Хариуцагчийн зөвшөөрлийг баталж, хэргийг

хэрэгсэхгүй болгох тухай

 

 

Говьсүмбэр аймаг дахь сум дундын анхан шатны шүүхийн шүүгч Ц.Үйтүмэн би,

 

Нэхэмжлэгч: *********** ББСБ ХХК-ийг төлөөлж, итгэмжлэгдсэн төлөөлөгч Н.М-ийн гаргасан нэхэмжлэлтэй

 

Хариуцагч: Л.П-д холбогдох

 

Нэхэмжлэлийн шаардлага: 2235064 тоот гэрээний үүрэгт үндсэн зээл 529,498 төгрөг, зээлийн хүү 178,537.03 төгрөг, нэмэгдүүлсэн хүү 14,626.47 төгрөг, шимтгэл 1,900 төгрөг, нийт 724,561.50 төгрөгийг гаргуулах тухай нэхэмжлэлийг 2025 оны 10 дугаар сарын 22-ны өдөр хүлээн авч хянаад

 

ТОДОРХОЙЛОХ нь:

Нэхэмжлэгч ******* ББСБ ХХК-ийг төлөөлж, итгэмжлэгдсэн төлөөлөгч С.М шүүхэд ирүүлсэн нэхэмжлэлдээ:

2024 оны 11 дүгээр сарын 13-ны өдөр 2235064 тоот ****** кредит үйлчилгээний гэрээг байгуулж, 530,000 төгрөгийн зээлийн эрх үүссэн бөгөөд Токи аппликейшнээр дамжуулан бүтээгдэхүүн, үйлчилгээ худалдан авах зорилгоор зээлийн эрх ашиглах, нхэмжлэгдсэн зээлийн эргэн төлөлтийг сар бүрийн 15-ны дотор төлөхөөр тохиролцсон.

Хариуцагчид зээлийн гэрээний үүргийг зөрчигдсөн үеэс эхлэн тогтмол шаардаж, сануулсан боловч үр дүн гарахгүй байх тул дээрх гэрээг цуцалж, Шүүхэд дараах нэхэмжлэлийн шаардлагыг гаргаж байна. Үүнд: 2235064 тоот гэрээний үүрэгт үндсэн зээл 529,498 төгрөг, зээлийн хүү 178,537.03 төгрөг, нэмэгдүүлсэн хүү 14,626.47 төгрөг, шимтгэл 1,900 төгрөг, нийт 724,561.50 төгрөгийг гаргуулж өгнө үү гэжээ.

 

2.Хариуцагч Л.П шүүхэд гаргасан тайлбартаа:

Миний бие Л.П ******** ББСБ ХХК-ийн гаргасан нэхэмжлэлийн шаардлага болох 724,561.50 мөнгийг төлөхийг хүлээн зөвшөөрч байна. Ямар нэгэн маргаан байхгүй тул хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ нь:

1. Хариуцагчийн зөвшөөрлийг баталж, хэргийг хэрэгсэхгүй болгох үндэслэлтэй.

 

2. Нэхэмжлэгч дараах үндэслэлээр шаардах эрхээ тодорхойлсон.

Хариуцагч Л.П-ээс 2235064 тоот гэрээний үүрэгт үндсэн зээл 529,498 төгрөг, зээлийн хүү 178,537.03 төгрөг, нэмэгдүүлсэн хүү 14,626.47 төгрөг, шимтгэл 1,900 төгрөг, нийт 724,561.50 төгрөгийг гаргуулж өгнө үү гэжээ.

 

3. Хариуцагч Л.П нь нэхэмжлэлийн шаардлагыг маргаангүйгээр, бүхэлд нь хүлээн зөвшөөрснөө илэрхийлж, шүүхэд тайлбар гаргасан.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1. Хэрэг үүсгэснээс хойш шүүх хуралдаан хүртэлх хугацаанд ...хариуцагч нэхэмжлэлийн шаардлагыг хүлээн зөвшөөрсөн, ...бол хэргийг хялбаршуулсан журмаар хянан шийдвэрлэнэ.,

74.2. Хэргийг хялбаршуулсан журмаар хянан шийдвэрлэх боломжтой гэж үзвэл шүүгч ...хариуцагчийн зөвшөөрөлийг, ... баталж, хэргийг хэрэгсэхгүй болгосон тухай захирамж гаргана. гэж заасныг үндэслэн хэргийг хэрэгсэхгүй болгож, хялбаршуулсан журмаар хянан шийдвэрлэх үндэслэлтэй байна.

Учир нь, хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байна.

 

5. Хуульд зааснаар нэхэмжлэгчийн улсын тэмдэгтийн хураамжид төлсөн 21,939.48 төгрөгийн тавин хувь болох 10,969.74 төгрөгийг орон нутгийн төсвийн орлогод хэвээр үлдээж, тавин хувь болох 10,969.74 төгрөгийг орон нутгийн төсвийн орлогоос буцаан гаргуулж, мөн хариуцагчаас улсын тэмдэгтийн хураамжид 10,969.74 төгрөгийг тус тус гаргуулж, нэхэмжлэгчид олгох нь хууль зүйн үндэслэлтэй байна. 

 

Иргэний хэрэг шүүхэд хянан шийдвэрлэх тухай хуулийн 74.2, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь: 

 

1.Нэхэмжлэгч ********** ББСБ ХХК-ийн нэхэмжлэлийн шаардлага болох 2235064 тоот гэрээний үүрэгт үндсэн зээл 529,498 төгрөг, зээлийн хүү 178,537.03 төгрөг, нэмэгдүүлсэн хүү 14,626.47 төгрөг, шимтгэл 1,900 төгрөг, нийт 724,561.50 төгрөгийг хариуцагч Л.П нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 21,939.48 төгрөгийн тавин хувь болох 10,969.74 төгрөгийг орон нутгийн төсвийн орлогод хэвээр үлдээж, тавин хувь болох 10,969.74 төгрөгийг орон нутгийн төсвийн орлогоос буцаан гаргуулж, мөн хариуцагчаас улсын тэмдэгтийн хураамжид 10,969.74 төгрөгийг тус тус гаргуулж, нэхэмжлэгч *********** ББСБ ХХК-д олгосугай. 

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4.-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ             Ц.ҮЙТҮМЭН