2025         11          13                                         157/ШШ2025/00418

  

 

 

  Хариуцагчийн зөвшөөрлийг баталж,

  хэргийг  хэрэгсэхгүй болгох тухай

 

 

Хаймгийн Б сум дахь Сум дундын шүүхийн шүүгч         Б.Болор-Эрдэнэ би

Нэхэмжлэгч: У хот, С 5, Г банк төв байр  Г банкХК-ийн нэхэмжлэлтэй,

Хариуцагч: Хаймгийн Б сум, 1 дүгээр баг Б  3-14 тоотод оршин суух, Д овогт Б-ын С-д холбогдох

“зээлийн гэрээний үүрэгт 7,329,122.48 төгрөг гаргуулах” тухай нэхэмжлэлийг  2025 оны 11 дүгээр сарын 04-ний өдөр хүлээн авч, 2025 оны 11 дүгээр сарын       07-ны өдөр иргэний хэрэг үүсгэж хянаад   

                                                             

ТОДОРХОЙЛОХ нь:

Нэхэмжлэгч Г банк ХК-ийн зээл цуглуулах газрын захирал Б.Э шүүхэд гаргасан нэхэмжлэлдээ: “...Б.С-аас үндсэн зээл 6,665,422.98 төгрөг, үндсэн хүү 652,884.80 төгрөг, нэмэгдүүлсэн хүү 10,814.69 нийт 7,329,122.48 төгрөгийг гаргуулж өгнө үү.” гэжээ.

 

Хариуцагч Б.С шүүхэд ирүүлсэн хариу тайлбартаа: “Миний бие зээлийн төлөлтийн хуваарийн дагуу 11 сарын 30-ны өдрөөс эхлэн сар болгон 300,000 төгрөгөөр зээлээ төлж барагдуулна.” гэв.

 

ҮНДЭСЛЭХ нь:

Нэхэмжлэгч Г банкХК нь хариуцагч Б.С-д холбогдуулан зээлийн гэрээний үүрэгт 7,329,122.48 төгрөг гаргуулах тухай нэхэмжлэлийг тусгайлсан журмаар хянан шийдвэрлүүлэхээр гаргажээ.

Хариуцагч Б.С нь хэрэг хянан шийдвэрлэх ажиллагааны явцад “...зээлийн төлөлтийн хуваарийн дагуу 11 сарын 30-ны өдрөөс эхлэн сар болгон 300,000 төгрөгөөр зээлээ төлж барагдуулна.” гэж нэхэмжлэлийн шаардлагыг бүрэн хэмжээгээр хүлээн зөвшөөрсөн хариу тайлбар гаргасан нь бусдын хуулиар хамгаалагдсан эрх, ашиг сонирхолд харшлахгүй, хууль зөрчөөгүй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1 дэх хэсэгт “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ.” гэж заасан.

Иймд хариуцагч Б.Сын нэхэмжлэлийн шаардлага болох 7,329,122.48 төгрөгийг төлөхийг хүлээн зөвшөөрсөн тайлбарыг үндэслэн хэргийг хялбаршуулсан журмаар хянан шийдвэрлэх боломжтой гэж шүүх үзэж, хариуцагчийн зөвшөөрлийг баталж, хэргийг хэрэгсэхгүй болгож шийдвэрлэв.

 

Нэхэмжлэгч Г банкХК-ийн улсын тэмдэгтийн хураамжид урьдчилан төлсөн 132,216 төгрөгийг төрийн сангийн дансанд хэвээр үлдээн улсын орлого болгож, хэргийг хялбаршуулсан журмаар шийдвэрлэсэн тул улсын тэмдэгтийн хураамж 132,216 төгрөгийг тал хувиар бууруулж, хариуцагч Б.С-аас улсын тэмдэгтийн хураамжид 66,108 төгрөг, Төрийн сангийн орлогоос улсын тэмдэгтийн хураамжид 66,108 төгрөгийг тус тус гаргуулж, нэхэмжлэгч Г банкХК-нд олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 75⁸ дугаар зүйлийн 75⁸.1 дэх хэсэгт заасныг тус тус удирдлага болгон  ЗАХИРАМЖЛАХ нь:

 

          1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар нэхэмжлэгч Г банкХК-ийн нэхэмжлэлтэй хариуцагч Б.С-д холбогдох 7,329,122.48 (долоон сая гурван зуун хорин есөн мянга нэг зуун хорин хоёр төгрөг, дөчин найман мөнгө) төгрөг гаргуулах тухай нэхэмжлэлийн шаардлагатай иргэний хэрэгт хариуцагчийн зөвшөөрлийг баталж, хэргийг хэрэгсэхгүй болгосугай.

          2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч Г банкХК-ийн улсын тэмдэгтийн хураамжид урьдчилан төлсөн 132,216 төгрөгийг төрийн сангийн дансанд хэвээр үлдээн улсын орлого болгож, хариуцагч Б.С-аас улсын тэмдэгтийн хураамжид 66,108 төгрөгийг, Төрийн сангийн орлогоос улсын тэмдэгтийн хураамжид 66,108 төгрөгийг тус тус гаргуулж, нэхэмжлэгч Г банкХК-нд олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч Б.С нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Шүүхийн шийдвэр гүйцэтгэх тухай хуулийн 18 дугаар зүйлийн 18.1.1 дэх хэсэгт зааснаар уг шүүгчийн захирамж хуулийн хүчин төгөлдөр болсноос хойш 4 жилийн хугацаа өнгөрсөн тохиолдолд иргэний шийдвэр гүйцэтгэх ажиллагаа үүсгэхгүй болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

     ШҮҮГЧ                         Б.БОЛОР-ЭРДЭНЭ