Нэхэмжлэлийн шаардлагыг хариуцагч биелүүлснийг

                                          баталж, хэргийг хэрэгсэхгүй болгох тухай

 

     Ховд аймгийн Булган сум дахь Сум дундын шүүхийн шүүгч  Ц.Энхжаргал би

     Нэхэмжлэгч: “Ашид Капитал ББСБ” ХХК-ны нэхэмжлэлтэй,

     Хариуцагч: Ховд аймгийн Булган сумын ******* багт оршин суух ******* регистрийн дугаартай  овогт *******ы ******* холбогдох  1,456,278.99 төгрөг гаргуулах тухай нэхэмжлэлтэй иргэний хэргийг хүлээн авч хянаад

 ТОДОРХОЙЛОХ нь:

         Нэхэмжлэгч “Ашид Капитал ББСБ” ХХК нь шүүхэд гаргасан нэхэмжлэлдээ: “...Нэхэмжлэл гаргах өдрийн байдлаар 7110041114 тоот “Цахим зээлийн гэрээ’’ -ний үүрэгт үндсэн зээл 1,150,749.22 төгрөг, үндсэн хүү 271,068.32 төгрөг, нэмэгдүүлсэн хүү 19,461.45 төгрөг, нотариатын төлбөр 15,000 төгрөг, нийт 1,456,278.99 төгрөгийг *******ы Баасанжаваас гаргуулж өгнө үү...” гэжээ. 

ҮНДЭСЛЭХ нь:

        Нэхэмжлэгч “Ашид Капитал ББСБ” ХХК нь *******аас зээлийн үлдэгдэл 1,456,278.99 / нэг сая дөрвөн зуун тавин зургаан мянга/ төгрөг  гаргуулахыг хүссэн нэхэмжлэлийг шүүхэд гаргажээ.  

            Хэрэг хянан шийдвэрлэх ажиллагааны явцад хариуцагч ******* нь Ашид Капитал ББСБ” ХХК-нд төлөх 1,456,278.99 / нэг сая дөрвөн зуун тавин зургаан мянга/ төгрөгийг төлж нэхэмжлэлийн шаардлагыг биелүүлсэн байна. Иймд нэхэмжлэлийн шаардлагыг хариуцагч ******* биелүүлснийг баталж, хэргийг хэрэгсэхгүй болгох нь зүйтэй гэж үзлээ.

           Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸.1, 123 дугаар зүйлийн 123.1- д  заасныг удирдлага болгон 

ЗАХИРАМЖЛАХ нь:

          1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2,  75⁸ дугаар зүйлийн 75⁸.1-т зааснаар нэхэмжлэгч “Ашид Капитал ББСБ” ХХК-ний   нэхэмжлэлийн шаардлага 1,456,278.99 / нэг сая дөрвөн зуун тавин зургаан мянга/ төгрөгийг хариуцагч ******* биелүүлснийг  баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар  улсын тэмдэгтийн хураамж 38,250 төгрөгний тал хувь болох 19,125  төгрөгийг хариуцагч *******аас гаргуулан улсын орлогод оруулсугай. 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны  шүүхэд дахин нэхэмжлэл гаргах эрхгүй болохыг  дурдсугай.

 

 

       ШҮҮГЧ                                  Ц.ЭНХЖАРГАЛ