ТОГТООХ нь:

1. Өвөрхангай аймаг дахь сум дундын эрүүгийн хэргийн анхан шатны шүүхийн 2024 оны 11 дүгээр сарын 11-ний өдрийн 2024/ШЦТ/249 дугаартай шийтгэх тогтоолын тогтоох хэсэгт:

     а/ 1¹ заалтыг нэмж “Прокуророос шүүгдэгч Г.А, Ш.Б, Ц.У, С.Э нарт холбогдох хэргийг Эрүүгийн хуулийн ерөнхий ангийн 2.2 дугаар зүйлийн 3 дахь хэсэг, 3.1 дүгээр зүйлийн 3 дахь хэсэгт заасныг журамлан Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар зүйлчилж ирүүлснийг Эрүүгийн хуулийн ерөнхий ангийн 2.2 дугаар зүйлийн 3 дахь хэсэгт заасныг журамлан Эрүүгийн хуулийн тусгай ангийн 12.1 дүгээр зүйлийн 2.1 болгон хөнгөрүүлэн өөрчилсүгэй” гэж,

     б/ Шийтгэх тогтоолын тогтоох хэсгийн 1 дэх заалтыг бүхэлд нь “шүүгдэгч Г.А, Ш.Б, Ц.У, С.Э нарыг арван дөрвөөс дээш арван найман насанд хүрээгүй хүнийг үргэлжилсэн үйлдлээр хүчиндсэн гэмт хэрэг үйлдсэн гэм буруутайд тус тус тооцсугай” гэж,

       в/ Шийтгэх тогтоолын 2, 3 дахь заалтыг бүхэлд нь “Эрүүгийн хуулийн ерөнхий ангийн 2.2 дугаар зүйлийн 3 дахь хэсэгт заасныг журамлан Эрүүгийн хуулийн тусгай ангийн 12.1 дүгээр зүйлийн 2.1-т зааснаар шүүгдэгч Г.А-г 6 жил 6 сарын хугацаагаар хорих ялаар, шүүгдэгч Ш.Б, Ц.У, С.Э нарыг 6 жилийн хугацаагаар хорих ялаар тус тус шийтгэсүгэй” гэж,

       г/ Шийтгэх тогтоолын 4 дэх заалтыг бүхэлд нь “Эрүүгийн хуулийн ерөнхий ангийн 5.6 дугаар зүйлийн 3, 4 дэх хэсэгт зааснаар шүүгдэгч Г.А-д оногдуулсан 6 жил 6 сарын хугацаагаар хорих ял, шүүгдэгч Ш.Б, Ц.У, С.Э нарт оногдуулсан 6 жилийн хугацаагаар хорих ялыг тус тус нээлттэй хорих байгууллагад эдлүүлэхээр тогтоосугай” гэж өөрчлөн, шийтгэх тогтоолын бусад заалтыг хэвээр үлдээсүгэй.

2. Эрүүгийн хэрэг хянан шийдвэрлэх тухай хуулийн 39.10 дугаар зүйлийн 3 дахь хэсэгт зааснаар шүүгдэгч Г.А, Ш.Б, Ц.У, С.Э нарын  анхан шатны шүүх хуралдаанаас давж заалдах шатны шүүх хуралдаанаар хэргийг хянан хэлэлцэх өдрийг хүртэл буюу 2024 оны 11 дүгээр сарын 11-ний өдрөөс 2025 оны 01 дугаар сарын 15-ны өдрийг хүртэлх хугацаанд цагдан хоригдсон 65 хоногийг тэдний ял эдлэх хугацаанд тус тус оруулан тооцсугай.
3. Эрүүгийн хэрэг хянан шийдвэрлэх тухай хуулийн 40.1 дүгээр зүйлийн 1, 2 дахь хэсэгт зааснаар анхан болон давж заалдах шатны шүүх Эрүүгийн хуулийг зөрүүтэй хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн нь шүүхийн шийдвэрт нөлөөлсөн, шүүх хуулийг Улсын дээд шүүхийн албан ёсны тайлбараас өөрөөр тайлбарлаж хэрэглэсэн гэж үзвэл давж заалдах шатны шүүхийн шийдвэрийг гардуулсан эсхүл хүргүүлснээс хойш 14 хоногийн дотор хяналтын журмаар Монгол Улсын Дээд шүүхэд оролцогч хяналтын журмаар гомдол, прокурор, дээд шатны прокурор эсэргүүцэл бичих эрхтэй болохыг дурдсугай.