МОНГОЛ УЛСЫН НЭРИЙН ӨМНӨӨС

 

Багахангай, Налайх дүүргийн Иргэний хэргийн анхан шатны тойргийн шүүхийн шүүгч Б.Хишигзаяа даргалж тус шүүхийн танхимд хийсэн иргэний хэргийн шүүх хуралдаанаар

 

Нэхэмжлэгч: *******,*******,*******,******* цогцолборт байрлах, ******* ХХК /РД:*******/-ийн нэхэмжлэлтэй,

 

Хариуцагч: *******,*******,*******, хаягт оршин суух, овогт гийн /РД:/-т холбогдох,

 

Зээлийн гэрээний үүрэгт 2,083,823 төгрөг гаргуулах тухай иргэний хэргийг хянан хэлэлцэв.

 

Шүүх хуралдаанд нэхэмжлэгчийн итгэмжлэгдсэн төлөөлөгч О.Билгүүн, шүүх хуралдааны нарийн бичгийн дарга С.Серк нар оролцов.

 

ҮНДЭСЛЭХ нь:

 

1. Нэхэмжлэлийн шаардлагыг хангаж шийдвэрлэв.

 

2. Шүүх Л.т холбогдуулан гаргасан ******* ХХК-ийн нэхэмжлэлийг 2025 оны 09 дүгээр сарын 16-ны өдөр хүлээн авч, Иргэний хэрэг шүүхэд хянан шийдвэрлэх тухай хуулийн 75³ дугаар зүйлийн 75³.1-д заасны дагуу 2025 оны 10 дугаар сарын 15-ны өдөр иргэний хэрэг үүсгэсэн.

Иргэний хэрэг шүүхэд хянан шийдвэрлэх тухай хуулийн 75³ дугаар зүйлийн 75³.2-т Энэ хуулийн 75⁴ дүгээр зүйлд заасны дагуу хариуцагчид мэдэгдэх хуудсыг хүргүүлэхдээ нэхэмжлэлийн хувийг хэргийн оролцогчийн эрх, үүргийн тайлбарын хамт илгээнэ. Хэрэв мэдэгдэх хуудас, нэхэмжлэлийн хувь, эрх, үүргийн тайлбарыг баталгаат шуудангаар илгээсэн, эсхүл шүүхийн ажилтнаар биечлэн хүргүүлснийг энэ хуулийн 77 дугаар зүйлд заасны дагуу хариуцагч хүлээн авсан бол ийнхүү хүлээн авсан өдрөөр, энэ хуулийн 75⁴.4-т заасны дагуу хүргүүлсэн бол мөн зүйлд заасан мэдэгдэх хуудас хүлээн авсанд тооцох өдрийг нэхэмжлэлийн хувийг гардаж авсан өдөр гэж үзнэ гэж

75^4.дүгээр зүйлийн 75^4.1-д Шүүх энэ хуулийн 77.2-т заасны дагуу мэдэгдэх хуудсыг баталгаат шуудангаар, эсхүл шүүхийн ажилтнаар биечлэн хүргүүлсэн боловч хариуцагч тухайн хаягт оршин суудаггүй, үйл ажиллагаа явуулдаггүй бол хариуцагч иргэний болон хуулийн этгээдийн бүртгэлийн дугаарыг, эсхүл регистрийн дугаарыг мэдээлсэн нэхэмжлэлийн тухайд албан ёсны хаягийг улсын бүртгэлийн байгууллагаас тодруулах ажиллагааг шүүх санаачилгаараа хийнэ гэж тус тус заасан.

Дээрх хуулийн зохицуулалтаар шүүхээс дуудаж байгаа мэдэгдэх хуудсыг нэхэмжлэлийн хувь, хэргийн оролцогчийн эрх үүргийг тайлбарласан баримтын хамт хариуцагчид хүргүүлэх, мэдэгдэх хуудас хүлээн авсанд тооцохоор заасан бөгөөд хариуцагч хаягтаа оршин суудаггүй бол төрийн мэдээллийн нэгдсэн систем дэх иргэний бүртгэлийн дугаар бүхий үндэсний цахим шуудангийн хаягаар мэдэгдэх хуудсыг хүргүүлэх зохицуулалттай.

Нэхэмжлэлд дурдсан *******,*******,*******, хаяг, төрийн мэдээллийн нэгдсэн систем дэх иргэний бүртгэлийн дугаар бүхий үндэсний цахим шуудангийн хаягаар нэхэмжлэлийн хувь, хэргийн оролцогчийн эрх үүргийг тайлбарласан баримтын хамт хариуцагчид хүргүүлж, хариуцагчийг хүлээн авсанд тооцож хэргийг шийдвэрлэх нь Иргэний хэрэг шүүхэд хянан шийдвэрлэх тухай хуулийн 75⁴ дүгээр зүйлийн 75⁴.2-т заасанд нийцнэ.

 

3. Хариуцагч Л. хуульд заасан хугацаанд шүүхэд хариу тайлбараа өгөөгүй нь нэхэмжлэлийн шаардлагыг хүлээн зөвшөөрсөнд тооцох үндэслэл болох боловч шүүх Иргэний хэрэг шүүхэд хянан шийдвэрлэх тухай хуулийн 116 дугаар зүйлийн 116.2-т Шийдвэр хууль ёсны бөгөөд үндэслэл бүхий байна, хуулийн 116.3-т Шийдвэрийг анхан шатны шүүх хуралдаанаар хэлэлцэгдсэн нотлох баримтын үндсэн дээр гаргана. гэснийг тус тус баримтлан шүүх хэргийг шүүх хуралдаанаар тал бүрээс нь хянан хэлэлцэв.

 

4. Нэхэмжлэгч ******* ХХК нь хариуцагч Л.тай 2022.06.01-ний өдөр зээл, зээлийн эрх нээх гэрээ байгуулж, хариуцагч нь цахимаар Монпэй аплкейшнаар дамжуулан 2023.02.20-ны өдөр 600,000 төгрөгийг сарын 2,9 хувийн хүүтэй, 2023.02.25-ны өдөр 400,000 төгрөгийг сарын 3,1 хувийн хүүтэй, хугацаа хэтэрсэн тохиолдолд зээлийн хүүгийн 20 хувийн нэмэгдүүлсэн хүү төлөхөөр харилцан тохиролцож, нэхэмжлэгчээс хариуцагчийн Монпэй 99102980277 тоот данс руу, хариуцагч Монпэй данснаас өөрийн Хаан банк ХК дахь 5749713049 тоот данс руу шилжүүлж тухайн гэрээ хүчин төгөлдөр болжээ. /хх-7, 34/

 

5. Иргэний хуулийн 451 дүгээр зүйлийн 451.1-д Банк, зээлийн үйл ажиллагаа эрхлэх эрх бүхий хуулийн этгээдээс зээл олгох гэрээгээр банк, зээлийн үйл ажиллагаа эрхлэх эрх бүхий хуулийн этгээд нь мөнгөн хөрөнгийг хуульд заасан үндэслэл, журмын дагуу тодорхой хугацаатайгаар, зээлдэгчид шилжүүлэх, зээлдэгч нь гэрээнд заасан хугацаанд уг мөнгөн хөрөнгө, гэрээнд заасан бол түүний хүүг буцаан төлөх үүргийг тус тус хүлээнэ гэж зааснаар нэхэмжлэгч нь зээл, хүү, нэмэгдүүлсэн хүү шаардах эрхтэй байна.

 

Хариуцагч нь дээрх гэрээний үүрэгт төлөлт хийгээгүй. Иймээс дээрх зээлийн гэрээний үндсэн зээлийн төлбөр 1,000,000 төгрөг, хүүгийн төлбөр 909,802 төгрөг, нэмэгдүүлсэн хүү 174,021 төгрөг буюу нийт 2,083,823 төгрөг болох нь нэхэмжлэгчийн тайлбар, дансны хуулга, хүү тооцооллын хүснэгт баримтаар тогтоогдож байх тул хариуцагчаас уг мөнгийг гаргуулах нь зүйтэй. /хх-15-18, 34/

 

6. Дээрх үндэслэлээр нотлох баримтыг тал бүрээс нь бодитой, хэрэгт хамааралтай, ач холбогдолтой, үнэн зөв, эргэлзээгүй талаас нь харьцуулан үзэж хариуцагч Л.аас 2,083,823 төгрөгийг гаргуулан нэхэмжлэгч ******* ХХК-нд олгож, нэхэмжлэгчийн төлсөн улсын тэмдэгтийн хураамжийг улсын орлогод үлдээж, хариуцагчаас улсын тэмдэгтийн хураамжид 48,291 төгрөгийг гаргуулан нэхэмжлэгчид олгох нь зүйтэй гэж үзэв.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75⁹.1, 115 дугаар зүйлийн 115.2.1-т заасныг удирдлага болгон ТОГТООХ нь:

 

1.  Иргэний хуулийн 451 дүгээр зүйлийн 451.1, 453.1-д зааснаар хариуцагч Л.аас зээлийн гэрээний үүрэгт 2,083,823 төгрөг гаргуулан нэхэмжлэгч ******* ХХК-д олгосугай.

 

2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт заасныг баримтлан хариуцагч Л.аас улсын тэмдэгтийн 48,291 төгрөгийг гаргуулан нэхэмжлэгч ******* ХХК-нд олгож, нэхэмжлэгчээс төлсөн 48,291 төгрөгийг улсын орлогод үлдээсүгэй.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75⁹.3-т заасныг баримтлан шүүхийн шийдвэр гарсан өдрөөс хойш 10 хоногийн дотор энэ хуулийн 119 дүгээр зүйлд заасны дагуу зохигч, тэдгээрийн төлөөлөгч, өмгөөлөгчид гардуулахыг шүүгчийн туслахад даалгасугай.

 

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75¹¹.1-д заасныг баримтлан шүүхийн шийдвэрийг эс зөвшөөрвөл гардуулснаас хойш 7 хоногийн дотор давж заалдах шатны шүүхэд гомдол гаргаж болохыг дурдсугай.

 

 

 

 

ДАРГАЛАГЧ ШҮҮГЧ Б.ХИШИГЗАЯА