Хариуцагчийн зөвшөөрлийг баталж, хэргийг

хэрэгсэхгүй болгох тухай

 

 

Булган аймаг дахь сум дундын анхан шатны шүүхийн Ер*******ий шүүгч О.Одончимэг би,

Нэхэмжлэгч:  П******* ББСБ ХХК-ийн нэхэмжлэлтэй,

Хариуцагч:  Р.П*******-О*******т холбогдох,

Нэхэмжлэлийн шаардлага: 22,258,417.72 /хорин хоёр сая хоёр зуун тавин найман мянга дөрвөн зуун арван долоон төгрөг далан хоёр мөнгө/ төгрөг гаргуулах тухай нэхэмжлэлийг 2025 оны 10 дугаар сарын 28-ны өдөр хүлээн авч хянаад

ТОДОРХОЙЛОХ нь:

Нэхэмжлэгч П******* ББСБ ХХК нь шүүхэд гаргасан нэхэмжлэлдээ: Зээлдэгч Р.П*******-О******* нь манай компанитай 2022 оны 12 дугаар сарын 27-ны өдөр 132900037 дугаартай "Цахим зээлийн эрх нээх гэрээ" байгуулсан бөгөөд гэрээнд "Цахим зээл гэж Зээлдэгчийн зээл олгогчид илгээсэн зээлийн хүсэлтийг үндэслэн гар утасны аппликейшнээр дамжуулан Зээлдэгчид олгосон, эргэн төлөх нөхцөлтэй зээл болон батлан даалттай зээлийн мөнгөн хөрөнгийг" гэж заасны дагуу богино болон урт хугацаатай, хэрэглээний зориулалттай зээл авах эрх нээлгэсэн.

Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн 19 дүгээр зүйлийн 19.5-д "Зээлийн гэрээнд заасны дагуу зээлийг зээлдэгчийн зээлийн дансанд шилжүүлсэн, эсхүл зээлдэгч зээлийн данснаас зээлээ ашигласныг зээл олгосонд тооцно" гэж заасны дагуу зээлдэгч Р.П*******-О*******ын цахимаар гаргасан хүсэлтийн дагуу П******* аппликейшнаас 2024 оны 07 дугаар сарын 10-ны өдрөөс 2025 оны 02 дугаар сарын 25-ны өдрийн хугацаанд 9 удаагийн зээлийн үндсэн зээл, зээлийн хүү, нэмэгдүүлсэн хүү, нийт 22,258,417.72 төгрөгийг гаргуулж өгнө үү гэжээ.

Хариуцагчийн итгэмжлэгдсэн төлөөлөгч П.М*******-О******* нь шүүхэд гаргасан хариу тайлбартаа: ...П******* ББСБ ХХК-ийн нэхэмжлэлийн шаардлага 22,258,417.72 төгрөгийг төлөхийг хүлээн зөвшөөрч байна гэжээ.

ҮНДЭСЛЭХ нь:

Нэхэмжлэгч П******* ББСБ ХХК нь хариуцагч Р.П*******-О*******т холбогдуулан 22,258,417.72 төгрөг гаргуулах тухай нэхэмжлэл гаргасныг хариуцагчийн итгэмжлэгдсэн төлөөлөгч П.М*******-О******* нь төлөхийг хүлээн зөвшөөрсөн тайлбараа шүүхэд гаргасан байна.

Хариуцагчийн итгэмжлэгдсэн төлөөлөгчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.3-д зааснаар нэхэмжлэгч П******* ББСБ ХХК нэхэмжлэлтэй Р.П*******-О*******т холбогдох 22,258,417.72 /хорин хоёр сая хоёр зуун тавин найман мянга дөрвөн зуун арван долоон төгрөг далан хоёр мөнгө/ төгрөг гаргуулах тухай нэхэмжлэлийн шаардлагыг хариуцагчийн итгэмжлэгдсэн төлөөлөгч П.М*******-О******* нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 269,242 /хоёр зуун жаран есөн мянга хоёр зуун дөчин хоёр/ төгрөгөөс 134,621 /нэг зуун гучин дөрвөн мянга хоёр зуун дөчин хоёр/ төгрөгийг Төрийн санд үлдээж, Төрийн сангаас 134,621 /нэг зуун гучин дөрвөн мянга хоёр зуун дөчин хоёр/ төгрөгийг, хариуцагч Р.П*******-О*******оос 134,621 /нэг зуун гучин дөрвөн мянга хоёр зуун дөчин хоёр/төгрөгийг тус тус гаргуулж, нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

ЕРӨНХИЙ ШҮҮГЧ О.ОДОНЧИМЭГ