2025           10             29                                                 314/ШШ2025/00766

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Өвөрхангай аймаг дахь сум дундын анхан шатны шүүхийн Ерөнхий шүүгч Д.Мөнхтуяа би

            Нэхэмжлэгч: Улаанбаатар хотын Сүхбаатар дүүргийн 8 дугаар хороо, Сэнтрал Тауэр, 7 дугаар давхар 712 тоотод байрлах “***” ХХК-ийн нэхэмжлэлтэй,

            Хариуцагч: Өвөрхангай аймгийн ******* сумын **** дугаар баг, **** тоотод оршин суух, 1990 онд төрсөн, 35 настай, **** холбогдох,

            “Зээлийн гэрээний үүрэг болох 1097915 төгрөг гаргуулах” тухай иргэний хэрэгт хариуцагч Э.***ын гаргасан тайлбарыг хүлээн авч

 

ТОДОРХОЙЛОХ нь:

 

Нэхэмжлэгч “***” ХХК-ийн итгэмжлэгдсэн төлөөлөгч **** шүүхэд гаргасан нэхэмжлэлдээ: “***” ХХК нь ***овогтой ***той 2024 оны 12 дугаар сарын 30-ны өдөр 92541 тоот зээлийн гэрээг байгуулан зээлийн эрх нээсэн. 2024 оны 12 дугаар сарын 30-ны өдөр 762000 төгрөгийг 30 хоногийн хугацаатай 5.5 хувийн хүүтэй Z000804202 тоот зээлийг Хаан банк дахь ****** тоот дансанд зээлдэгч Э.*** нь шилжүүлэн авсан. Хариуцагч Э.*** нь гэрээгээр хүлээсэн үүргээ биелүүлэхгүй байгаа ба 2025 оны 08 дугаар сарын 22-ны өдрийн байдлаар  үндсэн зээл 762000 төгрөг, нийт хүү 328295 төгрөг, шимтгэл 7620 төгрөг нийт 1097915 төгрөгийг Э.***гээс гаргуулж өгнө үү гэжээ. 

 

 Хариуцагч Э.*** шүүхэд гаргасан тайлбартаа: Миний бие нь **** нэхэмжилсэн 1097915 төгрөгийг төлөхөө хүлээн зөвшөөрч байна. Уг мөнгийг 2025 оны 11 дүгээр сарын 11-ний өдрөөс эхлэн 4 сарын хугацаанд төлж барагдуулна  гэжээ.

ҮНДЭСЛЭХ нь:

            Нэхэмжлэгч “***” ХХК нь хариуцагч Э.***т холбогдуулан “Зээлийн гэрээний үүрэг болох 1097915 төгрөг гаргуулах” шаардлага бүхий нэхэмжлэлийг тус шүүхэд гаргажээ.   

            Хэрэг хянан шийдвэрлэх ажиллагааны явцад хариуцагч Э.*** нь нэхэмжлэлийн шаардлага болох 1097915 төгрөгийг төлөхийг зөвшөөрсөн тайлбар гаргасныг нэхэмжлэгчийн итгэмжлэгдсэн төлөөлөгч ****** нар зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй байна.    

            Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг тус тус удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1-д зааснаар “***” ХХК-ийн гаргасан нэхэмжлэлийн шаардлага болох 1097915 төгрөгийг хариуцагч Э.*** төлөхийг зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.  

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч Э.***оос 15444.98 төгрөг, нэхэмжлэгчээс улсын тэмдэгтийн хураамжинд төлсөн 30889.96 төгрөгний 50 хувь болох 15444.98  төгрөгийг орон нутгийн орлогын 100100000941 тоот данснаас тус тус гаргуулан нэхэмжлэгчид олгосугай. 

3. Шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг хариуцагчид мэдэгдсүгэй.

            4. Шүүгчийн захирамжид нэхэмжлэгч, хариуцагч нар давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

  

ЕРӨНХИЙ ШҮҮГЧ                                     Д.МӨНХТУЯА