Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Сэлэнгэ аймаг дахь Сум дундын анхан шатны шүүхийн шүүгч Э.Пүрэвдулам би

Нэхэмжлэгч: Х******* монгол и******* Б******* ХХК /РД:5*******/-ийн нэхэмжлэлтэй,

Хариуцагч: Ц******* У******* /С******* сум, * дугаар баг, Бор гүвээ, * хэсэг гудамж, 0******* тоот, РД:М*******, утас-9/-д холбогдох,

Зээлийн гэрээний үүрэгт 3,050,649 төгрөг гаргуулах тухай нэхэмжлэлтэй, 316/2026/00030/И индекстэй иргэний хэргийг хүлээн авч хянаад:

 

ҮНДЭСЛЭХ НЬ:

 

Нэхэмжлэгч Х******* монгол и******* Б******* ХХК нь хариуцагч Ц.У*******ад холбогдуулан 3,050,649 төгрөг гаргуулах нэхэмжлэлийг шүүхэд гаргажээ.

 

Хэрэг хянан шийдвэрлэх ажиллаг*******ы явцад хариуцагч Ц.У******* нь нэхэмжлэлийн шаардлага 3,050,649 төгрөг төлөхийг бүхэлд нь хүлээн зөвшөөрч, энэ талаарх тайлбарыг шүүхэд бичгээр ирүүлсэн байна.

 

Хариуцагчийн энэхүү зөвшөөрсөн байдал нь хууль ёсны бөгөөд гуравдагч этгээдийн эрх ашгийг хөндөөгүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй.

 

Хэргийг хялбаршуулсан журмаар хянан шийдвэрлэж байгаа тул улсын тэмдэгтийн хураамжийн хэмжээг тал хувиар бууруулан тогтоож, хуульд заасан журмаар гаргуулахаар шийдвэрлэв. 

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75⁸ дугаар зүйлийн 75⁸ 1, 123 дугаар зүйлийн 123.1 дэх хэсэгт заасныг удирдлага болгон ЗАХИРАМЖЛАХ нь:

 

1. Нэхэмжлэгч Х******* монгол и******* Б******* ХХК-ийн нэхэмжлэлтэй, хариуцагч Ц.У*******ад холбогдох зээлийн гэрээний үүрэгт 3,050,649 төгрөг гаргуулах тухай нэхэмжлэлтэй иргэний хэрэгт хариуцагчийн нэхэмжлэлийн шаардлагыг бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид урьдчилан төлсөн 63,761 төгрөгийг улсын төсвийн орлогод хэвээр үлдээж, төрийн сангийн төсвийн орлого /данс:100130000941/-оос 31,880.5 төгрөг, хариуцагч Ц.У*******аас 31,880.5 төгрөгийг тус тус гаргуулан нэхэмжлэгч Х******* монгол и******* Б******* ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ Э.ПҮРЭВДУЛАМ