Хариуцагчийн зөвшөөрлийг баталж,

хэргийг хэрэгсэхгүй болгох тухай 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Х.Оюунжаргал би,

Нэхэмжлэгч: *******,,,, -ийн нэхэмжлэлтэй,

Хариуцагч: *******,*******,*******,**************ийн ******* *******-д холбогдох

Зээлийн гэрээний үүрэгт 4,189,459,53 төгрөг гаргуулах тухай нэхэмжлэлтэй иргэний хэргийг хүлээн авч хянаад  

ТОДОРХОЙЛОХ нь:

Нэхэмжлэгч ******* нь шүүхэд гаргасан нэхэмжлэлдээ... 4,189,459,53 төгрөгийг гаргуулж өгнө үү гэжээ.

Хариуцагч А.******* шүүхэд ирүүлсэн тайлбартаа: Би ББСБ-аас зээл авсан нь үнэн. Манай гэр бүл 2024.07 сард хоёр ирэх хүүхэдтэй болоод, эхнэр ажилгүй байсан тул амьдралын шаардлагаар өрхийн амьжиргаандаа тохируулан зээл авсан. Иймд авсан зээлээ сард баг багаар төлнө гэжээ.

ҮНДЭСЛЭХ нь:

Нэхэмжлэгч ******* нь хариуцагч А.*******ад холбогдуулан Зээлийн гэрээний үүрэгт 4,189,459,53 төгрөг гаргуулах тухай нэхэмжлэлийн шаардлага шүүхэд гаргажээ.

Хэрэг хянан шийдвэрлэх ажиллагааны явцад хариуцагч А.*******аас нэхэмжлэлийн шаардлага болох 4,189,459,53 төгрөгийг бүхэлд нь төлж барагдуулахыг хүлээн зөвшөөрсөн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй хуульд харшлаагүй байна.

Иймд хариуцагч нэхэмжлэлийн шаардлагыг бүхэлд нь хүлээн зөвшөөрсөн тул Хариуцагчийн зөвшөөрлийг баталж хэргийг хэрэгсэхгүй болгож шийдвэрлэх нь зүйтэй гэж шүүх үзлээ.

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дүгээр зүйлийн 7.1.1 дэх хэсэгт зааснаар нэхэмжлэгч нь шүүхэд нэхэмжлэл гаргахдаа улсын тэмдэгтийн хураамжид урьдчилан 81,981 төгрөг төлснийг улсын төсөвт хэвээр үлдээж, хариуцагчаас улсын тэмдэгтийн хураамжид 40,990,05 төгрөгийг, улсын төсвөөс 40,990,05 төгрөгийг буцаан гаргуулан нэхэмжлэгч ******* -д олгов.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75, 75⁸ дугаар зүйлүүдийг удирдлага болгон

ЗАХИРАМЖЛАХ нь:

1. Нэхэмжлэгч *******-ийн нэхэмжлэлтэй хариуцагч А.*******ад холбогдох Зээлийн гэрээний үүрэгт 4,189,459,53 төгрөг гаргуулах тухай иргэний хэргийг Хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч нь шүүхэд нэхэмжлэл гаргахдаа улсын тэмдэгтийн хураамжид урьдчилан 81,981 төгрөг төлснийг улсын төсөвт хэвээр үлдээж, хариуцагч А.*******аас улсын тэмдэгтийн хураамжид 40,990,05 төгрөгийг, улсын төсвөөс 40,990,05 төгрөгийг буцаан гаргуулж, нэхэмжлэгч ******* -д тус тус олгосугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар шийдвэрлэж байгаа тул зохигчид давж заалдах, хяналтын журмаар хянан шийдвэрлүүлэхээр гомдол гаргах тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар хариуцагч А.******* нь энэхүү шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

 

 

ШҮҮГЧ                Х.ОЮУНЖАРГАЛ