Өвөрхангай аймгийн Хархорин сум дахь Сум дундын шүүхийн шүүгч Г.Энх-Амгалан би,

Нэхэмжлэгч: ****,

Нэхэмжлэгчийн итгэмжлэгдсэн төлөөлөгч:  ***** нэхэмжлэлтэй,

Хариуцагч: ****** холбогдох

            “Эрүүл мэндийн даатгалын санд учирсан гэм хорын хохирол 23,387,360 төгрөг гаргуулах” тухай иргэний хэргийг хянаад

       ТОДОРХОЙЛОХ нь:

Нэхэмжлэгчийн итгэмжлэгдсэн төлөөлөгч ***** шүүхэд гаргасан нэхэмжлэлдээ: “...**** хохирогч *** эмчилгээний зардалд Эрүүл мэндийн даатгалын сангаас төлсөн 23,387,360 төгрөгийг гаргуулан Эрүүл мэндийн даатгалын ерөнхий газрын Төрийн сан банк дахь 100900020080 дугаартай дансанд оруулж өгнө үү...” гэжээ.

Хариуцагч **** шүүхэд гаргасан хариу тайлбартаа: “...Миний бие ***** нэхэмжилсэн Эрүүл мэндийн даатгалын санд учруулсан хохирол болох 23,387,360 төгрөгийг төлөхийг хүлээн зөвшөөрч байна...” гэжээ.

     ҮНДЭСЛЭХ нь:

            Нэхэмжлэгчийн итгэмжлэгдсэн төлөөлөгч **** нь хариуцагч **** холбогдуулан “Эрүүл мэндийн даатгалын санд учирсан гэм хорын хохирол 23,387,360 төгрөг гаргуулах” тухай нэхэмжлэлийг тус шүүхэд гаргажээ.

Эрүүл мэндийн даатгалын ерөнхий газар нь **** өдрийн **** дугаар албан бичгээр Иргэний хэрэг шүүхэд хянан шийдвэрлэх хянан шийдвэрлэх тухай хуулийн 25, 26 дугаар зүйлд заасан бүх эрхийг эдэлж, үүргийг хүлээн хэрэг хянан шийдвэрлэх ажиллагаанд оролцох итгэмжлэлийг **** газарт олгож, **** өдрийн **** дугаар албан бичгээр нэхэмжлэгчээр оролцуулах хүсэлтийг хүргүүлсэн байна.

Улмаар **** **** дугаар албан бичгээр хяналтын прокурор **** Иргэний хэрэг шүүхэд хянан шийдвэрлэх тухай хуулийн 25, 26 дугаар зүйлд заасан эрхийг эдэлж, үүрэг хүлээхээр итгэмжлэл олгосны дагуу шүүхэд нэхэмжлэл гаргасан нь хуульд нийцжээ.

Хэрэг хянан шийдвэрлэх ажиллагааны явцад хариуцагч **** нь нэхэмжлэлийн шаардлага эрүүл мэндийн даатгалын санд учирсан гэм хорын хохирол 23,387,360 төгрөгийг төлөхийг хүлээн зөвшөөрч байна гэсэн тайлбарыг шүүхэд гаргасан байна.

Дээрх тайлбараас үзэхэд хариуцагч нэхэмжлэлийн шаардлагын талаар маргаагүй, бүрэн хэмжээгээр хүлээн зөвшөөрсөн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй гэж шүүх дүгнэв.

Нэхэмжлэгч нь улсын тэмдэгтийн хураамж төлөхөөс чөлөөлөгдсөн болохыг дурдаж, хариуцагч **** улсын тэмдэгтийн хураамжид 137,443.5 төгрөгийг гаргуулж улсын орлого болгох нь зүйтэй.

  Иргэний хэрэг шүүхэд хянан шийдвэрлэх тухай хуулийн 75, 123 дугаар зүйлийн 123.1., дэх хэсгийг удирдлага болгон

      ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар нэхэмжлэгчийн итгэмжлэгдсэн төлөөлөгч **** нэхэмжлэлтэй хариуцагч **** холбогдох “Эрүүл мэндийн даатгалын санд учирсан гэм хорын хохирол 23,387,360 төгрөг гаргуулах” тухай нэхэмжлэлийн шаардлагыг хариуцагч төлөхөөр хүлээн зөвшөөрснийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн хуулийн 7 дугаар зүйлийн 7.1.1, 41 дүгээр зүйлийн 41.1.14 дэх хэсэгт зааснаар нэхэмжлэгч нь улсын тэмдэгтийн хураамж төлөхөөс чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч **** улсын тэмдэгтийн хураамжид 137,443.5 төгрөгийг гаргуулж орон нутгийн төсвийн орлогын 100101800941 тоот дансанд оруулсугай. 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шийдвэрийн нэгэн адил албадан гүйцэтгэхийг дурдсугай.
4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

            ШҮҮГЧ                              Г.ЭНХ-АМГАЛАН