МОНГОЛ УЛСЫН НЭРИЙН ӨМНӨӨС

 

           Баянзүрх дүүргийн Эрүүгийн хэргийн анхан шатны шүүхийн шүүгч Т.Шинэбаяр даргалж,

нарийн бичгийн дарга  Г.Номин,                            

улсын яллагч М.Хэрлэнчимэг,

хохирогч Ш.Оюунцэцэг,

шүүгдэгч Н.Б/өөрөө өөрийгөө өмгөөлөн/ нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар Нийслэлийн Баянзүрх дүүргийн прокурорын газраас хялбаршуулсан журмаар мөрдөн шалгах ажиллагаа явуулсан Б овогт Н.Б-т Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулж яллах дүгнэлт үйлдэж ирүүлсэн эрүүгийн 1806 0220 60715 дугаартай хэргийг 2018 оны 5 дугаар сарын 11-ний өдөр хүлээн авч, хянан хэлэлцэв.  

Шүүгдэгч Монгол Улсын иргэн Б овогт Н.Б, 1987 оны 12 дугаар сарын 27-ны өдөр Улаанбаатар хотод төрсөн, 31 настай, эмэгтэй, дээд боловсролтой, жүжигчин мэргэжилтэй, ам бүл 4, нөхөр 2 хүүхдийн хамт Баянзүрх дүүргийн 19 дүгээр хорооны 10-113 тоотод оршин суух хаягтай боловч одоо Баянгол дүүргийн 21 дүгээр хороо 17-418 тоотод оршин суудаг, улсаас авсан гавьяа шагналгүй, урьд ял шийтгэлгүй, хэрэг хариуцах чадвартай, ЧР87122769 тоот регистрийн дугаартай,

Шүүгдэгч Н.Б нь 2018 оны 3 дугаар сарын 16-ны шөнө Баянзүрх дүүргийн 19 дүгээр хорооны нутаг дэвсгэрт иргэн Ш.Оюунцэцэгийг хувийн таарамжгүй харьцааны улмаас маргалдан зодож эрүүл мэндэд нь хөнгөн хохирол учруулсан гэмт хэрэгт холбогджээ.

Шүүх хуралдаанаар хэлэлцүүлсэн яллах, цагаатгах нотлох баримтыг шинжлэн судалж ТОДОРХОЙЛБОЛ:

Шүүгдэгч Н.Б шүүх хуралдаанд мэдүүлэхдээ: “Мөрдөн шалгах ажиллагаанд мэдүүлсэн мэдүүлэг үнэн зөв, гэм буруугаа хүлээн зөвшөөрч байна. Хөнгөн ял шийтгэл оноож өгнө үү” гэв.

Хохирогч Ш.Оюунцэцэг шүүх хуралдаанд мэдүүлэхдээ: Би Баярцэцэгт гомдол саналгүй, нэхэмжлэх зүйлгүй гэв.

Хохирогч Ш.Оюунцэцэг мөрдөн шалгах ажиллагаанд мэдүүлэхдээ: “...бид нар ууж идсэн, тэгээд нэг их сүртэй зүйл яриагүй бага зэрэг маргалдсан. “...Б бид хоёр чи би гээд байтал Б миний зүүн гарын мөр булчин хэсэг рүү гараа атгаж байгаад 2-3 удаа цохьсон. Үснээс зулгааж миний нүүрний  баруун нүдний доод хацарт маажсан. “...мөн үс маш их хэмжээгээр унасан намайг унагаж байгаад зүүн гар цээж толгой руу 3-4 удаа өшиглөсөн...” гэх мэдүүлэг. /хх-11/,

Шүүхийн шинжилгээний үндэсний хүрээлэнгийн шинжээчийн №3789 дугаартай дүгнэлт:

1. Ш.Оюунцэцэгийн биед баруун, зүүн хацар, шанаа уруул, хамрын нуруу, баруун нүдний зовхи, дух, хүзүү, зүүн мөр, цээж, баруун шуунд зулгаралт, хоёр гарын бугалганд цус хуралт, тархи доргилт гэмтэл учирчээ.
2. Дээрх гэмтлүүд нь мохоо зүйлийн үйлчлэлээр үүсгэгдсэн ба тухайн хэрэг гарсан гэх цаг хугацаанд үүссэн байх боломжтой.
3. Эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. /хх-19/,

Яллагдагч Н.Б мэдүүлэхдээ: “...бид хоёр маргалдсан. Миний үснээс Оюунцэцэг зулгаагаад унагаасан. Нуруу руу өшиглөөд толгой руу гараараа цохьсон. Би босоод Оюунцэцэгийг зөрүүлээд үсдээд бид хоёр хоорондоо зодолдсон...” гэх мэдүүлэг. /хх46-47/,

Гэрч Т.Номин мөрдөн шалгах ажиллагаанд мэдүүлэхдээ: “...Зах дээр зогсдог хүмүүсээс болж Оюунцэцэг, Баярцэцэг хоёр маргалдсан. “...би гарч тамхи татаад нойл руу хэд хэдэн удаа гарсан. Оюунцэцэг, Б хоёрын хэрүүл дуусахгүй байсан. Нойл ороод ирэхэд үүдний өрөөнд тэр хоёр үсдэлцээд дээр доороо орчихсон байсан. Хоёр биенийгээ зодож байсан...” гэх мэдүүлэг. /хх-34/,

Хохирогч Ш.Оюунцэцэгийн мэдүүлэг /хх-11/, шинжээчийн №3789 дугаартай дүгнэлт /хх-19/, гэрч Т.Номингийн мэдүүлэг /хх-34/, яллагдагч Н.Баярцэцэгийн мэдүүлэг /хх-40/ зэрэг нотлох баримтуудыг тус тус шинжлэн судалсан болно.

Шүүгдэгч Н.Б нь 2018 оны 3 дугаар сарын 16-ны шөнө Баянзүрх дүүргийн 19 дүгээр хорооны нутаг дэвсгэрт иргэн Ш.Оюунцэцэгийг хувийн таарамжгүй харьцааны улмаас маргалдан зодож эрүүл мэндэд нь хөнгөн хохирол учруулсан болох нь шүүгдэгчийн үйлдсэн хэргээ хүлээн мэдүүлсэн мэдүүлэг, хохирогчийн мэдүүлэг, гэрч нарын мэдүүлэг, шинжээчийн дүгнэлт болон Эрүүгийн хэрэг хянан шийдвэрлэх тухай хуульд заасан үндэслэл журмын дагуу бэхжүүлж авсан бусад бичгийн нотлох баримтуудаар нотлогдож тогтоогдож байна.

Эдгээр нотлох баримт нь энэ хэрэгт хамааралтай, хуульд заасан журмаар цугларсан, хэрэг хянан шийдвэрлэхэд хангалттай гэж үнэлэв.

Прокуророос шүүгдэгч Н.БЭрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулж яллах дүгнэлт үйлдэж ирүүлсэн хуулийн зүйл, хэсэг тохирсон байна.

Иймд шүүгдэгч Н.Б хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцож, түүнд эрүүгийн хариуцлага хүлээлгэх нь зүйтэй гэж шүүх дүгнэлээ.

Шүүгдэгч Н.Б нь учруулсан хохирлоо сайн дураараа нөхөн төлсөн нь ял хөнгөрүүлэх нөхцөл байдал бөгөөд түүнд хуульд заасан ял хүндрүүлэх нөхцөл байдал тогтоогдоогүй болно.

Шүүгдэгч Н.Б нь гэмт хэрэг үйлдсэн гэм буруугаа сайн дураараа хүлээн зөвшөөрсөн бөгөөд прокуророос шүүгдэгчид Эрүүгийн хуулийн тусгай ангийн 11.6 дугаар зүйлийн 1-д зааснаар 450 нэгжтэй тэнцэх хэмжээний төгрөгөөр торгох ял оногдуулах санал гаргасныг шүүгдэгч хүлээн зөвшөөрсөн болно.

Торгох ялын нэг нэгжийг мөн хуулийн 5.3 дугаар зүйлийн 3-т зааснаар нэг мянган төгрөгтэй тэнцүү байхаар тооцлоо.

Эрүүгийн хэрэг хянан шийдвэрлэх тухай хуулийн 36.2, 36.4 дүгээр зүйлийн 2, 36.6, 36.7, 36.8, 36.10, 37.1 дүгээр зүйлийн 2 дахь хэсэгт заасныг тус тус удирдлага болгон ТОГТООХ нь:

1. Б овогт Н.Б хүний эрүүл мэндэд хөнгөн хохирол учруулах гэмт хэрэг үйлдсэн гэм буруутайд тооцсугай.

2. Монгол Улсын Эрүүгийн хуулийн тусгай ангийн 11.6 дугаар зүйлийн 1-д зааснаар Н.Б 450 (дөрвөн зуун тавь) нэгжтэй тэнцэх хэмжээний буюу 450.000 (дөрвөн зуун тавин мянга) төгрөгөөр торгох ял шийтгэсүгэй.

3. Эрүүгийн хуулийн ерөнхий анийн 5.3 дугаар зүйлийн 4 дэх хэсэгт зааснаар Н.Б оногдуулсан торгох ялыг тогтоол хүчин төгөлдөр болсноос хойш 3 /гурав/ сарын хугацаанд хэсэгчлэн төлөхийг даалгасугай.

4. Эрүүгийн хуулийн ерөнхий ангийн 5.3 дугаар зүйлийн 5-д зааснаар Н.Бнь торгох ялыг шүүхээс тогтоосон хугацаанд биелүүлээгүй бол биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих болохыг сануулсугай.

5. Хэрэгт эд мөрийн баримтаар хураагдан ирсэн зүйлгүй, битүүмжлэгдэн ирсэн хөрөнгөгүй, Н.Б нь бусдад төлөх төлбөргүй, цагдан хоригдсон хоноггүй болохыг тус тус дурьдсугай.

6. Шийтгэх тогтоол нь уншиж сонсгосноор хүчинтэй болох ба шүүгдэгч, хохирогч, тэдгээрийн өмгөөлөгч, улсын яллагч, дээд шатны прокурор нар анхан шатны шүүхийн шийдвэрийг гардан авснаас хойш, эсхүл Эрүүгийн хэрэг хянан шийдвэрлэх тухай хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор Нийслэлийн Эрүүгийн хэргийн давж заалдах шатны шүүхэд давж заалдах гомдол гаргах, эсэргүүцэл бичих эрхтэй болохыг дурьдсугай.

7. Шийтгэх тогтоолд давж заалдах гомдол гаргасан, эсэргүүцэл бичсэн бол шүүхийн шийдвэрийн биелэлтийг түдгэлзүүлж, тогтоол хүчин төгөлдөр болох хүртэл Н.Б хувийн баталгаа гаргах таслан сэргийлэх арга хэмжээ авсугай.

 

 

                           ДАРГАЛАГЧ ШҮҮГЧ                               Т.ШИНЭБАЯР