Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дорнод аймаг дахь сум дундын анхан шатны шүүхийн шүүгч П.Пагма би,

Нэхэмжлэгч:  “*******” ХК-ийн нэхэмжлэлтэй,

Хариуцагч:  ******* овогт *******гийн *******д холбогдох,

            “Зээлийн гэрээний үүрэгт 10,646,568.36 төгрөг гаргуулах тухай” нэхэмжлэлийг 2025 оны 09 дүгээр сарын 18-ны өдөр тусгайлсан журмаар хүлээн авч, иргэний хэрэг үүсгэн хянаад ТОДОРХОЙЛОХ нь:

Нэхэмжлэгч “*******” ХК шүүхэд гаргасан нэхэмжлэлдээ: Л.******* нь 10,000,000 төгрөгийг жилийн 21,6 хувийн хүүтэй, 36 сарын хугацаатай, эргэлтийн хөрөнгийн зориулалтаар 2024.02.06-ны өдөр ... дугаартай жижиг бичил бизнесийн зээлийн гэрээ байгуулсан. Зээлдэгч нь банктай байгуулсан зээлийн гэрээгээр хүлээсэн үүргээ биелүүлэхгүй байгаа тул үндсэн зээл 8,333,333.38 төгрөг, зээлийн хүү 2,212,624.27 төгрөг, нэмэгдүүлсэн хүү 100,610.71 төгрөг, нийт 10,646,568.36 төгрөгийг гаргуулж өгнө үү гэжээ.

Хариуцагч Л.******* нь шүүхэд ирүүлсэн хариу тайлбартаа: Миний бие *******наас нэхэмжилсэн 10,646,568.36 төгрөгийг төлж барагдуулахыг зөвшөөрч байна гэжээ.

            Хэргийн материалыг шүүх хянаад ҮНДЭСЛЭХ нь:

            Нэхэмжлэгч “*******” ХК нь хариуцагч Л.*******д холбогдуулан “Зээлийн гэрээний үүрэгт 10,646,568.36 төгрөг гаргуулах тухай” нэхэмжлэлийг тус шүүхэд гаргажээ.

            Хэрэг хянан шийдвэрлэх ажиллагааны явцад дээрх нэхэмжлэлийн шаардлагыг хариуцагч Л.******* нь хүлээн зөвшөөрч, энэ талаарх тайлбараа шүүхэд бичгээр ирүүлжээ. 

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ.

            Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д тус тус заасныг удирдлага болгон ЗАХИРАМЖЛАХ нь:

            1. Нэхэмжлэгч “*******” ХК-ийн “Зээлийн гэрээний үүрэгт 10,646,568.36 төгрөг гаргуулах тухай” нэхэмжлэлийн шаардлагыг хариуцагч Л.******* нь хүлээн зөвшөөрснийг баталж, хэргийг хэрэгсэхгүй болгосугай. 

            2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар нэхэмжлэгчээс улсын тэмдэгтийн хураамжид төлсөн 185,295 төгрөгөөс нэхэмжлэлийн шаардлагад ногдох хэсгийн 50 хувь болох 92,647.5 төгрөгийг Хэрлэн сумын төсвийн орлогод хэвээр үлдээж, хариуцагч Л.*******ас 92,647.5 төгрөгийг, Хэрлэн сумын төсвийн орлогоос 92,647.5 төгрөгийг тус тус гаргуулж нэхэмжлэгч “*******” ХК-д олгосугай.

            3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

            4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг зохигч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

ШҮҮГЧ                         П.ПАГМА