Зохигчийн эвлэрлийг баталж,

хэргийг хэрэгсэхгүй болгох тухай

 

 

Хэргийн индекс: 307/2025/01571/и

Дархан-Уул аймаг дахь сум дундын анхан шатны шүүхийн шүүгч Б.Номин би,

Нэхэмжлэгч: Улаанбаатар хот, ******* байрлах ******* ХХК (утас: *******)-ийн нэхэмжлэлтэй,

Хариуцагч: Дархан-Уул аймаг, ******* тоотод оршин суух ******* ******* (утас: *******)-т холбогдох,

“2,169,180.08  төгрөг гаргуулах тухай” иргэний хэргийг хүлээн авч хянаад,

ТОДОРХОЙЛОХ нь:

Нэхэмжлэгч ******* ХХК нь шүүхэд ирүүлсэн нэхэмжлэлдээ:

“...Ш.******* нь 2024 оны 06 дугаар сарын 08-ны өдөр зээлээр Iphone 15 маркийн гар утсыг 3,000,000 төгрөгөөр 15 сарын хугацаатай авсан. Гэвч зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гараагүй. Иймд Ш.*******ээс зээлийн гэрээний үүрэгт 2,169,180.08 төгрөгийг гаргуулж өгнө үү” гэжээ.

Нэхэмжлэгийн итгэмжлэгдсэн төлөөлөгч С.******* нь шүүхэд гаргасан хүсэлтдээ:

“... ******* ХХК-ийн нэхэмжлэлтэй, Ш.*******т холбогдох иргэний хэргийн нэхэмжлэл 2025 оны 06 дугаар сарын 24-ний өдөр 2,169,180.08 төгрөг байснаас хариуцагч нь 2025 оны 07 дугаар сарын 04-ний өдөр 200,000 төгрөг, 2025 оны 08 дугаар сарын 13-ны өдөр 200,000 төгрөг төлсөн бөгөөд нэхэмжилсэн 2,169,180.08 төгрөгөөс төлөгдсөн 400,000 төгрөгөөс татгалзаж, 1,769,180.08 төгрөгийг нэхэмжилж байна” гэжээ.

Хариуцагч Ш.******* нь шүүхэд ирүүлсэн хариу тайлбартаа:

“...07 дугаар сарын 04-ний өдөр 200,000 төгрөг, 08 дугаар сарын 13-ны өдөр 200,000 төгрөг төлсөн. 2,169,180.08 төгрөгөөс 1,769,180.08 төгрөг үлдсэн ба үүнээс 2025 оны 08 дугаар сарын 30-ны өдөр 200,000 төгрөг, 2025 оны 09 дүгээр сарын 30-ны өдөр 700,000 төгрөг, 2025 оны 10 дугаар сарын 30-ны өдөр 869,180.08 төгрөгийг төлнө” гэжээ.

ҮНДЭСЛЭХ нь:

1.Нэхэмжлэгч ******* ХХК нь хариуцагч Ш.*******т холбогдуулан “2,169,180.08 төгрөг гаргуулах тухай” нэхэмжлэлийн шаардлагыг шүүхэд гаргасан бөгөөд хэрэг хянан шийдвэрлэх ажиллагааны явцад нэхэмжлэгчийн итгэмжлэгдсэн төлөөлөгч 400,000 төгрөг гаргуулах тухай нэхэмжлэлийн шаардлагаасаа татгалзаж, 1,769,180.08 төгрөгийг гаргуулахаар нэхэмжлэлийн шаардлагаа тодруулсан. 

2.Хариуцагч Ш.******* нь нэхэмжлэлийн шаардлагыг хүлээн зөвшөөрч байх бөгөөд мөнгөн төлбөрийг  3 сарын хугацаанд хуваан төлж барагдуулахаар нэхэмжлэгчтэй хугацаа тохирч, талууд эвлэрч байна.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ” гэж, мөн хуулийн 74.2-т “Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана” гэж заасан.

4.Талуудын эвлэрэл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул зохигчийн эвлэрлийг баталж, хэргийг хялбаршуулсан журмаар шийдвэрлэх нь зүйтэй байна.

5.Нэхэмжлэгчийн улсын тэмдэгтийн хураамжид урьдчилан төлсөн 49,657 төгрөгийг төрийн сангийн орлогод хэвээр үлдээж, хариуцагч Ш.*******ээс 24,828 төгрөг, төрийн сангийн орлогоос 24,828 төгрөгийг тус тус гаргуулан нэхэмжлэгч ******* ХХК-д олгож шийдвэрлэв.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч ******* ХХК-ийн нэхэмжлэлтэй, хариуцагч Ш.*******т холбогдох “2,169,180.08 төгрөг гаргуулах тухай” иргэний хэрэгт зохигчийн эвлэрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 49,657 төгрөгийг төрийн сангийн орлогод хэвээр үлдээж, хариуцагч Ш.*******ээс 24,828 төгрөг, төрийн сангийн орлогоос 24,828 төгрөг тус тус гаргуулан нэхэмжлэгч ******* ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                Б.НОМИН