Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Булган аймаг дахь сум дундын анхан шатны шүүхийн шүүгч П.Хишигдаваа би

Нэхэмжлэгч: Улаанбаатар хот, Ч******* дүүрэг, Ж*******ны гудамж, **** тоотод байрлах М******* Ю******* к******* ББСБ ХХК-ийн нэхэмжлэлтэй,

Хариуцагч: Б***** аймаг, Б***** сум, ** дугаар баг, Б*****, **-** гудамж, ** тоотод оршин суух Б******* овогт Г*******ын О*******-Э*******д холбогдох,

Нэхэмжлэлийн шаардлага: 186,733.01 /нэг зуун наян зургаан мянга долоон зуун гучин гурван төгрөг нэг мөнгө/ төгрөг гаргуулах тухай нэхэмжлэлийн шаардлага бүхий 304/2025/01039/И индекстэй хэргийг хүлээн авч хянаад

ТОДОРХОЙЛОХ нь:

Нэхэмжлэгч М******* Ю******* к******* ББСБ ХХК нь шүүхэд гаргасан нэхэмжлэлдээ: Харилцагч Г.О*******-Э******* нь 2024 оны 09 сарын 06-ны өдрийн 26383 дугаартай цахим зээлийн гэрээ байгуулж нийт Хаан банкны 5270446506 тоот дансанд 100,000 төгрөгний зээлийг UNIPAY зээлийн аппликейшн ашиглан шилжуүлж авсан. Харилцагч Г.О*******-Э*******д удаа дараа зээлээ төлөхийг шаардаж 99944467 дугаараар холбогдож сануулдагч огт төлөлт хийгээгүй өдийг хүрсэн болно гэжээ.

Хариуцагч Г.О*******-Э******* нь шүүхэд ирүүлсэн хариу тайлбартаа: Бүхэлд нь зөвшөөрч байгаа тул хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

Нэхэмжлэгч М******* Ю******* к******* ББСБ ХХК-ийн нэхэмжлэлтэй, хариуцагч Г.О*******-Э*******д холбогдох 186,733.01 /нэг зуун наян зургаан мянга долоон зуун гучин гурван төгрөг нэг мөнгө/ төгрөг гаргуулах нэхэмжлэл гаргасныг хариуцагч Г.О*******-Э******* нь хүлээн зөвшөөрсөн тайлбараа шүүхэд гаргасан байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 74 дүгээр зүйлийн 74.2, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.3 дахь хэсгийг баримтлан нэхэмжлэгч М******* Ю******* к******* ББСБ ХХК-ийн нэхэмжлэлтэй Г.О*******-Э*******д холбогдох 186,733.01 /нэг зуун наян зургаан мянга долоон зуун гучин гурван төгрөг нэг мөнгө/ төгрөгийг хариуцагч Г.О*******-Э******* нь төлөхөөр хүлээн зөвшөөрснийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар улсын тэмдэгтийн хураамжийн хэмжээг 50 хувиар бууруулж, Төрийн сангаас 3,126 /гурван мянга нэг зуун хорин зургаа/ төгрөг, хариуцагч Г.О*******-Э*******эс 3,126 /гурван мянга нэг зуун хорин зургаа/ төгрөгийг тус тус гаргуулж, нэхэмжлэгчид олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

ШҮҮГЧ П.ХИШИГДАВАА