Хариуцагч нэхэмжлэлийн шаардлагыг                                                                                   хүлээн зөвшөөрснийг баталж, хэргийг                                                                              хэрэгсэхгүй болгох тухай

 

          Хэнтий аймгийн Бор-Өндөр сум дахь сум дундын шүүхийн Ерөнхий шүүгч М.Энхмандах би,

Нэхэмжлэгч .................................. тоот хаягтай, “............................ ББСБ” ХХК-ийн нэхэмжлэлтэй,

Хариуцагч ................................. тоотод оршин суух, Н.Х холбогдох “Зээлийн гэрээний үүргийн биелэлтийг шаардаж, 618,437.37 (зургаан зуун арван найман мянга дөрвөн зуун гучин долоон төгрөг гучин долоон мөнгө)-ийг гаргуулах” тухай нэхэмжлэлийг 2025 оны 12 дугаар сарын 10-ны өдөр хүлээн авч, иргэний хэрэг үүсгэж, хэргийг тусгайлсан журмаар хянан шийдвэрлэх ажиллагааг явуулж, хянаад  

ТОДОРХОЙЛОХ нь:

1.Нэхэмжлэгч “.......................ББСБ” ХХК шүүхэд гаргасан нэхэмжлэлдээ: “Харилцагч Н.Х нь 2024 оны 08 сарын 13-ны өдрийн 4877 дугаартай цахим зээлийн гэрээ байгуулж Хаан банкны 5700593848 тоот дансанд 240.000 төгрөгний зээлийг UNIPAY зээлийн аппликейшн ашиглан шилжүүлж авсан. Харилцагч Н.Х удаа дараа зээлээ төлөхийг шаардаж 89606202 дугаараар холбоглож сануулдагч огт төлөлт хийгээгүй өдийг хүрсэн болно. Хариуцагч Н.Х 618,437.37 төгрөгийг гаргуулж өгнө үү.” гэжээ.

2.Хариуцагч Н.Х шүүхэд ирүүлсэн хариу тайлбартаа: “...Миний бие 618,437.37 төгрөгийг төлөхийг хүлээн зөвшөөрч байна. Миний бие тус мөнгөн дүнг 2026 оны 3 дугаар сарын 10-ны өдөр бүрэн төлнө.” гэжээ.

                                                           ҮНДЭСЛЭХ нь:

1.Нэхэмжлэгч “...................ББСБ” ХХК нь хариуцагч Н.Х холбогдуулан “зээлийн гэрээний үүргийн биелэлтийг шаардаж 618,437.37 (зургаан зуун арван найман мянга дөрвөн зуун гучин долоон төгрөг гучин долоон мөнгө)-ийг гаргуулах тухай нэхэмжлэлийн шаардлага гаргасан байна.  

2.Нэхэмжлэгч “....................ББСБ” ХХК, хариуцагч Н.Х нарын хооронд Иргэний хуулийн 451 дүгээр зүйлийн 451.1 дэх хэсэгт заасан банк, зээлийн үйл ажиллагаа эрхлэх эрх бүхий хуулийн этгээдээс зээл олгох гэрээний харилцаа үүссэн байна.

3.Зохигчдын хооронд байгуулсан гэрээний дагуу нэхэмжлэгч байгууллага нь хариуцагчаас “Зээлийн гэрээний үүргийн биелэлтийг шаардаж, 618,437.37 (зургаан зуун арван найман мянга дөрвөн зуун гучин долоон төгрөг гучин долоон мөнгө)-ийг гаргуулах” тухай  нэхэмжлэлийн шаардлага гаргах эрхтэй байна. 

4.Хэрэг хянан шийдвэрлэх ажиллагааны явцад хариуцагч Н.Х нь нэхэмжлэлийн шаардлага болох 618,437.37 төгрөгийг төлөхийг зөвшөөрсөн тайлбарыг шүүхэд бичгээр ирүүлсэн байна. 

5.Хариуцагч Н.Х нь нэхэмжлэлийн бүх шаардлага болох 618,437.37 төгрөгийг төлөхийг зөвшөөрсөн тайлбарыг бичгээр ирүүлсэн байгаа нь хуульд нийцсэн, бусдын хуулиар хамгаалагдсан эрх, ашиг сонирхолд харшлахгүй, хууль зөрчөөгүй байх тул хариуцагч нэхэмжлэлийн шаардлагыг зөвшөөрснийг баталж, хэргийг хэрэгсэхгүй болгох нь зүйтэй байна гэж шүүх үзлээ.

6.Нэхэмжлэгч “.................... ББСБ” ХХК-ийн улсын тэмдэгтийн хураамжид төлсөн 19,203.14 төгрөгийн тавин хувь болох 9,601 төгрөг 57 мөнгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 9,601 төгрөг 57 мөнгийг, хариуцагч Н.Х улсын тэмдэгтийн хураамж 9,601 төгрөг 57 мөнгийг тус тус гаргуулж нэхэмжлэгч “.................... ББСБ” ХХК-д олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь: 

 

1.Нэхэмжлэгч “................ ББСБ” ХХК-ийн нэхэмжлэлийн шаардлага болох 618,437.37 (зургаан зуун арван найман мянга дөрвөн зуун гучин долоон төгрөг гучин долоон мөнгө)-ийг хариуцагч Н.Х нь төлөхийг зөвшөөрч, хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.

 

2.Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч “................ББСБ” ХХК-ийн улсын тэмдэгтийн хураамжид төлсөн 19,203.14 төгрөгийн тавин хувь болох 9,601 төгрөг 57 мөнгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 9,601 төгрөг 57 мөнгийг, хариуцагч Н.Х улсын тэмдэгтийн хураамж 9,601 төгрөг 57 мөнгийг тус тус гаргуулж нэхэмжлэгч “.............. ББСБ” ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч Н.Х нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Шүүхийн шийдвэр гүйцэтгэх тухай хуулийн 18 дугаар зүйлийн 18.1.1 дэх хэсэгт зааснаар уг шүүгчийн захирамж хуулийн хүчин төгөлдөр болсноос хойш 4 жилийн хугацаа өнгөрсөн тохиолдолд иргэний шийдвэр гүйцэтгэх ажиллагаа үүсгэхгүй болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

                          ЕРӨНХИЙ ШҮҮГЧ                             М.ЭНХМАНДАХ