Нэхэмжлэгч нэхэмжлэлийн шаардлагаас

татгалзсаныг баталж, хэргийг

хэрэгсэхгүй, болгох тухай

 

Нийслэл дэх Захиргааны хэргийн анхан шатны шүүхийн шүүгч Ц.Одмаа би, "Д*******" СӨХ-ийн нэхэмжлэлтэй Хан-Уул дүүргийн улсын бүртгэлийн хэлтэст холбогдох захиргааны хэргийг хянаад,

ТОДОРХОЙЛОХ нь:

Нэхэмжлэгч шүүхэд бичгээр ирүүлсэн татгалзалдаа: "... Хан-Уул дүүргийн Улсын Бүртгэл Эд хөрөнгийн Бүртгэлийн газарт тухайн үл хөдлөх хөрөнгийн гэрчилгээг эх хувиар хураалгасан тул Д*******" Сөх-ийн хүсэлтээр Шүүхийн шийдвэрээр хүчингүй болгуулах тухай хүсэлтийг Хан-Уул дүүргийн Улсын Бүртгэл Эд хөрөнгийн Бүртгэлийн газарт гаргасан бөгөөд тус нэхэмжлэлээсээ өөрийн хүсэлтээр татгалзаж байгаа учир хэргийг хэрэгсэхгүй болгож шийдвэрлэж өгнө үү... гэжээ.

ҮНДЭСЛЭХ НЬ:

1.Тус захиргааны хэргийн нэхэмжлэгч нь хэрэг хянан шийдвэрлэх ажиллагааны явцад шүүхэд гаргасан нэхэмжлэлийн шаардлагаасаа бүхэлд нь татгалзаж буй тайлбараа шүүхэд бичгээр ирүүлжээ.

2.Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1-д Нэхэмжлэгч хэрэг хянан шийдвэрлэх ажиллагааны аль ч үе шатанд нэхэмжлэлээсээ бүхэлд нь, эсхүл хэсэгчлэн татгалзаж болно гэж заасны дагуу нэхэмжлэгч Д*******" Сөх -ийн нэхэмжлэлтэй Хан-Уул дүүргийн Улсын Бүртгэл Эд хөрөнгийн Бүртгэлийн газарт холбогдуулан гаргасан Хан-Уул дүүргийн Улсын Бүртгэл Эд хөрөнгийн Бүртгэлийн газрын Эд хөрөнгө бүртгэлийн хэлтсийн улсын бүртгэгч С.О*******ын 2014 оны 05-р сарын 27-ны өдөр бүртгэсэн эд хөрөнгийн бүртгэлийн Ү-2******* дугаартай гэрчилгээг хүчингүй болгуулах шаардлага бүхий нэхэмжлэлээсээ бүхэлд нь татгалзсаныг баталж, хэргийг хэрэгсэхгүй болгож шийдвэрлэх үндэслэлтэй байна.

3.Мөн нэхэмжлэгчийн итгэмжлэгдсэн төлөөлөгчид Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.4-д Нэхэмжлэлийн шаардлагаасаа татгалзсан этгээд уг асуудлаар дахин нэхэмжлэл гаргах эрхээ алдах бөгөөд харин бусад этгээд уг асуудлаар нэхэмжлэл гаргахад саад болохгүй, мөн хуулийн 69 дүгээр зүйлийн 69.2-т ... Энэ хуулийн 66-68 дугаар зүйлд заасны дагуу шийдвэрлэсэн шүүгчийн захирамж, шүүхийн тогтоолд гомдол гаргах эрхгүй бөгөөд шүүхийн шийдвэрийн нэгэн адил биелүүлнэ гэж тус тус заасныг тайлбарлан хэргийг хялбаршуулсан журмаар шийдвэрлэсний үр дагаврыг танилцуулж, баримтыг хэрэгт хавсаргасан болохыг тэмдэглэж байна.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1 дэх хэсгийг удирдлага болгон ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 66 дугаар зүйлийн 66.1 дэх хэсэгт заасныг баримтлан нэхэмжлэгч Д*******" СӨХ-өөс Хан-Уул дүүргийн Улсын Бүртгэл Эд хөрөнгийн Бүртгэлийн газарт холбогдуулан гаргасан Хан-Уул дүүргийн Улсын Бүртгэл Эд хөрөнгийн Бүртгэлийн газрын Эд хөрөнгө бүртгэлийн хэлтсийн улсын бүртгэгч С.О*******ын 2014 оны 05-р сарын 27-ны өдөр бүртгэсэн эд хөрөнгийн бүртгэлийн Ү-2******* дугаартай гэрчилгээг хүчингүй болгуулах шаардлага бүхий нэхэмжлэлээсээ бүхэлд нь татгалзсаныг баталж, Д*******" СӨХ-ийн нэхэмжлэлтэй, Хан-Уул дүүргийн Улсын Бүртгэл Эд хөрөнгийн Бүртгэлийн газарт холбогдох, 128/2022/0933/З дугаар индекс бүхий захиргааны хэргийг хэрэгсэхгүй болгосугай.

2. Шүүгчийн захирамжийн хувийг хэргийн оролцогчид, тэдгээрийн төлөөлөгч, өмгөөлөгч нарт мэдэгдэж, гардуулахыг шүүгчийн туслах Б.Цэрэнхандад даалгасугай.

3. Захиргааны хэрэг шүүхэд хянан шийдвэрлэх тухай хуулийн хуулийн 66 дугаар зүйлийн 66.4, 69 дүгээр зүйлийн 69.2-т зааснаар нэхэмжлэгч нь энэ шаардлагаар дахин нэхэмжлэл гаргах болон энэ захирамжид гомдол гаргах эрхгүй.

 

 

ШҮҮГЧ Ц.ОДМАА