2025 оны 11 сарын 03 өдөр

Дугаар 306/ШШ2025/00388

Говьсүмбэр аймаг

 

 МОНГОЛ УЛСЫН НЭРИЙН ӨМНӨӨС

 

 

Говьсүмбэр аймаг дахь сум дундын анхан шатны шүүхийн шүүгч Н.Ариунжаргал даргалж, тус шүүхийн танхимд хийсэн шүүх хуралдаанаар,

 

Хүсэлт гаргагч: Улаанбаатар хот, ....... дүүрэг, .....дугаар хороо, ..........., ........... /РД:........., УБД:.........., утас:......../-ийг төлөөлж, Говьсүмбэр салбарыг төлөөлж Зээлийн багц хариуцсан менежир ажилтай ........,

 

Нэхэмжлэлийн шаардлага: Иргэний эрх зүйн маргаанд хариуцагчаар оролцвол зохих этгээд ..........ийг эрэн сурвалжлуулах тухай хүсэлтийг 2025 оны 09 дүгээр сарын 08-ны өдөр хүлээн авч, хэргийг хянан хэлэлцэв.

 

Шүүх хуралдаанд: Хүсэлт гаргагчийн итгэмжлэгдсэн төлөөлөгч ......., шүүх хуралдааны нарийн бичгийн дарга Ө.Бямбасайхан нар оролцов.

ТОДОРХОЙЛОХ нь:

 

1. Хүсэлт гаргагч .......-ийг төлөөлж, Говьсүмбэр салбар шүүхэд гаргасан хүсэлт болон итгэмжлэгдсэн төлөөлөгч ..... шүүх хуралдаанд гаргасан тайлбартаа:

1.1. Зээлдэгч .....ургийн овогт ........... ......3 нь ............. Говьсүмбэр салбараас ........ нь 2024 оны 07 сарын 05- ны өдөр №ЗГ/56846202, БГХ/56846202 тоот онлайн цалингийн зээлийн гэрээ, барьцааны гэрээ байгуулж 30 сарын хугацаатай, жилийн 19.8 хувийн хүүтэй 5,000,000 төгрөгийн цалингийн зээл авсан.

.......... нь зээлийн гэрээний Хавсралт-1 зээл олголт, эргэн төлөлтийн хуваарийг удаа дараа зөрчсөн тул банк зээлийн гэрээний үүргийн дагуу зээл хүү төлөх талаар мэдэгдэж байсан боловч өнөөдрийг хүртэл төлбөрөө төлөөгүй 374 хоног хугацаа хэтрүүлж гэрээний үүргээ зөрчсөн байна 2025 оны 7 сарын 23-ны өдөр шүүхэд нэхэмжлэл гаргасан бөгөөд 2025 оны 08 сарын 18-ны шүүхийн шийдвэрээр ......... нь Говьсүмбэр аймгийн Сүмбэр сумын 3 дугаар баг, хүрийн ногоо 1 -05 тоотод оршин суудаггүйг тодорхойлж хэргийг хэрэгсэхгүй болгосон.

Зээлдэгч .......ургийн овогт ........ нь 2025 оны 09 сарын 3-ны өдрийн байдлаар үндсэн зээлийн үлдэгдэл 4,757,847 /Дөрвөн сая долоон зуун тавин долоон мянга найман зуун дөчин долоон төгрөг/ зээлийн хүүгийн төлбөрт 1,051,219 /Нэг сая тавин нэгэн мянга хоёр зуун арван есөн төгрөг/, нэмэгдүүлсэн хүүгийн төлбөр 36,921 / Гучин зургаан мянга есөн зуун хорин нэгэн төгрөг / буюу нийт 5,845,987 / Таван сая найман зуун дөчин таван мянга есөн зуун наян долоон төгрөг/ төлөгдөөгүй зээлийн үлдэгдэлтэй байна.

Иймд, зээлдэгч ........... нь зээлийн гэрээний үүргээ удаа дараа зөрчиж, зээлээ төлөхгүй, оршин суугаа газар нь тодорхой бус байгаа учир эрэн сурвалжилж, оршин суугаа газрын тогтоож өгнө үү гэв.

 

2. Нэхэмжлэгчээс: Нэхэмжлэл, зээлийн гэрээ, барьцааны гэрээ, зээлийн бүтээгдэхүүн танилцуулах маяг, зээлийн дансны хуулга, зээлийн бүртгэлийн карт, тэмдэгтийн хураамж төлсөн баримт, шүүхийн шийдвэр, банкны гэрчилгээний хуулбар, итгэмжлэл зэргийг шүүхэд гаргаж өгсөн.

 

3. Нэхэмжлэгчийн хүсэлтээр шүүх: ........ийн иргэний үнэмлэхийн лавлагаа болон оршин суугаа газрын хаягийн бүртгэлийн лавлагаа, Говьсүмбэр аймгийн Сүмбэр сумын Найрамдал багийн Засаг даргын 2025 оны 10 дугаар сарын 23-ны өдрийн 719 дугаар тодорхойлолтыг бүрдүүлсэн.

 

ҮНДЭСЛЭХ нь: 

 

1. Хүсэлт гаргагчийн нэхэмжлэлийн шаардлагыг хангаж шийдвэрлэх үндэслэлтэй.

 

2. Хүсэлт гаргагч ...... нь зээлдэгчээс зээлийн үлдэгдэл төлбөрийг гаргуулах гэтэл ......... нь бүртгэлтэй хаягтаа оршин суудаггүй, хаана байгаа нь тодорхойгүй байх тул эрэн сурвалжлуулна гэж нэхэмжлэлийн шаардлагаа тодорхойлсон.

3. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.1, 155.2-т зааснаар иргэний эрх зүйн маргаанд хариуцагчаар оролцвол зохих этгээд оршин суугаа газар нь мэдэгдэхгүй бол түүнийг эрэн сурвалжуулах тухай хүсэлтийг өөрийн оршин байгаа газрын шүүхэд гаргаж болно гэж заажээ. 

 

4. Иргэний эрх зүйн маргаанд хариуцагчаар оролцвол зохих этгээд ........... нь Улсын бүртгэлийн мэдээллийн нэгдсэн сангийн лавлагаагаар: Говьсүмбэр аймаг, Сүмбэр сум, ....... дугаар баг, .......... тоотод оршин суудаг гэх болов, Говьсүмбэр аймгийн Сүмбэр сумын Найрамдал багийн Засаг даргын 2025 оны 10 дугаар сарын 23-ны өдрийн 719 дугаар тодорхойлолтод дээрх хаягт бүртгэлтэй боловч оршин суудаггүй гэжээ.

 

5. Иймд, иргэний эрх зүйн маргаанд хариуцагчаар оролцвол зохих этгээд болох .......... овогт ...............-ыг эрэн сурвалжлуулах тухай ХААН банк ХК-ийг төлөөлж, Говьсүмбэр салбарын гаргасан хүсэлтийг хангаж, түүний оршин суугаа газрыг олж тогтоох ажиллагааг гүйцэтгэхийг Говьсүмбэр аймгийн Цагдаагийн хэлтэст даалгах нь зүйтэй байна.

 

6. ......... 1997 онд төрсөн, эмэгтэй, .............. регистрийн дугаартай, Говьсүмбэр аймаг, Сүмбэр сум, ....... дугаар баг, ............ тоотод оршин суух албан ёсны бүртгэлтэй, түүний утас: ............. ээжийн нь утас ..........гэж хүсэлт гаргагч шүүх хуралдаанд тайлбарласан болно.

 

7. Хүсэлт гаргагчаас улсын тэмдэгтийн хураамжид төлсөн 70,200 төгрөгийг орон нутгийн төсвийн орлогод хэвээр үлдээх нь хуульд нийцнэ.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9-д заасныг удирдлага болгон

 

ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т заасныг баримтлан .......-ийг төлөөлж, Говьсүмбэр салбарын гаргасан хүсэлтийг хангаж, иргэний эрх зүйн маргаанд хариуцагчаар оролцвол зохих этгээд ........... /РД:............./-ыг эрэн сурвалжилсугай.

 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-т заасныг баримтлан ........... /РД:................/-ыг эрэн сурвалжлах, түүний оршин суугаа газрыг тогтоох ажиллагааг гүйцэтгэхийг Говьсүмбэр аймгийн Цагдаагийн хэлтэст даалгасугай.

 

3. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.2.-т зааснаар хүсэлт гаргагчийн улсын тэмдэгтийн хураамжид төлсөн 70,200 төгрөгийг орон нутгийн төсвийн орлогод хэвээр үлдээсүгэй.

 

4. ........ 1997 онд төрсөн, эмэгтэй, .........регистрийн дугаартай, Говьсүмбэр аймаг, Сүмбэр сум, ....... дугаар баг, ................ тоотод оршин суудаг гэж хүсэлт гаргагч шүүх хуралдаанд тайлбарласан болохыг дурдсугай.

 

5. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7-д зааснаар шийдвэр танилцуулан сонсгомогц хуулийн хүчинтэй болох ба шийдвэр хүчинтэй болсон өдрөөс хойш 14 хоногийн хугацаа өнгөрмөгц хуралдаанд оролцсон тал 14 хоногийн дотор шүүхэд хүрэлцэн ирж шийдвэрийг өөрөө гардан авах үүрэгтэй бөгөөд шийдвэрийг гардан аваагүй нь гомдол гаргах хугацааг тоолоход саад болохгүйг мэдэгдсүгэй.

 

6. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар энэ шийдвэрийг зохигч тэдгээрийн төлөөлөгч буюу өмгөөлөгч эс зөвшөөрвөл шийдвэрийг гардан авснаас хойш 14 хоногийн дотор Говьсүмбэр аймгийн Эрүү, Иргэний хэргийн давж заалдах шатны шүүхэд давж заалдах журмаар гомдол гаргах эрхтэйг дурдсугай.

 

 

 

 

ДАРГАЛАГЧ, ШҮҮГЧ   Н.АРИУНЖАРГАЛ