197/ШШ2025/05357

 

 

 2025         05           01

Зохигчийн эвлэрлийг баталж,

хэргийг хэрэгсэхгүй болгох тухай

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Э.Оюунтунгалаг би,

Нэхэмжлэгч: Нэхэмжлэгч: Улаанбаатар хот, ХХ дүүрэг, ХХ дугаар хороо, ХХ хаягт байрлах, “ХХ ББСБ” ХХК /РД:ХХХХХХХХХХ/-ийн гаргасан,

Хариуцагч: Улаанбаатар хот, ХХ дүүрэг, ХХ дүгээр хороо, ХХ тоотод оршин суух, ХХ /РД: ХХХХХХХХХХ/-д холбогдох зээлийн гэрээний үүрэгт 1,631,384 төгрөг гаргуулах тухай иргэний хэргийг хүлээн авч хянаад

ТОДОРХОЙЛОХ нь:

Нэхэмжлэгч “ХХ ББСБ” ХХК шүүхэд гаргасан нэхэмжлэлдээ:

Зээлдэгч Д.А “ХХ ББСБ” ХХК-тай 2020 оны 12 дугаар сарын 01-ний өдөр байгуулсан 111912030035 тоот зээлийн гэрээний үүрэгт нийт  1,631,384 төгрөгийг гаргуулж өгнө үү гэжээ.

Зохигч  шүүхэд ирүүлсэн тайлбартаа:

Миний бие Д.А нь “ХХ ББСБ” ХХК-аас нэхэмжилсэн 1,631,384 төгрөгөөс нэхэмжлэгчтэй харилцан тохиролцож 339,894.67 төгрөгийг төлж барагдуулахаар тохиролцов гэжээ.

ҮНДЭСЛЭХ нь:

 

Хэрэг хянан шийдвэрлэх ажиллагааны явцад нэхэмжлэгч “ХХ ББСБ” ХХК-ийн нэхэмжлэлийн шаардлага 339,894.67 төгрөгийг, улсын тэмдэгтийн хураамжийн хамт хариуцагч Д.А төлөхийг хүлээн зөвшөөрсөн тайлбараа шүүхэд бичгээр ирүүлсэн тул түүний зөвшөөрөл нь Иргэний хуульд харшлаагүй, гуравдагч этгээдийн хуулиар хамгаалагдсан эрх ашиг сонирхлыг хөндөөгүй байх тул хариуцагч нэхэмжлэлийн шаардлагыг зөвшөөрснийг батлах нь зүйтэй гэж үзлээ.

    

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар улсын тэмдэгтийн хураамжийг тал хувиар бууруулж тогтоов.

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1, 74 дүгээр зүйлийн 74.1, 74.2, 75 дугаар зүйлийн 75⁸.1 дэх хэсэгт заасныг удирдлага болгон

ЗАХИРАМЖЛАХ нь:

 

1. Нэхэмжлэгч “ХХ ББСБ” ХХК-ийн нэхэмжлэлийн шаардлага 339,894.67 төгрөгийг хариуцагч Д.А нь төлөхийг зөвшөөрснийг баталж хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 35,506 төгрөгийг улсын орлогод үлдээж, хариуцагчаас улсын тэмдэгтийн хураамж 17,753 төгрөг, улсын орлогоос улсын тэмдэгтийн хураамж 17,753 төгрөгийг гаргуулан нэхэмжлэгчид олгосугай.   

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

ШҮҮГЧ                                     Э.ОЮУНТУНГАЛАГ