Хариуцагчийн зөвшөөрлийг баталж, хэргийг

хэрэгсэхгүй болгох тухай

 

Өвөрхангай аймгийн Хархорин сум дахь Сум дундын шүүхийн Ерөнхий шүүгч Б.Сарантуяа би,

Нэхэмжлэгч:*********************** давхарт байрлах ********************** нэхэмжлэлтэй,

Хариуцагч: ********************* оршин суух, ***********************холбогдох

 

Зээлийн гэрээний үүрэгт 680 858.29 төгрөг гаргуулах тухай нэхэмжлэлийг 2025 оны 11 дүгээр сарын 04-ний өдөр хүлээн авч, 2025 оны 11 дүгээр сарын 07-ны өдөр иргэний хэрэг үүсгэж хянаад

 

ТОДОРХОЙЛОХ нь:

 

Нэхэмжлэгч *********************** нь шүүхэд гаргасан нэхэмжлэлдээ:

**************** нь **************************-тай 2024 оны 11 дүгээр сарын 15-ны өдөр 2237927 тоот гэрээ байгуулж 560 000 төгрөгийн зээл авсан. ***********************нь 2025 оны 05 дугаар сарын 23-ны өдрөөс зээлийн гэрээгээ зөрчиж эхэлсэн ба зээлээ төлөх талаар удаа дараа мэдэгдсэн боловч өнөөдрийг хүртэл төлөгдөөгүй байна.

Иймд ******************* үндсэн зээл 536 216.01 төгрөг, хүү 135 615.75 төгрөг, нэмэгдүүлсэн хүү 8 026.53 төгрөг, шимтгэлд 1 000 төгрөг, нийт 680 858.29 төгрөгийг гаргуулж өгнө үү гэжээ.

 

Хариуцагч**************************** нь шүүхэд гаргасан тайлбартаа:

******************* миний бие ***************-ийн нэхэмжилсэн зээлийн гэрээний үүрэгт 680 858.29 төгрөгийг төлж барагдуулах болно. Нэхэмжлэлийн шаардлагыг хүлээн зөвшөөрч байна гэжээ.

 

ҮНДЭСЛЭХ нь:

 

Нэхэмжлэгч *****************-ийн нэхэмжлэлтэй, хариуцагч ******************** холбогдох зээлийн гэрээний үүрэгт 680 858.29 төгрөг гаргуулах тухай нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч ***************нь нэхэмжлэгч ******************** нэхэмжлэлийн шаардлага болох зээлийн гэрээний үүрэгт 680 858.29 төгрөгийг төлж барагдуулахаар бүхэлд нь хүлээн зөвшөөрсөн нь бусдын эрх, эрх чөлөө, гуравдагч этгээдийн хуулиар хамгаалагдсан ашиг сонирхлыг хөндөөгүй, хуульд харшлаагүй байна.

 

Иймд хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй гэж шүүх үзлээ.

 

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлд заасныг тус тус удирдлага болгон

 

ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч **************** нь нэхэмжлэгч ****************-ийн нэхэмжлэлийн шаардлага болох зээлийн гэрээний үүрэгт 680 858.29 төгрөгийг төлж барагдуулахаар хүлээн зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчээс улсын тэмдэгтийн хураамжид урьдчилан төлсөн 85 703 төгрөгийн зарим болох 20 890.59 төгрөгийг улсын орлогод хэвээр үлдээж, орон нутгийн төвлөрсөн төсвийн 100101800941 тоот данснаас 10 455 төгрөг, хариуцагч ******************* 10 445 төгрөгийг гаргуулж нэхэмжлэгч *********************-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар хариуцагч энэхүү захирамжийг сайн дураар биелүүлээгүй бол шүүхийн шийдвэрийн нэгэн адилаар албадан гүйцэтгүүлэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, уг асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ЕРӨНХИЙ ШҮҮГЧ Б.САРАНТУЯА