Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Булган аймаг дахь сум дундын анхан шатны шүүхийн шүүгч П.Хишигдаваа би

Нэхэмжлэгч:  Н******* Ф******* к******* ББСБ ХХК-ийн нэхэмжлэлтэй,

Хариуцагч: Г.О*******д холбогдох,

Нэхэмжлэлийн шаардлага: 2,005,578.28 /хоёр сая таван мянга таван зуун далан найман төгрөг хорин найман мөнгө/ төгрөг гаргуулах тухай 304/2025/00656/И индекстэй хэргийг хүлээн авч хянаад

ТОДОРХОЙЛОХ нь:

Нэхэмжлэгч Н******* Ф******* к******* ББСБ ХХК нь шүүхэд гаргасан нэхэмжлэлдээ: Г.О******* нь байшин засвар зориулалтаар Цалингийн зээл 2,000,000 төгрөг, Дижитал кредит 150,000 төгрөг авсан. Зээлдэгч Г.О******* нь Цалингийн зээлээ 2024 оны 06, 07, 08, 09, 10, 11, 12 сар болон 2025 оны 01 дүгээр сарын төлөлтүүдийг төлж 2025 оны 02 сараас эхлэн сар дамнуулан хугацаа хэтрүүлж эхэлсэн. Хамгийн сүүлд 2025 оны 01 дүгээр сарын 15-ны өдөр 121,438.37 хийлгэсэн. Дижитал кредит зээлийг 2024.06.22-ны өдөр Netpay app ашиглаж авсан ба үндсэн зээлээс огт төлөлт хийгээгүй, хүү болон шимтгэлийг төлж 5 удаа сунгалт хийсэн ба 2025 оны 3 дугаар сараас эхлэн гэрээний үүрэг зөрчигдөж эхэлсэн. Манай байгууллагын зүгээс зээл төлүүлэх талаар шаардаж гэрийн хаяг болон онлайн хаяг, ажлын газарт нь биечлэн очиж уулзаж байсан боловч зээл төлөх хугацаа өгөхийг хүсэж хүлээлт үүсгэсээр өнөөдрийг хүрсэн. Хамгийн сүүлд 2025 оны 06 дугаар сарын 17-ны өдөр уулзахад шүүхэд өг гэсэн хариу өгсөн. Иймд гэрээг нэг талын санаачилгаар дуусгавар болгож зээл болон зээлийн хүүгийн төлбөр болох нийт 2,005,578.28 /хоёр сая таван мянга таван зуун далан найман төгрөг хорин найман мөнгө/ төгрөгийг нэхэмжилж байна гэжээ

Хариуцагч Г.О******* шүүхэд ирүүлсэн хариу тайлбартаа: Нэхэмжлэлийн шаардлагыг бүхэлд нь хүлээн зөвшөөрч байна гэжээ.

ҮНДЭСЛЭХ нь:

Нэхэмжлэгч Н******* Ф******* к******* ББСБ ХХК нь хариуцагч Г.О*******д холбогдуулан 2,005,578.28 /хоёр сая таван мянга таван зуун далан найман төгрөг хорин найман мөнгө/ төгрөг гаргуулах нэхэмжлэл гаргасныг хариуцагч Г.О******* нь хүлээн зөвшөөрсөн тайлбараа шүүхэд гаргасан байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 74 дүгээр зүйлийн 74.2, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.3 дахь хэсгийг баримтлан нэхэмжлэгч Н******* Ф******* к******* ББСБ ХХК-ийн нэхэмжлэлтэй, Г.О*******д холбогдох 2,005,578.28 /хоёр сая таван мянга таван зуун далан найман төгрөг хорин найман мөнгө/төгрөгийг хариуцагч Г.О******* нь төлөхөөр хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зү йлийн 7.1.1 дэх хэсэгт зааснаар улсын тэмдэгтийн хураамжийн хэмжээг 50 хувиар бууруулж, Төрийн сангаас 23,519.625 /хорин гурван мянга таван зуун арван есөн төгрөг зургаан зуун хорин таван мөнгө/ төгрөг, хариуцагч Г.О*******эс 23,519.625 /хорин гурван мянга таван зуун арван есөн төгрөг зургаан зуун хорин таван мөнгө/ төгрөгийг тус тус гаргуулж, нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

ШҮҮГЧ П.ХИШИГДАВАА