Хариуцагч нэхэмжлэлийн шаардлагыг

                                    хүлээн зөвшөөрснийг баталж, хэргийг

          хэрэгсэхгүй болгох тухай

      

Дорноговь аймгийн Замын-Үүд сум дахь сум дундын шүүхийн шүүгч Э.Болормаа би, нэхэмжлэгч  ... Банк ХК-ийн нэхэмжлэлтэй хариуцагч А.Ч холбогдох зээлийн гэрээний үүрэг 29,179,555.03 төгрөг гаргуулах тухай нэхэмжлэлийг 2025 оны 07 сарын 03-ны өдөр хүлээн авч, 2025 оны 07 сарын 08-ны өдөр иргэний хэрэг үүсгэн хянаад

ТОДОРХОЙЛОХ нь:

Нэхэмжлэгч У хот, С дүүрэг ..-р хороо, С,..- р давхарт байрлах .. Банк ХК /ХХД: .........., РД: ........, утас: ........../ шүүхэд гаргасан нэхэмжлэлдээ: Зээлдэгч А Ч нь хэрэглээний зээлийн эрхийн гэрээ байгуулсан бөгөөд  энэхүү гэрээний үндсэн дээр 2024 оны 09-р сарын 25-ны өдөр ........... тоот цахим зээлийн гэрээ байгуулж 29,560,000 төгрөгийн зээлийг  сарын 2 хувийн хүүтэй, 30 сарын хугацаатай зээл авсан. Зээлдэгчтэй байгуулсан .......... тоот цахим гэрээний үүргийг 142 хоног хугацаа хэтрүүлсэн байна. Зээлдэгчтэй байгуулсан ............. тоот цахим гэрээний хугацаа 2027 оны 03 дугаар сарын 16-нд дуусахаар байх бөгөөд зээлдэгч өнөөдрийн байдлаар зээлийн гэрээний үүргээ биелүүлээгүй байна. Иргэний хуулийн 225 дугаар зүйлийн  225.1 , 225.2, 226 дугаар зүйлийн 226.1 дэх заалт болон хэрэглээний зээлийн эрхийн гэрээний 8 дугаар зүйлийн 8.3 дахь заалтыг тус тус үндэслэн дээрх цахим зээлийн гэрээг хугацаанаас өмнө цуцлах үндэслэлтэй байна. Иймд цахим зээлийн гэрээг цуцалж нэхэмжлэл гаргах өдрийн байдлаар 6000307858 тоот цахим зээлийн гэрээний үүрэгт үндсэн зээлийн төлбөр 26,375,669 төгрөг, үндсэн хүүний төлбөр 2,731,508.0 төгрөг, нэмэгдүүлсэн хүүний төлбөр 49,378.5 төгрөг, ноториатын төлбөр 23,000, нийт 29,179,555.03 төгрөгийг зээлдэгч А Ч гаргуулж өгнө үү гэжээ.

Хариуцагч Д аймгийн З сумын ..-р баг, Б гудамж ... тоотод оршин суух,  Мовогт А Ч /РД: ......., утас: ......./ шүүхэд гаргасан хариу тайлбартаа: Хариуцагч А.Ч миний бие .. Банк ХК-ын гаргасан нэхэмжлэлтэй танилцлаа. .. Банк ХК-аас зээл авсан нь үнэн. Одоо зээлийн үлдэгдэл 29,179,555.03 төгрөгийг төлөхөө бүхэлд нь хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь

Нэхэмжлэгч .. Банк ХК, хариуцагч А.Ч холбогдуулан зээлийн гэрээний үүрэгт 29,179,555.03 төгрөг гаргуулахаар тус шүүхэд нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад хариуцагч А.Ч нь зээлийн гэрээний үүрэгт 29,179,555.03 төгрөг гаргуулах тухай нэхэмжлэлийн шаардлагыг төлөхөө хүлээн зөвшөөрсөн байна.

Хариуцагчийн нэхэмжлэлийн шаардлагыг хүлээн зөвшөөрсөн нь хуульд харшлаагүй, гуравдагч этгээдийн эрх, хуулиар хамгаалагдсан ашиг сонирхлыг хөндөөгүй байна. Иймд хариуцагчийн нэхэмжлэлийн шаардлагыг хүлээн зөвшөөрснийг баталж хэргийг хялбаршуулсан журмаар хянан шийдвэрлэх үндэслэлтэй байна.

Нэхэмжлэгч байгууллагын итгэмжлэгдсэн төлөөлөгчид хариуцагчийн хариу тайлбарыг танилцуулсан болно.

Иргэний хэрэг шүүхэд хянан шийдвэрлэх тухай хуулийн 74,  75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Нэхэмжлэгч .. Банк ХК -ийн нэхэмжлэлтэй хариуцагч А.Ч холбогдох зээлийн гэрээний 29,179,555.03 төгрөг гаргуулах тухай нэхэмжлэлийн шаардлагыг хариуцагч А.Ч нь төлж барагдуулахаа хүлээн зөвшөөрснийг баталж, хэргийг хэрэгсэхгүй болгосугай.

            2. Иргэний хэрэг шүүхэд хянан шийдвэрлэх тухай хуулийн 57, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгч байгууллагын улсын тэмдэгтийн хураамжид төлсөн 303,848 төгрөгийн 50 хувийг улсын орлогод хэвээр үлдээж, үлдэх 50 хувь буюу 151,924 төгрөгийг улсын орлогоос, хариуцагчаас улсын тэмдэгтийн хураамжийн 50 хувь болох 151,924 төгрөгийг гаргуулж нэхэмжлэгч байгууллагад олгосугай.

            3. Хариуцагч А.Ч нь шүүхийн шийдвэрийг сайн дураар биелүүлээгүй бол шүүхийн шийдвэр гүйцэтгэлийн журмаар албадан гүйцэтгэхийг мэдэгдсүгэй.

4. Энэ захирамжид зохигчид давж заалдах, гомдол гаргах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

                                   ШҮҮГЧ                                   Э.БОЛОРМАА