Хариуцагч нэхэмжлэлийн шаардлагыг  хүлээн зөвшөөрснийг баталж, хэргийг   хэрэгсэхгүй болгох                        тухай              

  Хэнтий аймгийн Бор-Өндөр сум дахь сум дундын шүүхийн шүүгч Р.Батбаяр би нэхэмжлэгч “А******* ******* ББСБ” ХХК-ийн нэхэмжлэлтэй хариуцагч А.Г*******т холбогдох 7,427,579.23 төгрөг гаргуулах тухай нэхэмжлэлийг 2025 оны 11 дүгээр сарын 04-ний өдөр хүлээн авч, 2025 оны 11 дүгээр сарын 07-ны өдөр иргэний хэрэг үүсгэж, тусгайлсан журмаар хянан шийдвэрлэх ажиллагаа явуулаад

ТОДОРХОЙЛОХ нь:

Нэхэмжлэгч “А******* ******* ББСБ" ХХК нь шүүхэд гаргасан нэхэмжлэлдээ: “Зээлдэгч А*******ийн Г******* нь зээлийн гэрээний үүргийг 229 хоног хэтрүүлсэн байх тул шүүхийн журмаар 7111159597 тоот “Цахим зээлийн гэрээ”-ний үүрэгт 7,416,579.23 төгрөг, нотариатын төлбөрт 11,000 төгрөг, нийт 7,427,579.23 төгрөгийг гаргуулахаар нэхэмжлэлийн шаардлагыг гаргаж байна.” гэжээ.

Хариуцагч М******* овогт А*******ийн Г******* шүүхэд гаргасан тайлбартаа: “А******* ******* ББСБ-аас нэхэмжилсэн 7,427,579.23 төгрөгийг төлөхийг хүлээн зөвшөөрч байна. 6 сарын дотор төлж барагдуулна” гэжээ.

ҮНДЭСЛЭХ нь:

Нэхэмжлэгч “А******* ******* ББСБ” ХХК нь хариуцагч А.Г*******т холбогдуулан зээлийн гэрээний үүрэгт 7,427,579.23 төгрөгийг гаргуулахаар нэхэмжлэлийн шаардлага гаргасан байна.

Хариуцагч А.Г******* нь 7,427,579.23  төгрөгийг “А******* ******* ББСБ” ХХК-д төлөх үүрэгтэй болох нь 2024 оны 02 дугаар сарын 06-ны өдрийн 7111159597  дугаартай цахим зээлийн гэрээ, А.Г*******ийн зээл, зээлийн хүүгийн тооцоолол, нотариатын үйлчилгээний төлбөрийн баримт, нэхэмжлэл, хариуцагчийн бичгээр гаргасан тайлбар зэрэг нотлох баримтуудаар тогтоогдож байна.

Хэрэг хянан шийдвэрлэх ажиллагааны явцад хариуцагч А.Г******* нь нэхэмжлэлийн бүх шаардлага болох 7,427,579.23 төгрөгийг төлөхийг зөвшөөрч, маргаагүй болно. 

Иймд хариуцагч нь нэхэмжлэлийн бүх шаардлага болох 7,427,579.23 (долоон сая дөрвөн зуун хорин долоон мянга таван зуун далан есөн төгрөг хорин гурван мөнгө) төгрөгийг төлөхийг зөвшөөрч, бичгээр хариу тайлбараа ирүүлсэн байгаа нь Иргэний хуульд нийцсэн, бусдын хуулиар хамгаалагдсан эрх, ашиг сонирхолд харшлахгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт хялбаршуулсан журмаар хэрэг хянан шийдвэрлэсэн тохиолдолд улсын тэмдэгтийн хураамжийн хэмжээг тал хувиар бууруулж тогтоох ба түүнийг энэ хуульд заасан журмын дагуу гаргуулна гэж заажээ.

Нэхэмжлэгчийн улсын тэмдэгтийн хураамжид төлсөн 133,791 төгрөгийн тавин хувь 66,895 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 66,895 төгрөгийг, хариуцагч А.Г*******оос улсын тэмдэгтийн хураамж 66,895 төгрөгийг тус тус гаргуулж нэхэмжлэгч “А******* ******* ББСБ” ХХК-д олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 75⁸.1, 123 дугаар   зүйлийн 123.1-д заасныг удирдлага болгон ЗАХИРАМЖЛАХ нь:

1.Нэхэмжлэгч “А******* ******* ББСБ” ХХК-ийн нэхэмжилсэн 7,427,579.23 (долоон сая дөрвөн зуун хорин долоон мянга таван зуун далан есөн төгрөг хорин гурван мөнгө) төгрөгийг хариуцагч А.Г******* нь төлж барагдуулахаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай. 

2.Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 133,791 төгрөгийн тавин хувь 66,895 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 66,895 төгрөгийг, хариуцагч А.Г*******оос улсын тэмдэгтийн хураамж 66,895 төгрөгийг тус тус гаргуулж нэхэмжлэгч “А******* ******* ББСБ” ХХК-нд олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч А.Г******* нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

                                   

 

 

 

ШҮҮГЧ                       Р.БАТБАЯР