2025           11             03                                                 314/ШШ2025/00786

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Өвөрхангай аймаг дахь сум дундын анхан шатны шүүхийн Ерөнхий шүүгч Д.Мөнхтуяа би

            Нэхэмжлэгч: Улаанбаатар хотын Сүхбаатар дүүргийн 8 дугаар хороо, Сэнтрал Тауэр, 7 дугаар давхар 712 тоотод байрлах “***” ХХК-ийн нэхэмжлэлтэй,

            Хариуцагч: Өвөрхангай аймгийн ****** сумын 07 дугаар баг, 07-08 тоотод оршин суух, 1994 онд төрсөн, 31 настай, ***** холбогдох,

            “Зээлийн гэрээний үүрэг болох 202342 төгрөг гаргуулах” тухай иргэний хэрэгт хариуцагч У.***ын гаргасан тайлбарыг хүлээн авч

ТОДОРХОЙЛОХ нь:

Нэхэмжлэгч “***” ХХК-ийн итгэмжлэгдсэн төлөөлөгч Б.Дэлгэрмөрөн шүүхэд гаргасан нэхэмжлэлдээ: “***” ХХК нь **** овогтой ***тай 2024 оны 01 дүгээр сарын 05-ны өдөр 46260 тоот зээлийн гэрээг байгуулан зээлийн эрх нээсэн. 2024 оны 12 дугаар сарын 07-ны өдөр 200000 төгрөгийг 30 хоногийн хугацаатай 5.5 хувийн хүүтэй z000747491 тоот зээлийг Хас банк дахь **** тоот дансанд зээлдэгч У.*** нь шилжүүлэн авсан. Хариуцагч У.*** нь гэрээгээр хүлээсэн үүргээ биелүүлэхгүй байгаа ба 2025 оны 08 дугаар сарын 12-ны өдрийн байдлаар  үндсэн зээл 173684 төгрөг, нийт хүү 28658 төгрөг нийт 202342 төгрөгийг У.***аас гаргуулж өгнө үү гэжээ. 

 

 Хариуцагч У.*** шүүхэд гаргасан тайлбартаа: Миний бие нь Омни Капиталын нэхэмжилсэн 202342 төгрөгийг төлөхөө хүлээн зөвшөөрч байна. Уг мөнгийг 2025 оны 11 дүгээр сарын 30-ны өдрийн дотор бүрэн төлж барагдуулна. Иймд хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

            Нэхэмжлэгч “***” ХХК нь хариуцагч У.***т холбогдуулан “Зээлийн гэрээний үүрэг болох 202342 төгрөг гаргуулах” шаардлага бүхий нэхэмжлэлийг тус шүүхэд гаргажээ.   

            Хэрэг хянан шийдвэрлэх ажиллагааны явцад хариуцагч У.*** нь нэхэмжлэлийн шаардлага болох 202342 төгрөгийг төлөхийг зөвшөөрсөн тайлбар гаргасныг нэхэмжлэгчийн итгэмжлэгдсэн төлөөлөгч ***** нар зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй байна.    

            Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг тус тус удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1-д зааснаар “***” ХХК-ийн гаргасан нэхэмжлэлийн шаардлага болох 202342 төгрөгийг хариуцагч У.*** төлөхийг зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.  

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч У.***аас 3360.13 төгрөг, нэхэмжлэгчээс улсын тэмдэгтийн хураамжинд төлсөн 6720.26 төгрөгний 50 хувь болох 3360.13 төгрөгийг орон нутгийн орлогын 100100000941 тоот данснаас тус тус гаргуулан нэхэмжлэгчид олгосугай. 

3. Шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг хариуцагчид мэдэгдсүгэй.

            4. Шүүгчийн захирамжид нэхэмжлэгч, хариуцагч нар давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

  

ЕРӨНХИЙ ШҮҮГЧ                                     Д.МӨНХТУЯА