Хариуцагчийн зөвшөөрлийг

баталж, хэргийг хэрэгсэхгүй болгох тухай

 

******* аймгийн Булган сум дахь Сум дундын шүүхийн шүүгч Ц.Энхжаргал би

Нэхэмжлэгч *******-ийн, нэхэмжлэлтэй,

Хариуцагч: ******* аймгийн******* сумын*******т оршин суух, РД:ПК02322506,*******д холбогдох *******,******* төгрөг гаргуулах тухай иргэний хэргийг 2025 оны 09 дүгээр сарын 19-ний өдөр хүлээн авч хянаад,

ТОДОРХОЙЛОХ нь:

Нэхэмжлэгч Токи ББСБ ХХК-ийн итгэмжлэгдсэн төлөөлөгч******* шүүхэд гаргасан нэхэмжлэлдээ: Хариуцагч Цэрэнлхам Буманзаяа нь Токи ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна. 2024-05-07-ны өдөр 2124443 тоот Токи кредит үйлчилгээний гэрээг байгуулж 560,000.0 төгрөгийн зээлийн эрх үүссэн бөгөөд аппликейшнээр дамжуулан бүтээгдэхүүн, үйлчилгээ худалдан авах зорилгоор зээлийн эрхээ ашиглах, нэхэмжлэгдсэн зээлийн эргэн төлөлтийг сар бүрийн 15-ны дотор төлөхөөр тохиролцсон. Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, шүүхэд дараах нэхэмжлэлийн шаардлагыг гаргаж байна. Үүнд:

2124443тоот Токи кредит гэрээний үүрэгт үндсэн зээлд 541,002.77 төгрөг, үндсэн хүүнд 175,377.09 төгрөг, нэмэгдүүлсэн хүүнд 14,266.02 төгрөг, шимтгэлд 2,000.0 төгрөг нотариатын төлбөр 0.0 төгрөг нийт *******,******* төгрөгийг хариуцагч Цэрэнлхам Буманзаяааас гаргуулж өгнө үү гэжээ.

Хариуцагч Ц.Буманзаяа шүүхэд гаргасан хариу тайлбартаа:******* миний бие нэхэмжлэгчийн гаргасан нэхэмжлэлтэй танилцлаа. Нэхэмжлэлд заасан нийт *******,******* төгрөгийг төлөхийг хүлээн зөвшөөрч байна. 2025 оны 12 дугаар сарын 31-ний өдөр гэхэд бүрэн төлж барагдуулна гэжээ.

ҮНДЭСЛЭХ нь:

Нэхэмжлэгч Токи ББСБ ХХК нь хариуцагч Ц.Буманзаяаас *******,******* төгрөг нэхэмжилснийг хариуцагч Ц.Буманзаяа хүлээн зөвшөөрсөн байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгох нь үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75^8..1, 123 дугаар зүйлийн 123.1- д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74 дүгээр зүйлийн 74.2, 75⁸ дугаар зүйлийн 75^8..1-т зааснаар нэхэмжлэгч Токи ББСБ ХХК-ний нэхэмжлэлийн шаардлага *******,******* төгрөгийг хариуцагч Ц.Буманзаяа төлөхөөр хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Токи ББСБ ХХК-ний улсын тэмдэгтийн хураамжид төлсөн 22,134 төгрөгийн 11,067 төгрөгийг улсын орлогоос, 11,067 төгрөгийг хариуцагч Ц.Буманзаяаас тус тус гаргуулж нэхэмжлэгч Токи ББСБ ХХК-д буцаан олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ Ц.ЭНХЖАРГАЛ