлох баримтаар ирүүлсэн ба тэрээр нэхэмжлэлийн хувь гардан авсан 2023 оны 04 сарын 20-ны өдрөөс хойш 2025 оны 05 сарын 26-ны өдрийг хүртэл хугацаанд уг баримтыг гаргаж өгөөгүй нь хүндэтгэн үзэх шалтгаангүй тул тухайн баримтуудад дүгнэлт өгөөгүй болохыг дурдлаа.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйлүүдэд заасныг удирдлага болгон

 

ТОГТООХ нь:

 

1. Иргэний хуулийн 318 дугаар зүйлийн 318.1-т зааснаар хариуцагч ХХК-иас 92,400,000 төгрөг гаргуулан нэхэмжлэгч ******* ХХК-д олгосугай.

 

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч ******* ХХК-ийн улсын тэмдэгтийн хураамжид урьдчилан төлсөн 619,950 төгрөгийг улсын орлогод хэвээр үлдээж, хариуцагч ХХК-иас 619,950 төгрөг гаргуулж нэхэмжлэгч ******* ХХК-д олгосугай.

 

3. Баянзүрх дүүргийн иргэний хэргийн анхан шатны шүүхийн шүүгчийн 2024 оны 04 сарын 29-ний өдрийн 12029 дугаар бүхий шүүхээс гарах шийдвэрийн биелэлт баталгаажуулах тухай захирамжаар Иргэний хэрэг шүүхэд хянан шийдвэрлэх тухай хуулийн 69 дүгээр зүйлийн 69.1.3-т хариуцагчийн дансны зарлагын хөдөлгөөнийг нэхэмжлэлийн үнийн дүнгийн хэмжээгээр зогсоох гэж заасны дагуу хариуцагч ХХК-ийн арилжааны банкууд дахь дансны зарлагын хөдөлгөөнийг нэхэмжлэлийн үнийн дүнгийн хэмжээгээр буюу 92,400,000 төгрөгийн хэмжээгээр зогсоосон бөгөөд уг захирамж нь Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2, 122 дугаар зүйлийн 122.3-т заасан хугацаанд хүчинтэй хэвээр байх болохыг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд давж заалдах гомдол гаргах эрхтэй бөгөөд Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар шийдвэрийг танилцуулан сонсгож, 14 хоног өнгөрснөөс хойш 14 хоногийн дотор шүүх хуралдааны оролцогч талууд шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг дурдсугай.

 

 

 

 

ДАРГАЛАГЧ ШҮҮГЧ Н.САРАНГҮН