Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Багахангай, Налайх дүүргийн Иргэний хэргийн анхан шатны тойргийн шүүхийн Ерөнхий шүүгч Э.Дулмаа би,

Нэхэмжлэгч: *******,*******,******* ХК /РД:*******/-ийн нэхэмжлэлтэй,

Хариуцагч: *******,*******,*******од оршин суух, ******* овогт******* /РД:УД81030916/-д холбогдох,

 

Зээлийн гэрээний үүрэгт 10,036,553.16 төгрөг гаргуулах тухай нэхэмжлэлийг 2025 оны 10 дугаар сарын 07-ны өдөр хүлээн авч  иргэний хэрэг үүсгэн хянаад

ТОДОРХОЙЛОХ нь:

Нэхэмжлэгч Голомт банк ХК-ийн төлөөлөгч Б.Энхтүвшин шүүхэд гаргасан нэхэмжлэлдээ:...Б.Хаш-Эрдэнэ нь 2024 оны 12 дугаар сарын 18-ны өдөр зээлийн гэрээ байгуулж, 9,030,000 төгрөгийн дижитал цалингийн зээл авсан. Нийт 389,800 төгрөгийг буцаан төлсөн. Одоо зээлийн гэрээний үүргийн биелэлтэд 10,036,553.16 төгрөгийг хариуцагчаас гаргуулж өгнө үү... гэжээ.

ҮНДЭСЛЭХ нь:

Нэхэмжлэгч Голомт банк ХК, хариуцагч Б.Хаш-Эрдэнэд холбогдуулан 10,036,553.16 төгрөг гаргуулах нэхэмжлэлийн шаардлагыг шүүхэд гаргажээ.

Хариуцагч Б.Хаш-Эрдэнэ нэхэмжлэлийн шаардлага 10,036,553.16 төгрөгийг төлөхийг зөвшөөрч бичгээр тайлбар гаргасан байна.

Иймд шүүх иргэний хэргийг хялбаршуулсан журмаар шийдвэрлэж, хариуцагч нэхэмжлэлийн шаардлагыг төлөхийг зөвшөөрснийг баталж, хэргийг хэрэгсэхгүй болгох нь зүйтэй.

Нэхэмжлэгчийн улсын тэмдэгтийн хураамжинд төлсөн 175,535 төгрөгийн 50 хувь буюу 87,767.05 төгрөгийг улсын орлогод хэвээр үлдээж, 87,767.05 төгрөгийг улсын орлогоос, 87,767.05 төгрөгийг хариуцагчаас гаргуулж нэхэмжлэгч Голомт банк ХК-д олгох нь хуульд нийцнэ.

Хэргийг хялбаршуулсан журмаар шийдвэрлэж байгаа тул зохигч давж заалдах журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйл, 75 дугаар зүйлд заасныг тус тус удирдлага болгон

ЗАХИРАМЖЛАХ нь:

1.Хариуцагч Б.Хаш-Эрдэнэ нэхэмжлэгч Голомт банк ХК-ийн нэхэмжилсэн 10,036,553.16 төгрөгийг төлөхийг зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжинд төлсөн 175,535 төгрөгийн 50 хувь буюу 87,767.05 төгрөгийг улсын орлогод хэвээр үлдээж, 87,767.05 төгрөгийг улсын орлогоос, 87,767.05 төгрөгийг хариуцагчаас гаргуулж нэхэмжлэгч Голомт банк ХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй бол шийдвэрийн нэгэн адил албадан гүйцэтгэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурдсугай.

 

 

 

 

ЕРӨНХИЙ ШҮҮГЧ Э.ДУЛМАА