Хариуцагчийн зөвшөөрлийг баталж, хэргийг

хэрэгсэхгүй болгох тухай

                                

Хөвсгөл аймаг дахь сум дундын анхан шатны шүүхийн шүүгч С.Оюунжаргал би,

нэхэмжлэгч: Т***ББСБ ХХК (6365744)-ийн итгэмжлэгдсэн төлөөлөгч Н.Т***,

хариуцагч: Д.Ш,

Нэхэмжлэлийн шаардлага: Зээлийн гэрээний үүрэгт нийт 2,783,024.69 (хоёр сая долоон зуун наян гурван мянга хорин дөрвөн төгрөг жаран есөн мөнгө) төгрөг гаргуулах тухай нэхэмжлэлийг 320/2025/01509/и индекстэй иргэний хэрэг үүсгэн хянаад 

 

ТОДОРХОЙЛОХ нь:

Нэхэмжлэгч Т***ББСБ ХХК-ийн итгэмжлэгдсэн төлөөлөгч Н.Т*** шүүхэд гаргасан нэхэмжлэлдээ: 2024 оны 9 дүгээр сарын 11-ний өдөр *** тоот Цахим зээлийн гэрээг байгуулсан. 2027 оны 3 дугаар сарын 21-ний өдөр ***  цахим зээлийн гэрээ дуусгавар болсон. *** тоот зээлийн гэрээний үүрэг 2025 оны 3 дугаар сарын 08-ны өдрөөс зөрчигдөж эхэлсэн.

Хариуцагч Д***ын Ш***нь Т***ББСБ ХХК-тай дараах гэрээг байгуулсан боловч гэрээний үүрэг зөрчигдсөн байна.

 2024-09-11-ний өдөр *** тоот гэрээний дагуу IPhone13_128GB, IPhone16 Pro Silicone Case with MagSafe маркийн гар утас /цаг, чихэвч/-ыг нийт 2,888,000.0 төгрөгийн зээлээр 30 сарын хугацаатай авсан.

Хариуцагчид зээлийн гэрээний үүргийг зөрчигдсөн үеэс эхлэн тогтмол шаардардаж, сануулсан боловч үр дүн гарахгүй байх тул дээрх гэрээг цуцалж, шүүхэд дараах нэхэмжлэлийн шаардлагыг гаргаж байна. Үүнд: нотариатын төлбөрт 0.0 төгрөг, нийт 2,783,024.69 төгрөгийг хариуцагч Д***ын Ш***аас гаргуулах гэжээ.

Хариуцагч Д.Ш*** тус шүүхэд ирүүлсэн хариу тайлбартаа: Хариуцагч Д.Ш*** би Т***ББСБ ХХК-ийн шүүхэд гаргасан нэхэмжлэлтэй танилцлаа.

Иймд Д.Ш*** миний бие Т***ББСБ ХХКиас гар утас зээлээр худалдаж авсан нь үнэн бөгөөд Т***ББСБ ХХК-иас нэхэмжилж буй үндсэн зээлийн төлбөр 2,437,202 төгрөг 56 мөнгө, зээлийн хүү 341,582 төгрөг, 28 мөнгө, нэмэгдүүлсэн хүү 4,239 төгрөг 85 мөнгө, нийт 2,783,024 төгрөг 69 мөнгө гаргуулах тухай нэхэмжлэлийн шаардлагыг бүхэлд нь төлөхийг хүлээн зөвшөөрч байна гэжээ.

 

ҮНДЭСЛЭХ нь:

Нэхэмжлэгч Т***ББСБ ХХК-ийн итгэмжлэгдсэн төлөөлөгч Н.Т*** нь Д.Ш***т холбогдуулан зээлийн гэрээний үүрэгт нийт 2,783,024.69 (хоёр сая долоон зуун наян гурван мянга хорин дөрвөн төгрөг жаран есөн мөнгө) төгрөг гаргуулах тухай шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад хариуцагч Д.Ш*** нь нэхэмжлэлийн шаардлага болох нийт 2,783,024.69 (хоёр сая долоон зуун наян гурван мянга хорин дөрвөн төгрөг жаран есөн мөнгө) төгрөгийг нэхэмжлэгч Т***ББСБ ХХК-д төлөхийг хүлээн зөвшөөрсөн тайлбарыг 2025 оны 11 дүгээр сарын 12-ны өдөр тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т***ББСБ ХХК-ийн 2025 оны 9 дүгээр сарын 25-ны өдөр Төрийн сангийн 100170000941 тоот дансанд улсын тэмдэгтийн хураамжид төлсөн 59,478.40 (тавин есөн мянга дөрвөн зуун далан найман төгрөг дөчин мөнгө) төгрөгийн тал хувь болох 29,739.20 (хорин есөн мянга долоон зуун гучин есөн төгрөг хорин мөнгө) төгрөгийг улсын орлогод хэвээр үлдээж, улсын тэмдэгтийн хураамжийн тал хувь болох 29,739.20 (хорин есөн мянга долоон зуун гучин есөн төгрөг хорин мөнгө) төгрөгийг улсын орлогоос буцаан гаргуулж, хариуцагч Д.Ш***аас улсын тэмдэгтийн хураамжийн тал хувь болох 29,739.20 (хорин есөн мянга долоон зуун гучин есөн төгрөг хорин мөнгө) төгрөгийг гаргуулан тус тус нэхэмжлэгч Т***ББСБ ХХК-д олгохоор тогтов.

Хариуцагч Д.Ш*** нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон

  

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Т***ББСБ ХХК-ийн итгэмжлэгдсэн төлөөлөгч Н.Т***гийн нэхэмжлэлтэй, хариуцагч Д.Ш***т холбогдох, зээлийн гэрээний үүрэгт нийт 2,783,024.69 (хоёр сая долоон зуун наян гурван мянга хорин дөрвөн төгрөг жаран есөн мөнгө) төгрөг гаргуулах тухай иргэний хэрэгт хариуцагч Д.Ш*** нь нэхэмжлэлийн шаардлага болох нийт 2,783,024.69 (хоёр сая долоон зуун наян гурван мянга хорин дөрвөн төгрөг жаран есөн мөнгө) төгрөгийг нэхэмжлэгч Т***ББСБ ХХК-д төлөхийг хүлээн зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т***ББСБ ХХК-ийн улсын тэмдэгтийн хураамжид төлсөн 59,478.40 (тавин есөн мянга дөрвөн зуун далан найман төгрөг дөчин мөнгө) төгрөгийн тал хувь болох 29,739.20 (хорин есөн мянга долоон зуун гучин есөн төгрөг хорин мөнгө) төгрөгийг улсын орлогод хэвээр үлдээж, улсын тэмдэгтийн хураамжийн тал хувь болох 29,739.20 (хорин есөн мянга долоон зуун гучин есөн төгрөг хорин мөнгө) төгрөгийг улсын орлогоос буцаан гаргуулж, хариуцагч Д.Ш***аас улсын тэмдэгтийн хураамжийн тал хувь болох 29,739.20 (хорин есөн мянга долоон зуун гучин есөн төгрөг хорин мөнгө) төгрөгийг гаргуулан тус тус нэхэмжлэгч Т***ББСБ ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч Д.Ш*** нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

    

  

 

 

ШҮҮГЧ                                           С.ОЮУНЖАРГАЛ