2025 20 191/ШШ2025/10358

 

 

МОНГОЛ УЛСЫН НЭРИЙН ӨМНӨӨС

 

 

Баянзүрх, Сүхбаатар, ******* дүүргийн иргэний хэргийн анхан шатны тойргийн шүүхийн шүүгч Н.Сарангүн даргалж, тус шүүхийн шүүх хуралдааны танхимд хийсэн иргэний хэргийн шүүх хуралдаанаар

Нэхэмжлэгч: ******* дүүрэг, ******* хороо, ******* ******* гудамж, ******* тоот хаягт оршин суух, *******ын *******ийн /РД: / нэхэмжлэлтэй,

Хариуцагч: ******* дүүрэг, хороо, хороолол, М плаза, давхар, ******* ******* ХХК-д /РД: 28243/ холбогдох

******* ******* ХХК-ийн гүйцэтгэх захирлын 2024 оны 12 сарын 24-ний өдрийн дугаартай тушаалыг хүчингүй болгох, ажилгүй байсан хугацааны цалинг гаргуулах, нийгмийн даатгал, эрүүл мэндийн даатгалыг нөхөн төлүүлэх тухай иргэний хэргийг хянан хэлэлцэв.

Шүүх хуралдаанд: Нэхэмжлэгчийн итгэмжлэгдсэн төлөөлөгч Ө.,

Хариуцагчийн итгэмжлэгдсэн төлөөлөгч Н.,

Хариуцагчийн өмгөөлөгч Э.,

Гэрч М., С.,

Шүүх хуралдааны нарийн бичгийн даргаар М. нар оролцов.

 

ТОДОРХОЙЛОХ нь:

 

Нэхэмжлэгч Б.*******ийн итгэмжлэгдсэн төлөөлөгч Ө. шүүхэд гаргасан нэхэмжлэлдээ болон шүүх хуралдаанд гаргасан тайлбартаа:

Б.*******ь нь ******* ******* ХХК-ийн ахлах хуулийн зөвлөх албан тушаалд 2024 оны 08 сарын 12-ны өдрөөс 2024 оны 12 сарын 24-ний өдрийг хүртэл хугацаанд ажилласан.

Ажиллаж байх хугацаандаа сахилгын зөрчил гаргалгүй, хичээнгүйлэн ажилладаг байсан. Гэтэл тус компанийн гүйцэтгэх захирлын 2024 оны 12 сарын 24-ний өдрийн дугаартай тушаалаар түүнд сахилгын шийтгэл ногдуулж, хөдөлмөр эрхлэлтийн харилцааг ажил олгогчийн санаачилгаар цуцалсан.

Хууль, эрх зүйн газрын дарга буюу шууд удирдлага Н.т Б.*******ь өөрийгөө жирэмсэн болсон гэдгийг хэлсэн цагаас хойш түүнд уурлаж дургүйцсэн байдлаар хандаж, буруутгаж, улмаар жирэмсэн гэдгээр гадуурхаж, ахлах хуульчийн албан тушаалд тэнцэх эсэх, компанийн үндсэн ажилтнаар томилох эсэх асуудал дээр саналаа өгөхгүй, удаан хугацаанд явсан.

Хөдөлмөрийн тухай хуулийн 6 дугаар зүйлийн 6.1, хөдөлмөрийн гэрээний .1-т тус тус заасны дагуу Ажил эрхлэлт, хөдөлмөрийн харилцаанд хүнийг үндэс, угсаа, хэл, арьсны өнгө, нас, хүйс, нийгмийн гарал, нийгмийн болон гэрлэлтийн байдал, хөрөнгө чинээ, шашин шүтлэг, үзэл бодол, улс төрийн үзэл бодол, үйлдвэрчний эвлэлийн гишүүн эсэх, эрүүл мэндийн байдал, жирэмсэн болон амаржсан эсэх, бэлгийн болон хүйсийн чиг баримжаа, илэрхийлэл, хөгжлийн бэрхшээл, гадаад төрхөөр нь шууд, эсхүл шууд бусаар ялгаварлан гадуурхах, эрхийг нь хязгаарлах, давуу байдал олгохыг хориглоно гэж заасан.

Б.*******ь өмнө дурдсанчлан ажил олгогчтой 2024 оны 08 сарын 12-ны өдрөөс 2024 оны сарын 12-ны өдрийг дуустал буюу 3 сарын хугацаатай туршилтаар ажиллуулах хөдөлмөрийн гэрээг байгуулсан.

Туршилтын хугацаа дуусахад гэрээг сунгаж байгаа эсэх талаар ажил олгогч, хүний нөөцийн газраас мэдээлэл өгөөгүй тул Б.*******ь ажлаа хийсээр байсан бөгөөд жинхлэх тайлангаа тавих хүсэлтийг хүний нөөцийн газарт гаргаж, тайлангаа танилцуулсан боловч түүнийг ажлаас халах хүртэл тайлангийн дүнг танилцуулаагүй, компанийн үндсэн ажилтанаар томилох эсэх талаар хариу өгөөгүй, түүний эрх зүйн байдлыг дордуулах үйлдэл хийсээр байсан.

Тушаалын үндэслэх хэсэгт Хөдөлмөрийн тухай хуулийн 123 дугаар зүйлийн 123.2.5 дахь заалт буюу Ажил олгогчийн санаачилгаар хөдөлмөр эрхлэлтийн харилцааг цуцлах сахилгын шийтгэл ногдуулсан.

Б.*******ьд сахилгын шийтгэл ногдуулсан шалтгаан нь Н.ын утасны дугаарыг бусдад өгсөн, энэхүү үйлдэл нь байгууллагын нууц задруулсан зөрчилд тооцогдоно гэж Н. хэлдэг.

Б.*******ь Н.ын утасны дугаарыг нөхөртөө өгөөгүй, задруулах ямар нэгэн үйлдэл хийгээгүй. Тухайн үед Н.тай муудалцсанаас болоод түүний бие муудаж, өвдөлт өгөөд байж байхад нөхөр нь түүний утсыг авч Н.тай бичсэн чатыг уншаад түүн рүү залгасан байсан.

Хөдөлмөрийн тухай хуулийн 123 дугаар зүйлийн 123.3-т Ажил олгогч хөдөлмөрийн сахилгын шийтгэл ногдуулахаас өмнө ажилтанд мэдэгдэж, тайлбар авч, сахилгын зөрчлийн шинж, үр дагаврыг харгалзан энэ хуулийн 123.2-т заасан хөдөлмөрийн сахилгын шийтгэлийг сонгож хэрэглэнэ гэж заасан.

Н.ын утасны дугаарыг Б.*******ийн нөхөр мэдсэн, утсаар ярьснаас үүдэн ******* ******* ХХК болон Н.т ямар ч хохирол учраагүй, учрахаар нөхцөл үүсээгүй, эд хөрөнгийн хохирол учруулаагүй, бизнесийн болон ажил хэргийн нэр хүндийг нь гутаагаагүй.

Гэтэл Б.*******ьтай байгуулсан хөдөлмөр эрхлэлтийн харилцааг шууд цуцлах тухай тушаал гаргасан нь Б.*******ийг жирэмсэн гэдгээр нь шалтаглаж, ялгаварлан гадуурхсан үйлдэл гэж үзэж байна.

Түүнчлэн Н. болон ажил олгогч биш. Хөдөлмөрийн тухай хуулийн 4 дүгээр зүйлийн 4.1.1-т ажил олгогч гэж хөдөлмөр эрхлэлтийн харилцааны үндсэн дээр хүнийг ажиллуулж байгаа дотоод, гадаадын аж ахуйн нэгж, байгууллага, Монгол Улсын иргэн, гадаадын иргэн, харьяалалгүй хүн, Монгол Улсын олон улсын гэрээнд өөрөөр заагаагүй бол олон улсын байгууллага, түүний төлөөлөгчийн газар, алба, нэгжийг хэлнэ гэж заасан.

Б.*******ь ажилд орохдоо ******* ******* буюу ажил олгогч байгууллага, түүнийг төлөөлж гүйцэтгэх захирал Х.тай гэрээ байгуулсан.

Гэтэл сахилгын шийтгэл ногдуулсан тушаал гаргахаас өмнө Б.*******иас гүйцэтгэх захирал Х. биш Н. уулзаж, чи ажлаасаа гар, эсвэл би ажлаасаа гарья гэх зэргээр түүнийг элдвээр шахан дарамталж, зөрчлийн хуудсанд гарын үсэг зуруулсан, энэ асуудлаар түүнээс тайлбар авсан.

Уг нь компанийн гүйцэтгэх захирал нь ажил олгогч, түүнийг төлөөлж байгаа этгээд болохынхоо хувьд Б.*******ьтай уулзаж, албан ёсоор тайлбар авах ёстой байсан.

Өөрөөр хэлбэл Б.*******ийг ажлаас чөлөөлсөн тушаал дээр гүйцэтгэх захирал Х.ын нэр, гарын үсэг л байгаа болохоос биш Н.ын Б.*******ьд хувийн өш хонзон санаж, түүнийг жирэмсэн гэдгээ нууж ажилд орсон мэт аашилж, тийм хандлага удаа дараа гаргаж, ялгаварлан гадуурхаж хийсэн үйлдэл гэж үзэж байна.

******* ******* ХХК-ийн гүйцэтгэх захирлын 2024 оны 12 сарын 24-ний өдрийн дугаартай тушаалыг хүчингүй болгож, ажилгүй байсан хугацааны цалинг гаргуулах, нийгмийн даатгалын болон эрүүл мэндийн даатгалыг нөхөн төлүүлэх нэхэмжлэл гаргасан.

Иймд хариуцагч ******* ******* ХХК-ийн гүйцэтгэх захирлын 2024 оны 12 сарын 24-ний өдрийн дугаартай сахилгын шийтгэл ногдуулах тухай тушаалыг хүчингүй болгож, Б.*******ийг ******* ******* ХХК-ийн ахлах хуулийн зөвлөх албан тушаалд эгүүлэн тогтоож, ажилгүй байсан хугацааны дундаж цалин хөлстэй тэнцэх олговорт 2024 оны 12 сарын 24-ний өдрөөс 2025 оны сарын 24-ний өдрийг хүртэл 44,000,000 төгрөгийг хариуцагч ******* ******* ХХК-иас гаргуулан Б.*******ьд олгож, нийгмийн даатгалын болон эрүүл мэндийн даатгалын шимтгэлийг нөхөн төлүүлж өгнө үү гэв.

 

Хариуцагч ******* ******* ХХК-ийн итгэмжлэгдсэн төлөөлөгч Б. шүүхэд гаргасан тайлбартаа болон итгэмжлэгдсэн төлөөлөгч Н. шүүх хуралдаанд гаргасан тайлбартаа:

Б.*******ийн нэхэмжлэлийн шаардлагыг бүхэлд нь хүлээн зөвшөөрөхгүй.

Нэхэмжлэгч Б.*******ь нь 2024 оны 08 сарын 12-ны өдөр ******* ******* ХХК-ийн ахлах хуулийн зөвлөх албан тушаалд томилогдож ажиллаж байгаад 2024 оны 12 сарын 09-ний өдрийн 14:30 цагт эмнэлэгт үзүүлэхэд хэвт гэж зөвлөсөн тул чөлөө авах гэсэн юм гэсэн хүсэлтийг ******* ******* ХХК-ийн хууль, эрх зүйн газрын даргад телеграмм чатаар ирүүлж, эмнэлгийн магадлагааны зургийг явуулсан.

Монгол Улсын Хөдөлмөрийн тухай хуулийн 100 дугаар зүйлийн 100.2-т хувийн чөлөө олгох журам, чөлөөний хугацаа, хувийн чөлөөтэй байх хугацаанд олговор олгох эсэхийг хөдөлмөрийн дотоод хэм хэмжээгээр зохицуулна гэж заасан.

******* ******* ХХК-ийн ажилтнуудын ажлын цаг ашиглалтыг зохицуулсан Ажлын цаг ашиглалтын журам-ыг гүйцэтгэх захирлын 2016 оны 10 сарын 07-ны өдрийн 123 тоот тушаалаар баталсан бөгөөд тус журам нь ажилтнууд хувийн чөлөө авах, чөлөөтэй байх хугацаанд олгох олговор зохицуулсан хөдөлмөрийн дотоод хэм хэмжээний нэг юм.

Тус журмын 5.1.1-т Ажилтанд ажлын 1-3 хоногийн хугацаатай чөлөөг харьяалах нэгжийн удирдлагын зөвшөөрлөөр олгоно, 5.1.2-т Ажлын 4 болон түүнээс дээш хоногийн чөлөөг гүйцэтгэх захирлын зөвшөөрлөөр олгох ба гүйцэтгэх захирлыг эзгүй байх хугацаанд түүнийг орлож байгаа ажилтны зөвшөөрлөөр олгоно, 5.1.3-т Ажилтанд чөлөө хүсэх шалтгааныг нотолсон баримт бичиг, эмнэлгийг магадлагаа зэргийг үндэслэн чөлөө олгоно гэж заасан.

Нэхэмжлэгч Б.*******ийн ирүүлсэн телеграмм чатаар ирүүлсэн эмнэлгийн магадлагаа буюу актад ажлаас чөлөөлсөн хугацаа нь 2024 оны 12 сарын 09-ний өдрөөс 2024 оны 12 сарын 18-ны өдөр хүртэл буюу нийт ажлын 7 өдрийн хугацаанд ажлаас чөлөөлсөн байх тул компанийн оффис менежерт өгөхийг мэдэгдсэн.

Нэхэмжлэгч Б.*******ь нь тус эмнэлгийн магадлагааг оффис менежерт журамд заасны дагуу хүргүүлээгүй. 2024 оны 12 сарын 20-ны өдөр хүртэл ямар нэг хариу өгөөгүй.

Б.*******ь ахлах хуулийн зөвлөх албан тушаалтан болохын хувьд хуулийн хэлтсийн даргын зүгээс ******* *******ийн хэмжээнд мөрдөгдөж байгаа хөдөлмөрийн дотоод хэм хэмжээний цахим хувилбарыг өгч тэдгээр журмуудтай танилцах боломжоор хангахын зэрэгцээ, нэмж сайжруулах, засч залруулах зүйлс байгаа эсэх талаар санал авч байсан бөгөөд тус журамтай бүрэн танилцсан эсэх нь хувь хүний хариуцлагын асуудал юм.

Хууль, эрх зүйн газрын даргын хууль ёсны шаардлагыг муудалцсан, ялгаварлан гадуурхсан мэтээр мушгин тайлбарласан.

Нэхэмжлэгч Б.*******ь хөдөлмөрийн дотоод хэм хэмжээг мөрдөөгүй үйлдлээ зөвтгөсөөр байх ба 2024 оны 12 сарын 20-ны өдрийн 16:40 цагийн орчим өөрийгөө нэхэмжлэгчийн нөхөр гэх нэр нь тодорхойгүй этгээд дугаараас ******* *******ийн нэр дээрх дугаарын утас руу буюу Н. миний дугаарт залгаж зүй бус үг хэллэгээр доромжилж, амь нас, эрүүл мэндэд заналхийлсэн.

Ингээд Б.*******ийн 2024 оны 12 сарын 23-ны өдрийн 14:20-17:00 цагийн хооронд, мөн 2024 оны 12 сарын 24-ний өдрийн 10:00-16:00 цагийн хооронд шууд удирдлага буюу хуулийн хэлтсийн даргатай уулзсан уулзалтаар нөхөр гэх утсаар ярьсан этгээдийн гаргасан заналхийлэл хүмүүсийн харилцаанд байдаг хэвийн зүйл мэт тайлбарласан.

Б.*******ь болон ******* ******* ХХК-ийн хооронд 2024 оны 08 сарын 12-ны өдөр байгуулсан МГ028 тоот хөдөлмөрийн гэрээний 8 дугаар зүйлийн 8.1-т Нууц мэдээлэл гэдэгт ... компанийн удирдлага, ажилтнуудын гар утасны дугаар, гэрийн хаяг, бусад хувийн чанартай мэдээлэл ...-ийг ойлгоно гэж заасан бөгөөд 8.2-т ... Нууц мэдээллийг ажил олгогчийн зөвшөөрснөөс бусад тохиолдолд аливаа хэлбэрээр ашиглахгүй бөгөөд гуравдагч этгээдэд задруулахгүй гэж заасныг нэхэмжлэгч Б.*******ь биелүүлээгүй.

Нэхэмжлэгч Б.*******ь мөн нэхэмжлэлдээ нөхөр нь утсаар ярьсан үйл баримтыг дурдсан байгаа бөгөөд Хөдөлмөрийн тухай хуульд заасан ажил олгогчийн удирдах чиг үүргээ хэрэгжүүлэхэд хүндэтгэлтэй хандах, ажил олгогч, ажил олгогчийн хууль ёсны үүрэг даалгаврыг цаг тухайд нь бүрэн биелүүлэх үүрэг, хөдөлмөрийн гэрээний дагуу хадгалах үүрэг хүлээсэн нууц мэдээллийг санаатайгаар гуравдагч этгээдэд задруулсан үйлдлээ үгүйсгээгүй.

Иймд хариуцагчийн зүгээс нэхэмжлэгчид сахилгын шийтгэл ногдуулсан шийдвэрээ цуцлах, ажилгүй байсан хугацаанд ногдох цалин хөлсийг олгох үндэслэл байхгүй.

Нэхэмжлэгч Б.*******ь өөрийн жирэмсэн байдлаар ялгаварлан гадуурхсан, эрх зүйн байдлыг нь дордуулсан тухай нэхэмжлэлдээ тусгасан боловч түүний ямар тэгш байдал, боломжийг алдагдуулсан тухай шийдвэр, үйлдэл гарсныг дурдаагүй.

Б.*******ь анх ажилд орох үедээ Баянзүрх дүүрэгт буюу зах, дээд сургуулийн орчимд амьдардаг мэдээллийг ажил олгогчид өгч байсан.

2024 оны сарын 14-ний өдөр хүртэл нэхэмжлэгч Б.*******ь хөдөлмөрийн гэрээнд заасан ажил үүргээ гүйцэтгэх газар болох ******* дүүргийн хороонд байрлах М Плаза 1******* давхарт ажиллаж байсан бөгөөд хууль, эрх зүйн газрын даргын зүгээс нэхэмжлэгч Б.*******ийн амьдарч байгаа байршилд хамгийн ойр, Улаанбаатар хотын замын хөдөлгөөний түгжрэлд өнгөрөөх цагийг хэмнэхээр ******* *******ийн харьяа компанийн оффис буюу Сүхбаатар дүүргийн ******* хороо, -ийн гудамж-28, цогцолборын 1******* давхарт ажиллах саналыг тавьж давуу эрх олгосноос бусдаар Б.*******ийн тэгш байдал, боломжийг алдагдуулсан ямар нэг шийдвэр гаргаагүй, үйлдэл хийгээгүй.

Нэхэмжлэгч Б.*******ьд түүний гаргасан зөрчлийн шалтгаан нөхцөл, ******* ******* ХХК-ийн гүйцэтгэх захирлын 2024 оны 12 сарын 24-ний өдрийн тоот тушаалаар хөдөлмөр эрхлэлтийн харилцааг цуцлах сахилгын шийтгэл ногдуулж, ажил хүлээлгэн өгөх хугацааг 2024 оны 12 сарын 24-ний өдрөөр тогтоосон.

Б.*******ь хөдөлмөрийн харилцааг цуцалсан шийдвэрийг танилцуулсан бөгөөд тэрээр гардан авахаас татгалзсан.

Монгол Улсын Хөдөлмөрийн тухай хуулийн 154 дүгээр зүйлийн 154.2-т заасны дагуу Б.*******ь нь хөдөлмөр эрхлэлтийн харилцааг цуцалсан шийдвэрийг үндэслэлгүй гэж үзвэл шийдвэрийг хүлээн авсан өдрөөс хойш 30 хоногийн дотор буюу 2025 оны 01 сарын 23-ны өдрийн дотор ******* дүүргийн хөдөлмөрийн маргаан зохицуулах гурван талт хороонд маргааныг урьдчилан шийдвэрлүүлэхээр хандах ёстой байсан. Тэрээр хуулиар тогтоосон хугацаанд гомдлоо гаргаагүй.

Нэхэмжлэгч Б.*******ь хөдөлмөрийн хэвийн нөхцөлд, аятай таатай ажиллах нөхцлөөр хангагдаж, уян хатан ажлын цагтай, өөрийн оршин суудаг гэх хаягт хамгийн ойр байрлах ******* *******ийн харьяа компанийн оффист ажиллаж, хөдөлмөрийн гэрээгээр тогтоосон цалинг бүрэн авч байснаа эрх зүйн байдал дордсон мэт тайлбарлан бодит байдлыг мушгин гуйвуулж, жирэмсэн гэдгээр нь ялгаварлан гадуурхсан гэж сахилгын шийтгэл ногдуулахтай огт хамааралгүй нөхцөл байдал дурьдан нэхэмжлэл гаргасан нь ёс зүйн болоод хууль зүйн үндэслэлгүй.

Иймд нэхэмжлэгч Б.*******ийн нэхэмжлэлийн шаардлагыг бүхэлд нь хэрэгсэхгүй болгож өгнө үү гэв.

 

Нотлох баримтууд:

Нэхэмжлэгч Б.*******ь нь нэхэмжлэл, итгэмжлэл, 2024 оны 08 сарын 12-ны өдөр байгуулсан хөдөлмөрийн гэрээ, 2024 оны 08 сарын 12-ны өдөр байгуулсан эд хөрөнгийн бүрэн хариуцлагын гэрээ,

Б.*******ийн 2024 оны сарын 29-ний өдөр гаргасан үндсэн ажилтнаар ажиллах хүсэлт,

******* ******* ХХК-ийн гүйцэтгэх захирлын 2024 оны 08 сарын 12-ны өдрийн Б/019 тоот Б.*******ийг туршилтаар ажиллах ажилд томилох тухай тушаалын хуулбар,

******* ******* ХХК-ийн гүйцэтгэх захирлын 2024 оны 12 сарын 24-ний өдрийн тоот Б.*******ьд сахилгын шийтгэл ногдуулах тухай тушаалын хуулбар,

2024 оны 12 сарын 27-ны өдөр ажил хүлээлцсэн акт,

******* дүүргийн хөдөлмөрийн эрхийн маргаан зохицуулах гурван талт хорооны хуралдааны 2025 оны 02 сарын 03-ны өдрийн тоот шийдвэр,

Б.*******ь 2024 оны 12 сарын 09-ний өдрөөс 2024 оны 12 сарын 18-ны өдрийг хүртэл хугацаанд эрүүл мэндийн шалтгааны улмаас ажлаас чөлөөлөгдсөн гэх эмнэлгийн магадлагаа,

Жирэмсэн эмэгтэйн хяналтын хөтөч дэвтэр зэрэг баримтуудыг ирүүлжээ.

 

Хариуцагч ******* ******* ХХК нь хуулийн этгээдийн улсын бүртгэлийн гэрчилгээний хуулбар, компанийн дүрэм, итгэмжлэл,

Хариу тайлбар, ******* ******* ХХК-ийн гүйцэтгэх захирлын 2022 оны 01 сарын 03-ны өдрийн 01 тоот тушаалаар батлагдсан ******* ******* ХХК-ийн хөдөлмөрийн дотоод журам,

******* дүүргийн хөдөлмөрийн эрхийн маргаан зохицуулах гурван талт хорооны шийдвэр хүлээн авсан тэмдэглэл, мөн хороонд Б.*******ийн 2025 оны 01 сарын 24-ний өдөр гаргасан өргөдлийн хуулбар,

Зөрчил бүртгэх хуудас зэрэг баримтуудыг ирүүлсэн байна.

 

Шүүхийн журмаар:

******* ******* ХХК-ийн хүсэлтээр 2025 оны 10 сарын 22-ны өдрийн дугаар шүүгчийн захирамжаар хариуцагчийн төлөөлөгч Н.ын хаягт Genendulam Tsembel хаягаас илгээсэн захидалд үзлэг хийхээр шийдвэрлэн 2025 оны сарын 20-ны өдөр үзлэгийг хийжээ.

 

Зохигчдын тайлбар, хэрэгт байгаа болон шүүх хуралдаанаар хэлэлцэгдсэн нотлох баримтыг шинжлэн судлаад

ҮНДЭСЛЭХ нь:

 

Нэхэмжлэгч Б.*******ь нь хариуцагч ******* ******* ХХК-д холбогдуулан ******* ******* ХХК-ийн гүйцэтгэх захирлын 2024 оны 12 сарын 24-ний өдрийн дугаартай тушаалыг хүчингүй болгох, ажилгүй байсан хугацааны цалинг гаргуулах, мөн ажилгүй байсан хугацааны нийгмийн даатгалын болон эрүүл мэндийн даатгалыг нөхөн төлүүлэх тухай нэхэмжлэлийг шүүхэд гаргажээ.

 

******* ******* ХХК-ийн гүйцэтгэх захирлын 2024 оны 08 сарын 12-ны өдрийн Б/019 тоот Туршилтаар ажиллах ажилд томилох тухай тушаалаар Б.*******ийг уг өдрөөс нь тус компанийн ахлах хуулийн зөвлөхийн албан тушаалд томилон, 2024 оны 08 сарын 12-ны өдөр хөдөлмөрийн гэрээ болон эд хөрөнгийн бүрэн хариуцлагын гэрээ тус тус байгуулсан нь талуудын тайлбар, тухайн гэрээнүүдээр тогтоогдож байх ба зохигчид энэ талаар маргаагүй.

/ХХ-ийн 5-, 13 дугаар тал/

 

******* ******* ХХК-ийн гүйцэтгэх захирлын 2024 оны 12 сарын 24-ний өдрийн тоот Сахилгын шийтгэл ногдуулах тухай тушаалаар Хөдөлмөрийн тухай хуулийн 42 дугаар зүйлийн 42.2.8, 123 дугаар зүйлийн 123.2.5, Б.*******ьтай байгуулсан хөдөлмөрийн гэрээний 6.2.14, 7.1.9, 8.1, 8.2, 13.2.3, хөдөлмөрийн дотоод журмын 7 дугаар зүйлийн 7.14.7, 12 дугаар зүйлийн 12.2.5 дах заалтыг тус тус үндэслэн:

Ахлах хуулийн зөвлөх Б.*******ь шууд удирдлага Хууль, эрх зүйн газрын даргын гар утасны дугаарыг өөрийн нөхөрт задруулж хөдөлмөрийн хууль, хөдөлмөрийн гэрээ, дотоод журамд заасан нууц хадгалах үүргээ биелүүлээгүй, ноцтой зөрчил гаргасан, уг зөрчлийн улмаас 2024.12.20-ны өдрийн 16:45 цагт дугаараас Б.*******ийн нөхөр гэх этгээд шууд удирдлагын утас руу залгаж, доромжлох, заналхийлсэн үйлдэл гаргасан нь хууль, эрх зүйн газрын даргын утасны дуудлагын жагсаалт, дуу хураагуур дахь бичлэгээр нотлогдсон гэж ажил олгогчийн санаачилгаар 2024 оны 12 сарын 24-ний өдрөөр тасалбар хөдөлмөрийн гэрээг цуцлах сахилгын шийтгэл ногдуулсан байна.

/ХХ-ийн 14 дүгээр тал/

 

Хөдөлмөрийн тухай хуулийн 64 дүгээр зүйлд туршилтаар ажиллуулах хөдөлмөрийн гэрээний талаар заасан ба 64.1-т Ажил олгогч ажилтныг ажилд авахдаа тухайн ажлын байранд тавигдах шаардлагыг хангах эсэхийг нь шалгах зорилгоор туршилтаар ажиллуулах хөдөлмөрийн гэрээ байгуулж болно,

64.2-т Туршилтаар ажиллуулах хөдөлмөрийн гэрээний хугацаа гурван сараас илүүгүй байх бөгөөд харилцан тохиролцсоноор нэг удаа гурван сараас илүүгүй хугацаагаар сунгаж болно,

64.5-д Туршилтаар ажиллах ажилтанд хөдөлмөрийн хууль тогтоомж, хамтын гэрээ, хамтын хэлэлцээр, хөдөлмөрийн дотоод хэм хэмжээ нэгэн адил үйлчилнэ гэж заасан байна.

 

Б.*******ьтай 2024 оны 08 сарын 12-ны өдөр байгуулсан хөдөлмөрийн гэрээний хугацаа талуудын тохиролцсоны дагуу 2024 оны сарын 12-ны өдөр дуусгавар болсон хэдий ч ажил олгогч, ажилтан хэн аль нь гэрээг цуцлах санал гаргаагүй тул гэрээг дуусгавар болсон өдрөөс нь эхлэн 3 сарын хугацаагаар сунгасан гэж үзлээ.

 

Гэрч М. шүүх хуралдаанд өгсөн мэдүүлэгтээ:

Би ******* ******* ХХК-д 2023 оны 12 сарын -ний өдрөөс хуулийн зөвлөхөөр ажилласан. Б.*******ийг ажлаас чөлөөлсөн 2024 оны 12 сарын 24-ний тоот тушаалыг хэзээ гардуулж өгснийг мэдэхгүй. Ажлаас чөлөөлсөн тушаал гарсан огноогоор ажлыг хүлээлцээгүй.

Б.*******ь тушаалаа хугацаандаа гардаж аваагүй, тушаалаа хугацаандаа аваагүй эмнэлгийн ажилтай эрүүл мэндийн хүндэтгэн үзэх шалтгаантай гэж хойшлуулсан. Миний санаж байгаагаар түүнийг ажлаас чөлөөлсөн тушаал гарсан өдрөөс хойш ажил хүлээлцсэн.

Би ажил хүлээлцэх үйл явцад оролцсон ба уг ажил хүлээлцэх үйл явц 24-ний өдрөөс хойш болсон гэжээ.

 

Гэрч С. шүүх хуралдаанд өгсөн гэрчийн мэдүүлэгтээ:

Би ******* фарм ХХК-д хуулийн зөвлөхөөр ажилладаг. Б.*******ийн ажлаас халагдсан огноог санахгүй байна. 12 сард тушаал гарч байгаа, тушаалаа авчихаад ирэхгүй байна гэж ойлгосон гэжээ.

 

******* ******* ХХК-ийн ахлах хуулийн зөвлөх Б.*******ийн ажлыг хүлээлцэхэд Б.*******ь, ажил олгогч талаас хуулийн зөвлөх М., тооцооны нягтлан бодогч Ш. нар байлцан 2024 оны 12 сарын 27-ны өдөр ажлыг хүлээлцсэн тухай акт үйлдэн гарын үсэг зуран баталгаажуулсан байна.

/ХХ-ийн 15-16 дугаар тал/

 

Ажил олгогч ******* ******* ХХК нь 2024 оны 12 сарын 24-ний өдөр ажлаас чөлөөлсөн тушаалыг гардуулсан ба Б.*******ь нь 2025 оны 01 сарын 23-ны дотор урьдчилан шийдвэрлүүлэх журмаар гомдлоо гаргасан нь Хөдөлмөрийн тухай хуулийн 154 дүгээр зүйлийн 154.2-т заасан хугацаа хэтрүүлсэн гэж маргалаа.

 

Хөдөлмөрийн тухай хуулийн 83 дугаар зүйлийн 83.4-т Ажил олгогч ажилтны хөдөлмөр эрхлэлтийн харилцааг дуусгавар болгосон тухай шийдвэрийг ажил хүлээлцэхээс өмнө бичгээр, эсхүл цахим хэлбэрээр гаргаж, ажилтанд танилцуулж, уг шийдвэрийн хувийг хүлээлгэн өгнө. Хэрэв ажилтан тухайн шийдвэрийг хүлээн авахаас татгалзсан бол ажилтны оршин суугаа газрын хаягаар шийдвэрийг шуудангаар хүргүүлснээр тухайн шийдвэртэй танилцсанд тооцно гэж заасан.

 

Ажил олгогч ******* ******* ХХК нь ажилтан Б.*******ь түүнийг ажлаас чөлөөлсөн тушаалыг гардан авахаас татгалзсан гэж тайлбарлаж байгаа боловч Хөдөлмөрийн тухай хуулийн 83 дугаар зүйлийн 83.4-т заасан бөгөөд ажил олгогч энэ үүргээ биелүүлээгүй байна.

 

Гэрчүүдийн мэдүүлэг, 2024 оны 12 сарын 27-ны өдрийн ажил хүлээлцсэн акт зэрэг баримтуудаас дүгнэж үзэхэд нэхэмжлэгч Б.*******ь нь түүнийг ажлаас чөлөөлсөн 2024 оны 12 сарын 24-ний өдрийн тоот тушаалтай уг өдөр буюу ажил хүлээлцсэн өдөр танилцсан гэж үзэх үндэслэлтэй.

 

Хөдөлмөрийн тухай хуулийн 154 дүгээр зүйлийн 154.2-т Хөдөлмөрийн эрхийн маргааныг маргалдагч тал эрхээ зөрчигдсөнийг мэдсэн буюу мэдэх ёстой байсан өдрөөс хойш дараах хугацаанд хөдөлмөрийн эрхийн маргааныг урьдчилан шийдвэрлүүлэхээр хөдөлмөрийн эрхийн маргаан таслах комисст, хөдөлмөрийн эрхийн маргаан таслах комиссгүй аж ахуйн нэгж, байгууллага болон иргэд хооронд үүссэн маргааныг сум, дүүргийн хөдөлмөрийн эрхийн маргаан зохицуулах гурван талт хороонд тус тус хандах эрхтэй,

154.2.1-т хөдөлмөр эрхлэлтийн харилцааг цуцалсан буюу дуусгавар болгосон, эсхүл өөр ажилд шилжүүлсэн, сэлгэн ажиллуулсан тухай ажил олгогчийн шийдвэрийг үндэслэлгүй гэж үзвэл түүнийг хүлээн авсан өдрөөс хойш 30 хоногийн дотор,

154.2.2-т энэ хуулийн 154.2.1-д зааснаас бусад хөдөлмөрийн эрхийн маргаантай асуудлыг 90 хоногийн дотор гэж тус тус заасан байна.

 

Ажилтан Б.*******ь түүнийг ажлаас нь чөлөөлсөн 2024 оны 12 сарын 24-ний өдрийн тоот тушаалтай 2024 оны 12 сарын 27-ны өдөр танилцсан бөгөөд тэрээр ******* дүүргийн хөдөлмөрийн эрхийн маргаан зохицуулах гурван талт хороонд хөдөлмөрлөх эрхтэйгээ холбоотой гомдлыг 2025 оны 01 сарын 24-ний өдөр гаргасан нь хариуцагчийн төлөөлөгч Н.ын хаягт Genendulam Tsembel хаягаас илгээсэн захидалд үзлэг хийсэн 2025 оны сарын 20-ны өдрийн үзлэгийн тэмдэглэл, Б.*******ийн тухайн хороонд гаргасан гомдлын хуулбар зэрэг баримтуудаар тогтоогдлоо.

 

Тус хороо түүний гомдлыг хүлээн авч танилцан 2025 оны 02 сарын 03-ны өдрийн тоот шийдвэрээр ажил олгогч тал тушаалыг үндэслэлтэй гарсан, тохиролцох боломжгүй гэснээр талууд харилцан тохиролцоогүй тул хөдөлмөрийн маргааныг дуусгавар болгосон байна.

 

Нэхэмжлэгч Б.*******ь уг хорооны шийдвэрийг 2025 оны 02 сарын 04-ний өдөр хүлээн авч тус шүүхэд 2025 оны 02 сарын 17-ны өдөр нэхэмжлэл гаргахад 2025 оны 02 сарын 24-ний өдрийн 191/ШЗ2025/09563 дугаар шүүгчийн захирамжаар иргэний хэрэг үүсгэсэн ба нэхэмжлэгч тал Хөдөлмөрийн тухай хуулийн 154 дүгээр зүйлийн 154.8-т заасан хугацаанд шүүхэд нэхэмжлэлээ гаргасан байна.

/ХХ-ийн 1-3, 17-23, 86, 96-99, 108-8 дугаар тал/

 

Б.*******ийг ажлаас чөлөөлсөн ******* ******* ХХК-ийн гүйцэтгэх захирлын 2024 оны 12 сарын 24-ний өдрийн тоот тушаалд:

Хөдөлмөрийн тухай хуулийн 42 дугаар зүйлд ажилтны үндсэн эрх, үүргийн талаар заасан ба 42.2.8-д ажил үүргээ гүйцэтгэх явцад байгууллага, хувь хүний нууц, ажил олгогчийн бизнестэй холбоотой мэдээллийг олж мэдсэн, түүнтэй танилцсан бол задруулахгүй байх,

123 дугаар зүйлд хөдөлмөрийн сахилгын шийтгэлийн талаар заасан ба 123.2.5-д ажил олгогчийн санаачилгаар хөдөлмөр эрхлэлтийн харилцааг цуцлах,

Б.*******ьтай 2024 оны 08 сарын 12-ны өдөр байгуулсан хөдөлмөрийн гэрээний 6-д ажилтаны эрх, үүргийн талаар заасан бөгөөд 6.2.14-т Ажил үүргээ гүйцэтгэх явцад байгууллага, хувь хүний нууц, ажил олгогчийн бизнестэй холбоотой мэдээллийг олж мэдсэн, түүнтэй танилцсан бол задруулахгүй байх, Байгууллагын нууцын тухай хууль болон Хүний хувийн мэдээлэл хамгаалах тухай хууль, компанийн нууцын харилцаа зохицуулсан журамд заагдсан хэм хэмжээгээр үүрэг хүлээх,

7 дугаар зүйлд ажил олгогчийн эрх, үүргийг тодорхойлсон ба 7.1.9-д Холбогдох хууль тогтоомж, хөдөлмөрийн дотоод журам болон бусад журам, заавар, стандарт, хөдөлмөрийн гэрээ, ажлын байрны тодорхойлолтод заасан үүргээ биелүүлээгүй тохиолдолд ажилтанд сахилгын шийтгэл болон эд хөрөнгийн хариуцлага ногдуулах, ажилтантай байгуулсан хөдөлмөрийн гэрээг ажил олгогчийн санаачилгаар цуцлах,

8 дугаар зүйлд нууц хадгалах талаар заасан ба 8.1-т Нууц мэдээлэл гэдэгт ажилтан ажил үүргээ биелүүлэх явцад олж авсан компанийн бизнесийн ашиг сонирхолд шууд ба шууд бус хамааралтай компани түүний салбар нэгжүүдийн үйл ажиллагаатай холбоотой бүх төрлийн аман ба бичгийн мэдээ, мэдээлэл, албаны компьютер болон цахим хаягийн нууц үг, цахим шуудангаар илгээсэн болон хүлээн авсан аливаа мэдээлэл, ... компанийн удирдлага, ажилтнуудын гар утасны дугаар, гэрийн хаяг, бусад хувийн чанартай мэдээлэл ...ойлгоно,

8.2-т Ажилтан нь энэхүү гэрээний хугацаанд болон ажлаас чөлөөлөгдсөний дараа хэдийд ч нууц мэдээллийг ажил олгогчийн зөвшөөрснөөс бусад тохиолдолд аливаа хэлбэрээр ашиглахгүй бөгөөд гуравдагч этгээдэд задруулахгүй,

13 дугаар зүйлд хөдөлмөрийн гэрээг дуусгавар болгох, цуцлах талаар заасан ба 13.2.3-т Компани, хамт олон болон үйлчлүүлэгч, харилцагчийн нэр хүндийг гутаах хэл ам, бичгээр доромжлох, компани, хамт олон болон үйлчлүүлэгч, харилцагчийн хувийн нууцыг задруулах, худал мэдээлэл тараах,

Хөдөлмөрийн дотоод журмын 7 дугаар зүйлд компани болон ажилтны эрх, үүргийг тодорхойлсон бөгөөд 7.4.17-д Ажил үүргээ гүйцэтгэх явцад байгууллага, хувь хүний нууц, ажил олгогчийн бизнестэй холбоотой мэдээллийг олж мэдсэн, түүнтэй танилцсан бол задруулахгүй байх,

12 дугаар зүйлд хөдөлмөрийн сахилга, эд хөрөнгийн хариуцлагыг тодорхойлсон бөгөөд 12.2.5-д ажил олгогчийн санаачилгаар хөдөлмөр эрхлэлтийн харилцааг цуцлах гэж тус тус заажээ.

/ХХ-ийн 5-10, 44-66 дугаар тал/

 

Ажилтан Б.*******ийг нууц хадгалах үүргээ биелүүлээгүй ноцтой зөрчил гаргасны улмаас түүний нөхөр гэх хүн Хууль, эрх зүйн газрын даргын гар утас руу 2024 оны 12 сарын 20-ны өдрийн 16:45 минутанд залган доромжлон, заналхийлсэн тул ажилтан Б.*******ьтай байгуулсан хөдөлмөрийн гэрээг ажил олгогчийн санаачилгаар цуцалсан гэжээ.

 

Ажил олгогч ******* ******* ХХК нь ажилтан Б.*******ьтай байгуулсан хөдөлмөрийн гэрээний 13.2-т зааснаар дор дурдсан зөрчлийг Хөдөлмөрийн тухай хуулийн 80.1.4-т заасан ноцтой зөрчилд тооцон хөдөлмөрийн харилцааг ажил олгогчийн санаачилгаар шууд цуцлахаар харилцан тохиролцсон ба 13.2.3-т Компани, хамт олон болон үйлчлүүлэгч, харилцагчийн нэр хүндийг гутаах, хэл ам, бичгээр доромжлох, компани хамт олон болон үйлчлүүлэгч, харилцагчийн хувийн нууцыг задруулах гэжээ.

 

Ажилтан Б.*******ь хөдөлмөрийн гэрээний 13.2.3-т заасан буюу мөн хуулийн 80.1.4-т заасан ноцтой зөрчил гаргасан болох нь баримтаар тогтоогдсонгүй.

 

Б.*******ийн нөхөр гэх хүн ******* ******* ХХК-ийн Хууль, эрх зүйн газрын даргыг доромжлон, заналхийлсэн үйлдэл гаргасан тохиолдолд тухайн этгээд энэ талаараа цагдаагийн байгууллагад хандан гомдол гаргах эрхтэй байжээ.

Хөдөлмөрийн хуулийн 135 дугаар зүйлийн 135.1-т Энэ хуулийн 80.1.4, 80.1.5, 80.1.6-д заасан болон аж ахуйн нэгж, байгууллага татан буугдсанаас бусад тохиолдолд жирэмсэн эмэгтэй, гурав хүртэлх насны хүүхэдтэй эх /ганц бие эцэг/-ийн хөдөлмөр эрхлэлтийн харилцааг ажил олгогчийн санаачилгаар цуцлахыг хориглоно,

80 дугаар зүйлийн 80.1.4-т ажилтан хөдөлмөрийн сахилгын зөрчлийг давтан /хоёр ба түүнээс дээш/ гаргасан, эсхүл хөдөлмөр эрхлэлтийн харилцааг шууд цуцлахаар хөдөлмөрийн гэрээнд тусгайлан заасан ноцтой зөрчил гаргасан,

80.1.5-д ажил олгогчийн мөнгө болон эд хөрөнгийн бүрэн бүтэн байдлыг хариуцах, эсхүл захиран зарцуулах эрх бүхий ажилтан ажил олгогчийн итгэлийг алдсан буруутай үйлдэл, эс үйлдэхүй гаргасан нь тогтоогдсон,

80.1.6-д ажилтан ажилд орох үедээ боловсрол, мэргэжил, мэргэшлийн түвшнийг нотлох баримт бичгээ хуурамчаар бүрдүүлсэн нь тогтоогдсон гэж тус тус заасан байна.

 

Хариуцагчийн төлөөлөгч Н. нь нэхэмжлэгч Б.*******ийг жирэмсэн гэдгийг 2024 оны сарын 02-ны орчим мэдсэн талаараа тайлбарласан ба Б.*******ь нь 2024 оны 08 сарын 19-ний өдөр жирэмсний хяналтанд орсон болох нь жирэмсэн эмэгтэйн хяналтын хөтөч дэвтрээр тогтоогдлоо.

/ХХ-ийн 122-135 дугаар тал/

 

Хариуцагч тал нэхэмжлэгч Б.*******ийг эмнэлгийн магадлагаатай тухайгаа 2024 оны 12 сарын 09-ний өдөр Хууль, эрх зүйн газрын дарга Н.т телеграммаар ирүүлсэн, Б.*******ь 2024 оны 12 сарын 18-ны өдөр хүртэл ажилдаа ирээгүй гэж тайлбарлаж байх ба ******* дүүргийн эрүүл мэндийн төвийн эмч Б.*******ийг 2024 оны 12 сарын 09-ний өдрөөс 18-ны өдөр хүртэл ажлаас чөлөөлсөн нь эмнэлгийн магадлагаанд тусгагджээ.

 

******* ******* ХХК-ийн ахлах хуулийн зөвлөх Б.*******ь түүнийг ажлаас эрүүл мэндий шалтгааны улмаас чөлөөлсөн эмнэлгийн магадлагааны хугацаа дуусгавар болсон 2024 оны 12 сарын 18-ны өдрөөс хойш 2024 оны 12 сарын 24-ний өдрийг хүртэл ажил үүргээ гүйцэтгээгүй хэдий ч ажил олгогчийн санаачилгаар хөдөлмөрийн гэрээг цуцалсан тушаалд энэ талаар тусгаагүй тул үүнд дүгнэлт өгөх шаардлагагүй.

/ХХ-ийн 121 дүгээр тал/

 

Иймд хариуцагч ******* ******* ХХК-д холбогдох ******* ******* ХХК-ийн гүйцэтгэх захирлын 2024 оны 12 сарын 24-ний өдрийн дугаартай сахилгын шийтгэл ногдуулах тухай тушаалыг хүчингүй болгож, нэхэмжлэгч Б.*******ийг ******* ******* ХХКийн ахлах хуулийн зөвлөх албан тушаалд эгүүлэн тогтоох нь зүйтэй гэж үзэв.

 

Ажилтан Б.*******ьтай байгуулсан 2024 оны 08 сарын 12-ны өдрийн хөдөлмөрийн гэрээний 2 дугаар зүйлийн 2.4-т түүний сарын үндсэн цалинг 4,000,000 төгрөгөөр тогтоосон ба хариуцагч энэ талаар маргаагүй бөгөөд ажилтаны ажилгүй байсан хугацааны дундаж цалин хөлсийг уг хэмжээгээр тооцох үндэслэлтэй.

 

Нэхэмжлэгч Б.*******ь нь 2024 оны 12 сарын 24-ний өдрөөс хойш шүүхийн шийдвэр гарах өдөр хүртэл хугацааны цалин 44,000,000 төгрөгийг нэхэмжилж байх ба тэрээр түүнийг ажлаас чөлөөлсөн 2024 оны 12 сарын 24-ний өдрөөс хойш 2025 оны сарын 24-ний өдрийг хүртэл нийт 231 хоногийн цалин хөлс 43,999,956 төгрөг байна.

4,000,000 төгрөг/21 хоног=190,476 төгрөг

190,476 төгрөг*231 хоног= 43,999,956 төгрөг

 

Иймд нэхэмжлэгч Б.*******ийн ажилгүй байсан хугацааны дундаж цалин хөлстэй тэнцэх олговорт 43,999,956 төгрөгийг хариуцагч ******* ******* ХХК-иас гаргуулан Б.*******ьд олгож, 44 төгрөгт холбогдох хэсгийг нь хэрэгсэхгүй болгож, нэхэмжлэгч Б.*******ийн болон хариуцагчийн төлбөл зохих нийгмийн даатгалын шимтгэлийг нийгмийн даатгалын тухай хуульд заасан хувь хэмжээгээр тооцон суутгаж нийгмийн даатгалын байгууллагын төвлөрсөн харилцах дансанд шилжүүлэхийг хариуцагч ******* ******* ХХК-д даалгах нь зүйтэй.

 

Иргэний хэрэг шүүхэд хянан шийдвэрлэх тухай хуулийн 5 дугаар зүйлийн 5.1, 5.2.2, 6, 8 дугаар зүйлүүдэд заасныг удирдлага болгон

 

ТОГТООХ нь:

 

1. Хөдөлмөрийн тухай хуулийн 158 дугаар зүйлийн 158.2.2, 127 дугаар зүйлийн 127.1-т заасныг баримтлан хариуцагч ******* ******* ХХК-д холбогдох ******* ******* ХХК-ийн гүйцэтгэх захирлын 2024 оны 12 сарын 24-ний өдрийн дугаартай сахилгын шийтгэл ногдуулах тухай тушаалыг хүчингүй болгож,

нэхэмжлэгч Б.*******ийг ******* ******* ХХКийн ахлах хуулийн зөвлөх албан тушаалд эгүүлэн тогтоож,

ажилгүй байсан хугацааны дундаж цалин хөлстэй тэнцэх олговорт 43,999,956 төгрөгийг хариуцагч ******* ******* ХХК-иас гаргуулан Б.*******ьд олгож, 44 төгрөгт холбогдох хэсгийг нь хэрэгсэхгүй болгож, нэхэмжлэгч Б.*******ийн болон хариуцагчийн төлбөл зохих нийгмийн даатгалын шимтгэлийг нийгмийн даатгалын тухай хуульд заасан хувь хэмжээгээр тооцон суутгаж нийгмийн даатгалын байгууллагын төвлөрсөн харилцах дансанд шилжүүлэхийг хариуцагч ******* ******* ХХК-д даалгасугай.

 

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлйин 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1, 41 дүгээр зүйлийн 41.1.5-д зааснаар дээрхи нэхэмжлэл улсын тэмдэгтийн хураамж төлөхөөс чөлөөлөгдөх бөгөөд хариуцагч ******* *******ХХК-иас 377,949 төгрөг гаргуулан улсын орлогод оруулсугай.

 

3. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд давж заалдах гомдол гаргах эрхтэй бөгөөд Иргэний хэрэг шүүхэд хянан шийдвэрлэх тухай хуулийн 9 дүгээр зүйлийн 9.4, 9.7-д зааснаар шийдвэрийг танилцуулан сонсгож, 14 хоног өнгөрснөөс хойш 14 хоногийн дотор шүүх хуралдааны оролцогч талууд шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацааг тоолохыг дурдсугай.

 

 

 

 

ДАРГАЛАГЧ ШҮҮГЧ Н.САРАНГҮН