Хариуцагчийн зөвшөөрлийг баталж, хэргийг

хэрэгсэхгүй болгох тухай

                                

Хөвсгөл аймаг дахь сум дундын анхан шатны шүүхийн шүүгч С.Оюунжаргал би,

нэхэмжлэгч: Улаанбаатар хот, *** дүүрэг, *** дугаар хороо, *** давхарт байрлах, Т.К

хариуцагч: Хөвсгөл аймгийн ** сумын *** тоотод оршин суух, Д.Б

Нэхэмжлэлийн шаардлага: Зээлийн гэрээний үүрэгт нийт 2,655,703.12 (хоёр сая зургаан зуун тавин таван мянга долоон зуун гурван төгрөг арван хоёр мөнгө) төгрөг гаргуулах тухай нэхэмжлэлийг 320/2025/01512/и индекстэй иргэний хэрэг үүсгэн хянаад 

 

ТОДОРХОЙЛОХ нь:

Нэхэмжлэгч Т.Б -ийн итгэмжлэгдсэн төлөөлөгч Т.Б  шүүхэд гаргасан нэхэмжлэлдээ: 2024 оны 4 дүгээр сарын 15-ны өдөр ЗГ2024041515450 тоот Цахим зээлийн гэрээг байгуулсан. 2026 оны 10 дугаар сарын 27-ны өдөр ЗГ2024041515450 цахим зээлийн гэрээ дуусгавар болсон. ЗГ2024041515450 тоот зээлийн гэрээний үүрэг 2024 оны 6 дугаар сарын 14-ний өдрөөс,

2024 оны 4 дүгээр сарын 15-ны өдөр ЗГ2024041515447 тоот Цахим зээлийн гэрээг байгуулсан. 2026 оны 10 дугаар сарын 27-ны өдөр ЗГ2024041515447 цахим зээлийн гэрээ дуусгавар болсон. ЗГ2024041515447 тоот зээлийн гэрээний үүрэг 2024 оны 7 дугаар сарын 13-ны өдрөөс,

2024 оны 5 дугаар сарын 31-ний өдөр 2137117 тоот Цахим зээлийн гэрээг байгуулсан. 2025 оны 9 дүгээр сарын 17-ны өдөр 2137117 цахим зээлийн гэрээ дуусгавар болсон. 2137117 тоот зээлийн гэрээний үүрэг 2024 оны 7 дугаар сарын 25-ны өдрөөс тус тус зөрчигдөж эхэлсэн.

Хариуцагч Н.Б нь Т.Б -тай дараах гэрээг байгуулсан боловч гэрээний үүрэг зөрчигдсөн байна.

1. 2024-04-15-ны өдөр ЗГ2024041515450 тоот гэрээний дагуу Samsung A15 маркийн гар утас /цаг, чихэвч/-ыг нийт 788,000.0 төгрөгийн зээлээр 30 сарын хугацаатай авсан.

2. 2024-04-15-ны өдөр ЗГ2024041515447 тоот гэрээний дагуу Samsung A25 5G, Galaxy A55 256GB, Huawei Pura 70, Huawei_Watch_GT_4_46mm, Huawei_Watch_GT_4_41mm маркийн гар утас /цаг, чихэвч/-ыг нийт 1,158,000.0 төгрөгийн зээлээр 30 сарын хугацаатай авсан.

3. 2024-05-31-ний өдөр 2137117 тоот Токи кредит үйлчилгээний гэрээ байгуулж 240,000.0 төгрөгийн зээлийн эрх үүсэн бөгөөд Токи аппликейшнээр дамжуулан бүтээгдэхүүн, үйлчилгээ худалдан авах зорилгоор зээлийн эрхээ ашиглах, нэхэмжлэгдсэн зээлийн эргэн төлөлтийг сарын бүрийн 15-ны дотор төлөхөөр тохиролцсон.

Хариуцагчид зээлийн гэрээний үүргийг зөрчигдсөн үеэс эхлэн тогтмол шаардардаж, сануулсан боловч үр дүн гарахгүй байх тул дээрх гэрээг цуцалж, шүүхэд дараах нэхэмжлэлийн шаардлагыг гаргаж байна. Үүнд: 2137117 тоот Токи кредит гэрээний үүрэгт үндсэн зээлд 226,517.0 төгрөг, үндсэн хүүнд 140,023.13 төгрөг, нэмэгдүүлсэн хүүнд 21,260.15 төгрөг, шимтгэлд 4,900.0 төгрөг, нотариатын төлбөрт 0.0 төгрөг, нийт 2,655,703.12 төгрөгийг хариуцагч Н.Б гаргуулах гэжээ.

Хариуцагч Н.Б  тус шүүхэд ирүүлсэн хариу тайлбартаа: Хариуцагч Н.Б  би Т.Б -ийн шүүхэд гаргасан нэхэмжлэлтэй танилцлаа.

Иймд Н.Б  миний бие Т.Б -иас 2 утас, мөн бэлэн мөнгөний зээл авсан. Тус зээлийг графикийн дагуу төлөлгүй хугацаа хэтрүүлсэн нь үнэн бөгөөд нэхэмжилж буй зээлийн гэрээний үүрэгт нийт 2,655,703 төгрөг 12 мөнгийг бүхэлд нь төлөхийг зөвшөөрч байна гэжээ.

 

ҮНДЭСЛЭХ нь:

Нэхэмжлэгч Т.Б -ийн итгэмжлэгдсэн төлөөлөгч Т.Б  нь Н.Б ид холбогдуулан зээлийн гэрээний үүрэгт нийт 2,655,703.12 (хоёр сая зургаан зуун тавин таван мянга долоон зуун гурван төгрөг арван хоёр мөнгө) төгрөг гаргуулах тухай шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад хариуцагч Н.Б  нь нэхэмжлэлийн шаардлага болох нийт 2,655,703.12 (хоёр сая зургаан зуун тавин таван мянга долоон зуун гурван төгрөг арван хоёр мөнгө) төгрөгийг нэхэмжлэгч Т.Б -д төлөхийг хүлээн зөвшөөрсөн тайлбарыг 2025 оны 10 дугаар сарын 23-ны өдөр тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т.Б -ийн 2025 оны 7 дугаар сарын 06-ны өдөр Төрийн сангийн 100170000941 тоот дансанд улсын тэмдэгтийн хураамжид төлсөн 58,732 (тавин найман мянга долоон зуун гучин хоёр) төгрөгийн тал хувь болох 29,366 (хорин есөн мянга гурван зуун жаран зургаа) төгрөгийг улсын орлогод хэвээр үлдээж, улсын тэмдэгтийн хураамжийн тал хувь болох 29,366 (хорин есөн мянга гурван зуун жаран зургаа) төгрөгийг улсын орлогоос буцаан гаргуулж, хариуцагч Н.Б аас улсын тэмдэгтийн хураамжийн тал хувь болох 29,366 (хорин есөн мянга гурван зуун жаран зургаа) төгрөгийг гаргуулан тус тус нэхэмжлэгч Т.Б -д олгохоор тогтов.

Хариуцагч Н.Б  нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон

  

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Т.Б -ийн итгэмжлэгдсэн төлөөлөгч Т.Б ий нэхэмжлэлтэй, хариуцагч Н.Б ид холбогдох, зээлийн гэрээний үүрэгт нийт 2,655,703.12 (хоёр сая зургаан зуун тавин таван мянга долоон зуун гурван төгрөг арван хоёр мөнгө) төгрөг гаргуулах тухай иргэний хэрэгт хариуцагч Н.Б  нь нэхэмжлэлийн шаардлага болох нийт 2,655,703.12 (хоёр сая зургаан зуун тавин таван мянга долоон зуун гурван төгрөг арван хоёр мөнгө) төгрөгийг нэхэмжлэгч Т.Б -д төлөхийг хүлээн зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т.Б -ийн улсын тэмдэгтийн хураамжид төлсөн 58,732 (тавин найман мянга долоон зуун гучин хоёр) төгрөгийн тал хувь болох 29,366 (хорин есөн мянга гурван зуун жаран зургаа) төгрөгийг улсын орлогод хэвээр үлдээж, улсын тэмдэгтийн хураамжийн тал хувь болох 29,366 (хорин есөн мянга гурван зуун жаран зургаа) төгрөгийг улсын орлогоос буцаан гаргуулж, хариуцагч Н.Б аас улсын тэмдэгтийн хураамжийн тал хувь болох 29,366 (хорин есөн мянга гурван зуун жаран зургаа) төгрөгийг гаргуулан тус тус нэхэмжлэгч Т.Б -д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч Н.Б  нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

    

 

ШҮҮГЧ                                           С.ОЮУНЖАРГАЛ