Хариуцагчийн зөвшөөрлийг баталж,

 хэргийг хэрэгсэхгүй болгох тухай

Завхан аймаг дахь Захиргааны хэргийн анхан шатны шүүхийн шүүх хуралдааныг ерөнхий шүүгч Н.Амарзаяа даргалж, шүүх хуралдааны нарийн бичгийн дарга Г.Эрдэнэжаргалыг оролцуулан тус шүүхийн танхимд  нээлттэй хийсэн шүүх хуралдаанаар Завхан аймгийн Газрын харилцаа, барилга хот байгуулалтын газрын Газар, геодези, зураг зүйн хяналтын улсын байцаагч С.*******од холбогдох, Газар, геодези, зураг зүйн хяналтын улсын байцаагчийн 2026 оны 05 дугаар сарын 29-ний өдрийн 0906376 дугаартай шийтгэлийн хуудсыг хүчингүй болгуулах шаардлага бүхий  Завхан аймгийн *******ын газрын зөрчлийн хэрэг бүртгэх ажиллагаанд хяналт тавих ажил хариуцсан ахлах прокурор Б.*******ын дүгнэлттэй захиргааны хэргийг хянан хэлэлцээд ТОДОРХОЙЛОХ нь:

******* шүүхэд гаргасан дүгнэлтдээ: ... Завхан аймгийн Газрын харилцаа, барилга хот байгуулалтын газрын Газар, геодези, зураг зүйн хяналтын улсын байцаагчийн 2026 оны 05 дугаар сарын 29-ний өдрийн 0906376 дугаартай шийтгэлийн хуудсыг хүчингүй болгуулах гэж тодорхойлсон.

Хариуцагч С.*******о шүүхэд гаргасан тайлбартаа: Миний бие С.*******о нь 2026 оны 05 дугаар сарын 28-ны өдрийн 0906375, 2026 оны 07 дугаар сарын 22-ны өдрийн 0906374, 2026 оны 07 дугаар сарын 21-ний өдрийн 0906379, 2026 оны 05 дугаар сарын 29-ний өдрийн 0906376 дугаартай улсын байцаагчийн шийдвэрийг хүчингүй болгох тухай Завхан аймгийн *******ын дүгнэлтийг хүлээн зөвшөөр ч байна гэжээ.

Гуравдагч этгээд шүүхэд бичгээр гаргасан тайлбартаа: Миний бие Т.******* нь Завхан аймгийн ******* сумын *******гийн буланд 800м² газрыг хүнсний ногооны зориулалтаар 15 жилийн хугацаагaap эзэмшсэн. 2009 оны 08 дугаар сарын 18-ны өдрийн ******* дугаартай "Газар эзэмших эрхийн гэрчилгээ олгож байсан. 2024 оны 08 дугаар сарын 18-ны өдөр гэрчилгээний хугацаа дуусах байсныг миний бие мэдээгүй юм. ******* сумын газрын даамал н.******* 2026 оны 05 сарын үед над руу залгаж таны газрын гэрчилгээний хугацаа дууссан байна торгууль төлөхөөр байна гэсэн учир миний бие Завхан аймгийн Газрын харилцаа, барилга хот байгуулалтын газрын Газар, геодези, зураг зүйн хяналтын улсын байцаагч С.*******той очиж уулзсан. Тэгэхэд шинэ хууль гарсан учир торгууль төлөхөөр байна. Сарын өмнө та гэрчилгээний хугацаагаа дууссаныг мэдсэн бол торгуульд орохгүй байсан байна гэж хэлсэн. Тэгээд хэлсний дагуу 500,000 төгрөг төл гэхээр нь төлсөн. Бусдаар надад өөр мэдсэн зүйл байхгүй болно. Шүүх хуралдаанд өөрийн биеэр оролцох боломжгүй буяны ажил гарсан тул надыг байлцуулахгүйгээр тухайн маргааныг шийдвэрлэж өгнө үү гэжээ.

ҮНДЭСЛЭХ нь:

Завхан аймгийн ******* сумын Засаг даргын 2009 оны 06 дугаар сарын 18-ны өдрийн А/58 дугаартай захирамжаар Завхан аймгийн ******* сумын *******гийн буланд 800 м² газрыг Т.*******д хүнсний ногооны зориулалтаар 15 жилийн хугацаатай эзэмшүүлсэн байх бөгөөд түүнд 2009 оны 08 сарын 18-ны өдөр ******* дугаартай газар эзэмших эрхийн гэрчилгээ олгогдсон байна.

2026 оны 05 дугаар сарын 29-ний өдөр эрх бүхий байгууллагын зөвшөөрөлгүйгээр газар эзэмшиж байгаа талаараа өөрийн биеэр илчилж ирсэн гэж үзэн эрх бүхий албан тушаалтан 2026 оны 05 дугаар сарын 29-ний өдрийн 0906376 дугаар шийтгэлийн хуудсаар Зөрчлийн тухай хуулийн 8.1 дүгээр зүйлийн 10.1-д заасны дагуу Т.*******д 500 нэгжтэй тэнцэх хэмжээний буюу таван зуун мянган төгрөгөөр торгох шийтгэл оногдуулсан.

Дээрх зөрчлийн хэргийн материалыг хяналтын прокурор Б.******* хүлээн авч танилцаад, Т.******* нь газар эзэмших эрхийн гэрчилгээний хүчин төгөлдөр байх хугацаа дуусахаас 30-аас доошгүй хоногийн өмнө хугацаа сунгуулах тухай хүсэлтээ тухайн шатны Засаг даргад гаргаагүй Газрын тухай хуулийг зөрчсөн зөрчлийг 2024 оны 07 дугаар сарын 18-ны өдөр үйлдэж дууссан, өөрөөр хэлбэл зөрчил мөн өдөр төгссөн бөгөөд үүнээс хойш 6 сар буюу 2025 оны 01 дүгээр сарын 18-ны өдрийг хүртэл хугацаанд зөрчил шалган шийдвэрлэх ажиллагаа явуулах боломжтой байна. Гэтэл эрх бүхий албан тушаалтан нь хуульд заасан хөөн хэлэлцэх хугацаа дуусгавар болсноос хойш 1 жил 4 сарын дараа хууль зөрчин зөрчил шалган шийдвэрлэх ажиллагааг явуулж, Зөрчлийн тухай хуулийн 8.1 дүгээр зүйлийн 10 дахь хэсгийн 10.1-д зааснаар 500.000 төгрөгөөр торгох шийтгэл оногдуулж шийдвэрлэсэн нь үндэслэлгүй байна гэж үзэж хүчингүй болгуулахаар дүгнэлт гаргасан.

Хариуцагч С.*******о нь прокурорын дүгнэлтийг хүлээн зөвшөөрч байгаа тайлбараа шүүхэд ирүүлсэн байна.

Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1 дэх хэсэгт “Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусад этгээдийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байвал шүүх хариуцагчийн зөвшөөрлийг баталж, хэргийг хэрэгсэхгүй болгоно” гэж заажээ.

Хариуцагч нэхэмжлэлийн шаардлагыг бүрэн хүлээн зөвшөөрснөөр бусад этгээдийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй байна.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1 дэх хэсэгт заасныг удирдлага болгон ЗАХИРАМЖЛАХ НЬ:

1. Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1 дэх хэсэгт заасныг баримтлан Завхан аймгийн *******ын газрын зөрчлийн хэрэг бүртгэх ажиллагаанд хяналт тавих ажил хариуцсан ахлах прокурор Б.*******ын “Завхан аймгийн Газрын харилцаа, барилга, хот байгуулалтын газрын Газар, геодези, зураг зүйн хяналтын улсын байцаагч С.*******огийн 2026 оны 05 дугаар сарын 29-ний өдрийн 0906376 дугаартай шийтгэлийн хуудсыг хүчингүй болгуулах тухай” 23 дугаартай прокурорын дүгнэлтийг  хариуцагч бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Дүгнэлт гаргагч нь Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар улсын тэмдэгтийн хураамжаас чөлөөлөгдсөн болохыг дурдсугай.

3. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2 дахь хэсэгт зааснаар энэ захирамжид гомдол гаргах эрхгүй бөгөөд шүүхийн шийдвэрийн нэгэн адил биелүүлнэ.

  ЕРӨНХИЙ ШҮҮГЧ                             Н.АМАРЗАЯА