Нэхэмжлэгч нэхэмжлэлээсээ татгалзсаныг 

 баталж, хэргийг хэрэгсэхгүй болгох тухай

     Увс аймаг дахь сум дундын анхан шатны шүүхийн шүүгч Л.Дэлгэрцэцэг би, 

     Нэхэмжлэгч: МБ ХК-ийн,

     Хариуцагч: Н.Б-т холбогдох,

   Зээлийн гэрээний гүйцэтгээгүй үүрэг 5,961,367.61 төгрөг гаргуулах тухай нэхэмжлэлийг 2025 оны 10 дугаар сарын 15-ны өдөр хүлээн авч, 2025 оны 10 дугаар сарын 20-ны өдөр иргэний хэрэг үүсгэн, хянаад

ТОДОРХОЙЛОХ нь:

   Нэхэмжлэгч МБ ХК-ийн итгэмжлэгдсэн төлөөлөгч М.Б шүүхэд гаргасан нэхэмжлэлдээ: Нэхэмжлэл гаргах өдрийн байдлаар 6000225063 τоот Цахим зээлийн гэрээний үүрэгт 5,029,691.12 төгрөг, 6000233817 τоот Цахим зээлийн гэрээний үүрэгт 914,676.49 төгрөг, нотариатын төлбөрт 17,000 төгрөг, нийт 5,961,367.61 төгрөгийг хариуцагч Н.Б-аас гаргуулж өгнө үү гэжээ.

  Нэхэмжлэгч МБ ХК-ийн итгэмжлэгдсэн төлөөлөгч Б.Н шүүхэд гаргасан хүсэлтдээ: Хариуцагч Н.Б нь зээлийн гэрээний гүйцэтгээгүй үүрэг 5,961,367.61 төгрөгийг бүрэн төлж барагдуулсан байх тул нэхэмжлэлийн шаардлагаасаа татгалзаж байна. Иймд нэхэмжлэлийн шаардлагаасаа татгалзсаныг баталж, хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

  Нэхэмжлэгч МБ ХК нь хариуцагч Н.Б-т холбогдуулан зээлийн гэрээний гүйцэтгээгүй үүрэг 5,961,367.61 төгрөг гаргуулах тухай нэхэмжлэлийг шүүхэд гаргажээ. 

  Хэрэг хянан шийдвэрлэх ажиллагааны явцад нэхэмжлэгч МБ ХК-ийн итгэмжлэгдсэн төлөөлөгч Б.Н нэхэмжлэлээсээ татгалзсан болох нь түүний шүүхэд гаргасан тайлбараар тогтоогдож байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгон шийдвэрлэх үндэслэлтэй байна.

   Нэхэмжлэгч нэхэмжлэлээсээ татгалзсаныг баталж, хэргийг хялбаршуулсан журмаар шийдвэрлэж байгаа тул улсын тэмдэгтийн хураамжийг тал хувиар бууруулан тооцох үндэслэлтэй бөгөөд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д заасны дагуу нэхэмжлэгч МБ ХК-ийн улсын тэмдэгтийн хураамжид төлсөн 110,332 төгрөгийн тал хувь болох 55,166 төгрөгийг улсын орлогод хэвээр үлдээж, аймгийн Төрийн сангийн 100150000941 тоот данснаас 55,166 төгрөгийг гаргуулж, нэхэмжлэгч МБ ХК-д олгох нь зүйтэй.

   Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд нэхэмжлэл гаргах эрхгүй болно.

    Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2. дахь хэсэг, 75 дугаар зүйл, 123 дугаар зүйлийн 123.1 дэх хэсгүүдэд заасныг удирдлага болгон

ЗАХИРАМЖЛАХ нь:

    1. Нэхэмжлэгч МБ ХК нь хариуцагч Н.Б-т холбогдуулан гаргасан гаргасан зээлийн гэрээний гүйцэтгээгүй үүрэг 5,961,367.61 төгрөг гаргуулах тухай нэхэмжлэлээсээ татгалзсаныг баталж, хэргийг хэрэгсэхгүй болгосугай.

     2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, 59 дүгээр зүйлийн 59.4 дэх хэсэгт зааснаар нэхэмжлэгч МБ ХК-ийн улсын тэмдэгтийн хураамжид төлсөн 110,332 төгрөгийн тал хувь болох 55,166 төгрөгийг Увс аймгийн Төрийн сангийн 100150000941 тоот дансанд хэвээр үлдээж, Төрийн сангийн 100150000941 тоот данснаас 55,166 төгрөгийг гаргуулж, нэхэмжлэгч МБ ХК-д олгосугай.

    Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар шүүгчийн захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй. 

 

 

                                                                 ШҮҮГЧ                           Л.ДЭЛГЭРЦЭЦЭГ