2025 11  12 192/ШШ2025/09377

Зохигчийн эвлэрлийг баталж,

хэргийг хэрэгсэхгүй болгох тухай

 

Баянгол_ Хан-Уул, Сонгинохайрхан дүүргийн Иргэний хэргийн анхан шатны тойргийн шүүхийн шүүгч Ч.Баярсүрэн би,

Нэхэмжлэгч: ****** дүүрэг, **** дугаар хороо, **** гудамж, ** ** төв байранд байрлах К ХК /рд:********/

Хариуцагч: **** дүүрэг, *** хороо, *** хороолол, ** сургуулийн байр, *** тоотод оршин суух, Ж овогт Л-ийн Б /рд: ************/

Зээлийн гэрээний үүрэгт 17,842,463 төгрөгийг гаргуулах тухай нэхэмжлэлтэй иргэний хэргийг хянаад

ТОДОРХОЙЛОХ нь:

Нэхэмжлэгч К ХК шүүхэд гаргасан нэхэмжлэлдээ: Харилцагч Л.Б-ийн цахимаар гаргасан хүсэлтийг үндэслэн зээлийн тооцооллыг хийж, харилцагч түүнийг зөвшөөрсний дагуу Иргэний хуулийн 42 дугаар зүйлийн 421.1- д Хуульд зааснаар бүртгүүлэх, нотариатаар гэрчлүүлбэл зохих болон бичгээр хийхээр заасан хэлцлийг цахим хэлбэрээр хийж болно, 421 дугаар зүйлийн 421.2-т Хуульд өөрөөр заагаагүй бол цахим хэлбэрээр хийх хэлцэл нь талууд хүсэл зоригоо харилцан илэрхийлж, цахим баримт бичиг үйлдэж, тоон гарын үсэг зурснаар, эсхүл бусад байдлаар техникийн хэрэгсэл, программ хангамжийг ашиглан хүсэл зоригоо илэрхийлж, харилцан хүлээн зөвшөөрч, цахим гарын үсэг зурснаар хүчин төгөлдөр болно, мөн хуулийн 196 дугаар зүйлийн 196.1.8-д цахим хэлбэрээр гэрээ хийх бол талууд хүсэл зоригоо харилцан илэрхийлж цахим баримт бичиг үйлдэж, тоон гарын үсэг зурснаар, эсхүл бусад байдлаар техник хэрэгсэл, программ хангамжийг ашиглан хүсэл зоригоо илэрхийлснийг харилцан хүлээн зөвшөөрч цахим гарын үсэг зурснаар, Банк, эрх бүхий хуулийн этгээдийн менген хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн 7 дугаар зүйлийн 7.1-д Банк, эрх бүхий хуулийн этгээд энэ хуулийн 9 дүгээр зүйлд заасны дагуу бичгээр, эсхүл цахим хэлбэрээр гэрээ байгуулан данс нээсэн харилцагчид тухайн данстай холбоотой хадгаламж, шилжүүлэг, зээлийн үйлчилгээг цахим хэлбэрээр үзүүлж болно, 7.2-т Энэ хуулийн 7.1- д заасны дагуу цахим хэлбэрээр үйлчилгээ үзүүлэхэд нууцлалын шаардлага хангасан нууц үг, нууц код, цахим гарын үсэг зэргийг ашиглаж болох бөгөөд эдгээрийг цахим хэлбэрээр хийсэн шилжүүлэг, зээлийн гэрээ, бусад хэлцэлд зурсан гарын үсэгтэй адилтгаж үзнэ гэж тус тус заасныг үндэслэн 2024 оны 08 сарын 21-ний өдөр М№440030003095026434 дугаартай Зээлийн гэрээ байгуулан 22,648,000 төгрөгийг жилийн 20.4 хувийн хүүтэй, 30 сарын хугацаатайгаар, хэрэглээний зориулалтаар олгож, түүний К дахь 3095026434 тоот дансруу шилжүүлсэн.

Гэтэл гэрээний хугацаанд зээлдэгч нь зээлийн эргэн төлөлтийн хуваарийн дагуу үүргээ зохих ёсоор биелүүлээгүй, эргэн төлөлтийн хувиарийг зөрчсөн бөгөөд үүргээ биелүүлэхийг зээлдэгч Л.Б-иас шаардсан боловч зээлээ төлөх талаар ямар нэгэн санаачлага, үр дүн гаргахгүй байгаа тул зээлийн гэрээг цуцалж М№440030003095026434 дугаартай Зээлийн гэрээний үүрэгт дараах төлбөрийг шаардаж байна. Үүнд: Үндсэн зээлийн үлдэгдэлд 17,325,295 төгрөг, Зээлийн хүүгийн төлбөрт 503,547 төгрөг, Нэмэгдүүлсэн хүүгийн төлбөрт 13,621 төгрөг. Нийт 17,842,463 төгрөг төлөхөөр байна. Иймд талуудын хооронд байгууласан цахим цалингийн гэрээний 4.2.1, 4.2.2, 4.2.3, 4.3.1. 4.3.2, 4.3.5, 4.3.6, 7.2.1, 7.2.3 дахь заалтууд болон Иргэний хуулийн 451 дүгээр зүйлийн 451.1, Банк, эрх бүхий хуулийн этгээдийн мөнгөн хадгаламж, менген херенгийн шилжүүлэг, зээлийн үйл ажиллагааны тухай хуулийн 21 дүгээр зүйлийн 21.2 дахь заалтуудыг тус тус үндэслэн хариуцагч Л.Б-иас нийт 17,842,463 /Арван долоон сая найман зуун дөчин хоёр мянга дөрвөн зуун жаран гурав/-н төгрөгийг гаргуулж өгнө үү гэжээ.

 

Хариуцагч шүүхэд гаргасан хариу тайлбартаа: К ХК-ийн нэхэмжилсэн 17,842,463 төгрөгийг хариуцагч Л.Б-ь бүхэлд нь хүлээн зөвшөөрч төлбөрийг 12 сарын хугацаанд буюу 2025 оны 12 сарын 30-ны өдрөөс 2026 оны 10 сарын 30-ны өдрийн хооронд сар бүрийн 30-ны өдрийн дотор 1,487,000 төгрөг, 2026 оны 11 сарын 30-ны өдрийн дотор 1,485,463 төгрөгийг тус тус төлж барагдуулахаар зөвшөөрсөн тул хэргийг хялбаршуулсан журмаар шийдэж өгнө үү гэжээ.

Хэрэгт авагдсан баримт болон зохигчийн тайлбарыг судлаад

ҮНДЭСЛЭХ нь:

Нэхэмжлэгч К ХК нь хариуцагч Л.Б-иас зээлийн гэрээний үүрэгт 17,842,463 төгрөгийг гаргуулах тухай нэхэмжлэлийг шүүхэд гаргажээ.

Хэрэг хянан шийдвэрлэх ажиллагааны явцад нэхэмжлэгч К ХК-ийн нэхэмжилсэн 17,842,463 төгрөгийг хариуцагч Л.Б-ь бүхэлд нь хүлээн зөвшөөрч төлбөрийг 12 сарын хугацаанд буюу 2025 оны 12 сарын 30-ны өдрөөс 2026 оны 10 сарын 30-ны өдрийн хооронд сар бүрийн 30-ны өдрийн дотор 1,487,000 төгрөг, 2026 оны 11 сарын 30-ны өдрийн дотор 1,485,463 төгрөгийг тус тус төлж барагдуулахаар харилцан тохиролцож эвлэрсэн байх тул зохигчийн эвлэрлийг баталж баталж, хэргийг хялбаршуулсан журмаар шийдвэрлэх нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2 дахь хэсэгт заасантай нийцнэ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д заасныг баримтлан нэхэмжлэгчээс тэмдэгтийн хураамжид төлсөн 247,162 төгрөгийг улсын төсвийн орлогод хэвээр үлдээж, хариуцагч Л.Б-иас 123,581 төгрөгийг, улсын төсвийн орлогоос 123,581 төгрөгийг тус тус гаргуулан нэхэмжлэгч К ХК-д олгоно.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.6, 75 дугаар зүйлүүдийг удирдлага болгон

ЗАХИРАМЖЛАХ нь:

1. Нэхэмжлэгч К ХК-ийн 17,842,463 төгрөгийг хариуцагч Л.Б бүхэлд нь хүлээн зөвшөөрч төлж барагдуулахаар зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 247,162 төгрөгийг улсын төсвийн орлогод хэвээр үлдээж, хариуцагч Л.Б-иас 123,581 төгрөгийг, улсын төсвийн орлогоос 123,581 төгрөгийг тус тус гаргуулан нэхэмжлэгч К ХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах болон хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ Ч.БАЯРСҮРЭН