Зохигчийн эвлэрлийг баталж,

хэргийг хэрэгсэхгүй болгох тухай

 

 

Хэргийн индекс:307/2025/03044/и

Дархан-Уул аймаг дахь сум дундын анхан шатны шүүхийн шүүгч М.Оюунцэцэг би,

Нэхэмжлэгч: Улаанбаатар хот, Сүхбаатар дүүрэг, ****** тоотод байрлах, ******* ХХК (РД:******)-ийн нэхэмжлэлтэй,

Хариуцагч: Дархан-Уул аймаг, Дархан сум, ****** тоотод оршин суух, ******* овогт ******* ******* (РД:******)-д холбогдох,

Зээлийн гэрээний үүрэгт 18,576,188.22 төгрөг гаргуулах тухай нэхэмжлэлийн шаардлагатай иргэний хэргийг хянаад,

ТОДОРХОЙЛОХ нь:

Хариуцагч И.******* шүүхэд ирүүлсэн тайлбартаа:

...******* ХХК-иас нэхэмжилж байгаа 18,576,188.22 төгрөгийг төлөхийг хүлээн зөвшөөрч байна. Төлбөрийн 6 сарын хугацаан графикийн дагуу төлнө.

2025 оны 12 сарын 28-нд 3,096,031.37 төгрөг, 2026 оны 01 сарын 28-нд 3,096,031.37 төгрөг, 2026 оны 02 сарын 28-нд 3,096,031.37 төгрөг, 2026 оны 03 сарын 28-нд 3,096,031.37 төгрөг , 2026 оны 04 сарын 28-нд 3,096,031.37 төгрөг , 2026 оны 05 сарын 28-нд 3,096,031.37 төгрөгөөр тус тус төлнө. Иймд хялбаршуулсан журмаар шийдвэрлэж өгнө үү гэжээ.

 

Нэхэмжлэгчийн итгэмжлэгдсэн төлөөлөгч ******* нь шүүхэд ирүүлсэн тайлбартаа:

...хариуцагч И.******* нь нэхэмжлэлийн дүнг 2025 оны 12 дугаар сарын 28-наас 2026 оны 5 дугаар сарын 28-ны өдөр хүртэл сар бүр 3,096,031.37 төгрөг тус бүр төлж барагдуулах талаар тайлбар өгснийг нэхэмжлэгч талын итгэмжлэгдсэн төлөөлөгч ******* би зөвшөөрч байгаа тул эвлэрлийн гэрээг баталж өгнө үү... гэжээ.

 

ҮНДЭСЛЭХ нь:

1. Нэхэмжлэгч ******* ХХК-ийн нэхэмжлэлтэй, хариуцагч И.*******д холбогдох 18,576,188.22 төгрөг гаргуулах тухай иргэний хэрэгт зохигчийн эвлэрлийг баталж, хэргийг хэрэгсэхгүй болгож шийдвэрлэв.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д: Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ, 74.2-т: Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж тус тус заажээ.

3. Хэрэг хянан шийдвэрлэх ажиллагааны явцад зохигчид нь эвлэрч, хариуцагч И.******* нь нэхэмжлэлийн шаардлага болох 18,576,188.22 төгрөгийг төлөхийг хүлээн зөвшөөрч, төлбөрийг 6 сарын хугацаанд буюу 2025 оны 12 сарын 28-нд 3,096,031.37 төгрөг, 2026 оны 01 сарын 28-нд 3,096,031.37 төгрөг, 2026 оны 02 сарын 28-нд 3,096,031.37 төгрөг, 2026 оны 03 сарын 28-нд 3,096,031.37 төгрөг , 2026 оны 04 сарын 28-нд 3,096,031.37 төгрөг, 2026 оны 05 сарын 28-нд 3,096,031.37 төгрөгөөр хуваан төлөх тайлбар гаргасныг нэхэмжлэгчийн итгэмжлэгдсэн төлөөлөгч хүлээн зөвшөөрч байх тул зохигчид эвлэрсэн гэж үзэхээр байна.

Иймд талуудын байгуулсан дээрх эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүх зохигчийн эвлэрлийг баталж, хэргийг хэрэгсэхгүй болгож шийдвэрлэх нь зүйтэй гэж үзлээ.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 250,831 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 125,415.5 төгрөгийг хариуцагчаас, тал хувь болох 125,415.5 төгрөгийг сангийн орлогоос тус тус гаргуулж, нэхэмжлэгчид олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар ******* ХХК-ийн нэхэмжлэлтэй, хариуцагч И.*******д холбогдох иргэний хэрэгт нийт 18,576,188.22 төгрөгийг 2025 оны 12 сарын 28-нд 3,096,031.37 төгрөг, 2026 оны 01 сарын 28-нд 3,096,031.37 төгрөг, 2026 оны 02 сарын 28-нд 3,096,031.37 төгрөг, 2026 оны 03 сарын 28-нд 3,096,031.37 төгрөг, 2026 оны 04 сарын 28-нд 3,096,031.37 төгрөг , 2026 оны 05 сарын 28-нд 3,096,031.37 төгрөгөөр тус тус хуваан төлөхөөр тохиролцсон зохигчийн эвлэрлийг баталж, хэргийг хэрэгсэхгүй болгосугай.

 

2.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 250,831 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 125,415.5 төгрөгийг хариуцагчаас, тал хувь болох 125,415.5 төгрөгийг төрийн сангийн орлогоос тус тус гаргуулж, нэхэмжлэгч ******* ХХК-д олгосугай.

 

3.   Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ М.ОЮУНЦЭЦЭГ