Хариуцагч нэхэмжлэлийн шаардлагыг

                                     хүлээн зөвшөөрснийг баталж, хэргийг

           хэрэгсэхгүй болгох тухай

      

Дорноговь аймгийн Замын-Үүд сум дахь сум дундын шүүхийн шүүгч Э.Болормаа би, нэхэмжлэгч “Х банк” ХК-ийн нэхэмжлэлтэй хариуцагч Н.М холбогдох зээлийн гэрээний үүрэг ............. төгрөг гаргуулах тухай нэхэмжлэлийг 202. оны ..сарын ...-ний өдөр хүлээн авч, 202. оны ... сарын .. -ны өдөр иргэний хэрэг үүсгэн хянаад

 

            ТОДОРХОЙЛОХ нь:

Нэхэмжлэгч У хот Ч дүүрэг ..-р хороо, Е гудамж /ХХД: ............. РД: .............., утас: ................/ “Х банк” ХК шүүхэд гаргасан нэхэмжлэлдээ: Зээлдэгч Н овогтой М 202. оны ... дугаар сарын ...-ны өдөр ................тоот зээлийн гэрээ байгуулан ............төгрөгийг жилийн ........ хувийн хүүтэйгээр .......сарын хугацаатайгаар онлайн зээл олгосон. Зээлдэгч нь зээлийн гэрээний үүргээ удаа дараа зөрчсөн ба зээлээ төлөхийг олон удаа шаардсан боловч зээлийн гэрээний үүргээ биелүүлэхгүй нэхэмжлэл гаргасан өдрийн байдлаар зээлийн хугацаа ......... хоног хэтэрч байна. Иймд банкны санаачилгаар гэрээг цуцалж зээлийн үлдэгдэл төлбөр нийт ........... төгрөгийг Н.М төлүүлэхээр нэхэмжилж гаргаж байна гэжээ.

Хариуцагч Д аймгийн З сумын...-р баг, Цагдаа гудамж...... тоотод оршин суух хаягтай Б овогт Н-н М /РД: ., ........утас: ........./ шүүхэд гаргасан хариу тайлбартаа: Хариуцагч Н.М миний бие “Х банк” ХК-ийн гаргасан нэхэмжлэлтэй танилцлаа. Х банк ХК-аас зээл авсан нь үнэн болно. Нэхэмжилж байгаа үнийн дүн болох ............. төгрөгийг төлөхөө хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ нь:

Нэхэмжлэгч “Х банк” ХК хариуцагч Н.М холбогдуулан зээлийн гэрээний үүрэгт . ..............төгрөг гаргуулахаар тус шүүхэд нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад хариуцагч Н.М нь зээлийн гэрээний үүрэгт ..............төгрөг гаргуулах тухай нэхэмжлэлийн шаардлагыг төлөхөө хүлээн зөвшөөрсөн байна.

 

Хариуцагчийн нэхэмжлэлийн шаардлагыг хүлээн зөвшөөрсөн нь хуульд харшлаагүй, гуравдагч этгээдийн эрх, хуулиар хамгаалагдсан ашиг сонирхлыг хөндөөгүй байна. Иймд хариуцагчийн нэхэмжлэлийн шаардлагыг хүлээн зөвшөөрснийг баталж хэргийг хялбаршуулсан журмаар хянан шийдвэрлэх үндэслэлтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч “Х банк” ХК-ийн нэхэмжлэлтэй хариуцагч Н.М холбогдох зээлийн гэрээний үүрэг .................... төгрөг гаргуулах тухай нэхэмжлэлийн шаардлагыг хариуцагч Н.М нь төлж барагдуулахаа хүлээн зөвшөөрснийг баталж, хэргийг хэрэгсэхгүй болгосугай.

 

 2. Иргэний хэрэг шүүхэд хянан шийдвэрлэх тухай хуулийн 57, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч байгууллагын улсын тэмдэгтийн хураамжид төлсөн ........ төгрөгийн 50 хувийг улсын орлогод хэвээр үлдээж, үлдэх 50 хувь буюу ......... төгрөгийг улсын орлогоос, хариуцагчаас улсын тэмдэгтийн хураамжийн 50 хувь болох ......... төгрөгийг гаргуулж нэхэмжлэгч байгууллагад олгосугай.

 

            3. Хариуцагч Н.М нь шүүхийн шийдвэрийг сайн дураар биелүүлээгүй бол шүүхийн шийдвэр гүйцэтгэлийн журмаар албадан гүйцэтгэхийг мэдэгдсүгэй.

 

4. Энэ захирамжид зохигчид давж заалдах, гомдол гаргах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

                                     ШҮҮГЧ                                   Э.БОЛОРМАА