2025        11           25                                      103/ШШ2025/01141

 

                                                

Хариуцагч нэхэмжлэлийн шаардлагыг

биелүүлснийг  баталж, хэргийг

хэрэгсэхгүй болгох тухай

 

Багануур дүүргийн Иргэний хэргийн анхан шатны шүүхийн Ерөнхий шүүгч П.Цэцэгдулам би,

Нэхэмжлэгч: Чингэлтэй дүүргийн 1 дүгээр хороо, Бага тойруу, Шуудан холбоо 2783-т байрлах Жи мобайл ХХК-ийн нэхэмжлэлтэй,

Хариуцагч: Багануур дүүргийн 4 дүгээр хороо, Байдлагийн .... дугаар гудамжны ... тоотод оршин суух ******* ******* холбогдох худалдах, худалдан авах гэрээний үүрэгт 158,742.02 төгрөг гаргуулах  тухай нэхэмжлэлийг 2025 оны 11 дүгээр  сарын  11-ний өдөр хүлээн авч хянаад: 

ҮНДЭСЛЭХ  нь:

           Шүүх хариуцагч нэхэмжлэлийн шаардлагыг  биелүүлснийг баталж хэргийг хэрэгсэхгүй болгож шийдвэрлэх үндэслэлтэй гэж үзэв.

Нэхэмжлэгч Жи мобайл ХХК шүүхэд гаргасан нэхэмжлэлийн шаардлагадаа: ******* овогтой ******* /П................7/ нь 2020.06.15-ны өдөр манай компанитай 3317870 тоот "Дараа төлбөрт үйлчилгээний гэрээ" байгуулан 98010308 дугаарыг дараа төлбөрт нөхцлөөр авсан. Гэвч Б.******* нь тус дугаарын төлбөрийг төлөлгүй гэрээний үүргээ сайн дураар биелүүлэхээс зайлсхийж 105,828.01 төгрөгийн үлдэгдэл байгаа болно. Иймд ярианы төлбөр 105,828.01 төгрөг, гэрээний 8.8-т зааснаар гүйцэтгээгүй үүргийн үнийн дүнгийн 0.3 хувь алданги 52,914.01 төгрөг нийт 158,742.02 төгрөгийг Б.*******аас гаргуулж өгнө үү гэжээ.

Нэхэмжлэгчийн итгэмжлэгдсэн төлөөлөгч ******* нь шүүхэд ирүүлсэн тайлбартаа: Жимобайл ХХК-аас ******* овогтой ******* /ПИ89030817/-т холбогдуулан гэрээний үүргийн гүйцэтгэлд 158,742.02 төгрөг гаргуулахаар нэхэмжлэл гаргасан. Тус иргэний хэрэгт хариуцагч Б.******* нэхэмжлэлийн шаардлага болох 158,742.02 төгрөгийг бүрэн төлж барагдуулсан тул хэргийг хялбаршуулсан журмаар шийдвэрлэж өгнө гэжээ.

Хариуцагч нь нэхэмжлэлийн шаардлагыг биелүүлсэн нь Иргэний хуульд нийцсэн, гуравдагч этгээдийн  хуулиар хамгаалагдсан ашиг сонирхлыг хөндөөгүй, 

Хэргийг хялбаршуулсан журмаар шийдвэрлэсэн тул Иргэний хэрэг шүүхэд
хянан шийдвэрлэх тухай хуулийн 74 дүгээр зүйлийн 74.2, 75⁸.1 дэх  хэсгүүдэд заасныг тус  тус  удирдлага  болгон ЗАХИРАМЖЛАХ нь:

1.Жи мобайл ХХК-ийн нэхэмжлэлтэй, хариуцагч ******* ******* холбогдох худалдах, худалдан авах гэрээний үүрэгт 158,742.02 /зуун тавин найман мянга, долоон зуун дөчин хоёр төгрөг, хоёр мөнгө / гаргуулах тухай иргэний хэрэгт хариуцагч нь нэхэмжлэлийн шаардлагыг биелүүлснийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 5,412 төгрөгийг тал хувиар бууруулан тогтоож, 2,706 төгрөгийг улсын төсвөөс, хариуцагч Б.*******аас 2,706 төгрөгийг тус тус гаргуулж нэхэмжлэгчид олгосугай.           

 3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тохиолдолд зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.  

 

 

 

 

 

 

                               ЕРӨНХИЙ ШҮҮГЧ                               П.ЦЭЦЭГДУЛАМ