Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Хөвсгөл аймаг дахь сум дундын анхан шатны шүүхийн шүүгч Б.Отгонбямба би

Нэхэмжлэгч: Улаанбаатар хот, Сүхбаатар дүүрэг, 8 дугаар хороо, Сүхбаатарын талбай-2, Сентрал тауэр, 8 давхарт байрлах, 6365744 регистрийн дугаартай, Т*** ББСБ ХХК-ийн, 

Хариуцагч: П.Б

Нэхэмжлэлийн шаардлага: Үндсэн зээл 715,387.56 төгрөг, үндсэн хүү 122,091.40 төгрөг, нэмэгдүүлсэн хүү 3,975.91 төгрөг, нийт 841,454.87 (найман зуун дөчин нэгэн мянга дөрвөн зуун тавин дөрөв) төгрөг (наян долоо) мөнгө гаргуулах тухай нэхэмжлэлийг, 2025 оны 9 дүгээр сарын 30-ны өдөр хүлээн авч, 320/2025/01501/и дугаар индекстэй, иргэний хэрэг үүсгэн хянаад

 

ТОДОРХОЙЛОХ нь:

1.  Нэхэмжлэгч Т*** ББСБ ХХК-ийн хэрэглэгчийн тооцооны хэлтсийн итгэмжлэгдсэн төлөөлөгч Б.Б  шүүхэд гаргасан нэхэмжлэлдээ: Нэхэмжлэлийн шаардлагын дүн: 841,454.87 төгрөг. ЗГ2024050218092 тоот гэрээний үүрэгт үндсэн зээл 715,387.56 төгрөг, үндсэн хүү 122,091.40 төгрөг, нэмэгдүүлсэн хүү 3,975.91 төгрөг. Гэрээ байгуулсан огноо: 2024.05.02-ны өдөр. Гэрээ дуусгавар болох огноо: 2026.04.20-ны өдөр. Буцаан төлсөн нийт мөнгөн хөрөнгийн дүн: 741,357.23 төгрөг. Гэрээний үүрэг зөрчигдөж эхэлсэн огноо: 2025.02.05-ны өдрөөс.

Хариуцагч П ийн Б нь Т*** ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна. 2024 оны 05 сарын 02-ны өдөр ЗГ2024050218092 тоот гэрээний дагуу Samsung A25 5G маркийн гар утас /цаг, чихэвч/-ыг нийт 1,158,000 төгрөгийн зээлээр, 30 сарын хугацаатай авсан. Хариуцагчид зээлийн гэрээний үүргийг зөрчигдөж эхэлсэн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж шүүхэд дараах нэхэмжлэлийн шаардлага гаргаж байна.Үүнд:

Нийт 841,454.87 төгрөгийг хариуцагчП Б гаас гаргуулах гэжээ. (хавтаст хэргийн 1-6 дахь тал)

2.  Хариуцагч П.Б шүүхэд гаргасан тайлбартаа: Би Т*** ББСБ ХХК-иас гар утас зээлээр авч, эхнээс нь зээлийн төлөлтийг төлөөд явж байсан. Нийт 741,357 төгрөгийг төлсөн байна. 2025 оны 4 дүгээр сард гэнэтийн ажил төрөл гараад группын зээл авсан ба сар бүрийн орлогогүй болж зээлээ төлж чадаагүй.

Би нэхэмжилж байгаа зээлийн төлбөр нийт 841,454.87 төгрөгийг төлж барагдуулна гэжээ. (хавтаст хэргийн 22 дахь тал) 

 

ҮНДЭСЛЭХ нь:

Нэхэмжлэгч Т*** ББСБ ХХК нь хариуцагч П.Б д холбогдуулан үндсэн зээл 715,387.56 төгрөг, үндсэн хүү 122,091.40 төгрөг, нэмэгдүүлсэн хүү 3,975.91 төгрөг, нийт 841,454.87 (найман зуун дөчин нэгэн мянга дөрвөн зуун тавин дөрөв) төгрөг (наян долоо) мөнгө гаргуулах тухай нэхэмжлэлийн шаардлага гаргажээ.    

Хэрэг хянан шийдвэрлэх ажиллагааны явцад хариуцагч П.Б нэхэмжлэлийн шаардлагыг хүлээн зөвшөөрч, 2025 оны 10 дугаар сарын 09-ний өдөр ...группын зээл авсан ба сар бүрийн орлогогүй болж зээлээ төлж чадаагүй. Би нэхэмжилж байгаа зээлийн төлбөр нийт 841,454.87 төгрөгийг төлж барагдуулна гэх тайлбарыг шүүхэд ирүүлсэн. Энэ нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч П.Б нэхэмжлэлийн шаардлага  үндсэн зээл 715,387.56 төгрөг, үндсэн хүү 122,091.40 төгрөг, нэмэгдүүлсэн хүү 3,975.91 төгрөг, нийт 841,454.87 (найман зуун дөчин нэгэн мянга дөрвөн зуун тавин дөрөв) төгрөг (наян долоо) мөнгө төлөхийг хүлээн зөвшөөрсөн зөвшөөрлийг баталж, хэргийг хэрэгсэхгүй болгох нь зүйтэй байна.

Нэхэмжлэгчийн улсын тэмдэгтийн хураамжид төлсөн 24,744.92 төгрөгийн тал хувь болох 12,372.46 төгрөгийг улсын орлогоос буцаан гаргуулж, хариуцагч П.Б гаас улсын тэмдэгтийн хураамж 12,372.46 төгрөг гаргуулж, тус тус нэхэмжлэгч Т*** ББСБ ХХК-д олгох нь зүйтэй болно. 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 75 дугаар зүйлийн 75⁸.1, 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1. Нэхэмжлэгч Т*** ББСБ ХХК-ийн нэхэмжилсэн үндсэн зээл 715,387.56 төгрөг, үндсэн хүү 122,091.40 төгрөг, нэмэгдүүлсэн хүү 3,975.91 төгрөг, нийт 841,454.87 (найман зуун дөчин нэгэн мянга дөрвөн зуун тавин дөрөв) төгрөг (наян долоо) мөнгийг төлж барагдуулахаар хариуцагч П.Б хүлээн зөвшөөрсөн зөвшөөрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн 2025 оны 9 дүгээр сарын 25-ны өдөр улсын тэмдэгтийн хураамжид төлсөн 24,744.92 төгрөгөөс 12,372.46 төгрөгийг улсын орлогоос буцаан гаргуулж, хариуцагч П.Б гаас улсын тэмдэгтийн хураамж 12,372.46 төгрөг гаргуулан, тус тус нэхэмжлэгч Т*** ББСБ ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

           

 

 

ШҮҮГЧ                              Б.ОТГОНБЯМБА