МОНГОЛ УЛСЫН НЭРИЙН ӨМНӨӨС

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Э.Цолмон даргалж, тус шүүхийн танхимд хийсэн шүүх хуралдаанаар,

 

Нэхэмжлэгч: Сүхбаатар дүүрэг, 8 дугаар хороо, Сүхбаатарын талбай-02, *******, 8 давхарт байрлах ******* /рд:5036895/-н нэхэмжлэлтэй,

Хариуцагч: Сүхбаатар дүүрэг, 20 дугаар хороо, *******, 1-2 тоотод оршин суух ******* овогт *******ын ******* /рд:*******/-д холбогдох,

 

1,301,700 төгрөг гаргуулах тухай иргэний хэргийг хянан хэлэлцэв.

 

Шүүх хуралдаанд: Нэхэмжлэгчийн итгэмжлэгдсэн төлөөлөгч *******, шүүх хуралдааны нарийн бичгийн даргаар Н.Энхзаяа нар оролцов.

 

ҮНДЭСЛЭХ нь:

Нэхэмжлэлийн шаардлагыг бүхэлд нь хангаж шийдвэрлэв.

 

1. Нэхэмжлэгч ******* хариуцагч Э.*******д холбогдуулан бүтээгдэхүүн зээлээр худалдан авсан төлбөр 702,000 төгрөг, 89998714 дугаарын 2023 оны 12-р сараас 2024 оны 01 сарын ярианы төлбөрт 248,700 төгрөг, алданги 351,000 төгрөг, нийт 1,301,700 төгрөг гаргуулж өгнө үү хэмээн шаарджээ.

2025 оны 07 дугаар сарын 3-ний өдөр нэхэмжлэлийн хувийг холбогдох баримтуудын хамт хүргүүлснийг 2025 оны 07 дугаар сарын 05-ний өдөр хариуцагч өөрөө гардан авсан боловч нэхэмжлэлийг татгалзсан, эсхүл хүлээн зөвшөөрсөн эсэх хариу тайлбар, нотлох баримтыг шүүхэд ирүүлээгүй байна.

2. Талуудын хооронд 2023 оны 06 дугаар сарын 26-ний өдөр ******* дугаартай гэрээ байгуулагдаж хариуцагч 89998714 дугаарыг ашиглаж төхөөрөмж худалдан авахаар харилцан тохиролцсон нь зохигчийн хооронд худалдах, худалдан авах гэрээний харилцаа үүссэн, гэрээ хүчин төгөлдөр байна.

Хариуцагч Э.******* нь худалдан авсан барааны үнэ буюу сар бүр сонгосон багцын үнийг төлөх үүрэгтэй, нэхэмжлэгч ******* төлбөрөө шаардах эрхтэй.

Иргэний хуулийн 232 дүгээр зүйлийн 232.4-т анз нь торгууль, алданги гэсэн төрөлтэй байна. Анзын нийт дүн гүйцэтгээгүй үүргийн үнийн дүнгийн 50 хувиас хэтэрч болохгүй, 232.6-д хууль болон гэрээнд заасан хугацаа хэтрүүлсэн тал нь хоног тутамд гүйцэтгээгүй үүргийн үнийн дүнгийн 0,5 хувиас хэтрэхгүй хэмжээгээр төлөхөөр тогтоосон анзыг алданги байхаар тогтоосон тул талуудын байгуулсан зээлийн гэрээний 5.3-д зааснаар нэхэмжлэгч тал Э.*******аас алдангид 351,000 төгрөг шаардах эрхтэй байна.

3. Мөн Иргэний хэрэг шүүхэд хянан шийдвэрлэх тухай хуулийн 42 дугаар зүйлийн 42.4-т нэг талын гаргасан тайлбарыг эсрэг тал эсэргүүцээгүй, эсхүл хуулиар тогтоосон хугацаанд тайлбар өгөөгүй бол тайлбарыг хүлээн зөвшөөрсөнд тооцно гэж заажээ.

Иймд хариуцагч Э.*******аас худалдах, худалдан авах гэрээний үүрэгт 1,301,700 төгрөгийг гаргуулж нэхэмжлэгч *******-д олгож шийдвэрлэв.

4. Хариуцагчид хуульд заасан журмаар 2025 оны 07 дугаар сарын 24-ний өдөр гэрийн хаягаар шүүх хуралдааны товийг мэдэгдсэн боловч хүндэтгэн үзэх шалтгаангүйгээр хүрэлцэн ирээгүй тул Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.3-т зааснаар түүний эзгүйд хэргийг шийдвэрлэсэн болно.

5. Шүүхийн зардлыг нэхэмжлэл бүрэн хангагдсан тул хариуцагчаар нөхөн төлүүлж, нэхэмжлэгчид олгов.

Иргэний хэрэг шүүхэд хянан шийдвэрлэх тухай хуулийн 75⁹ дүгээр зүйлийн 75⁹.1, 115 дугаар зүйлийн 115.2.1, 79⁹ 2-дугаар зүйлийг удирдлага болгон ТОГТООХ нь:

 

1. Иргэний хуулийн 243 дугаар зүйлийн 243.1-т заасныг баримтлан хариуцагч Э.*******аас 1,301,700 төгрөг гаргуулж нэхэмжлэгч *******-д олгосугай.

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчээс улсын тэмдэгтийн хураамжид төлсөн 35,777 төгрөгийг улсын төсвийн орлогод хэвээр үлдээж, хариуцагч Э.*******аас 35,777 төгрөг гаргуулж нэхэмжлэгч *******-д олгосугай.

3. Иргэний хэрэг шүүхэд хянан шийдвэрлэх тухай хуулийн 75¹¹ дүгээр зүйлийн 75¹¹.1 дэх хэсэгт зааснаар зохигч нь шийдвэрийг гардан авснаас хойш хойш 7 хоногийн дотор Нийслэлийн Иргэний хэргийн давж заалдах шатны шүүхэд гомдол гаргаж болохыг дурдсугай.

 

 

ДАРГАЛАГЧ, ШҮҮГЧ Э.ЦОЛМОН