Зохигчдын эвлэрлийг баталж, хэргийг

хэрэгсэхгүй болгох тухай

 

Дархан-Уул аймаг дахь сум дундын анхан шатны шүүхийн шүүгч Г.Энхцэцэг би,

Нэхэмжлэгч: Улаанбаатар хот, Чингэлтэй дүүрэг, ****** тоот хаягт оршин байх Х******* ******* ХХК /РД:*******/-ийн нэхэмжлэлтэй,

 

Хариуцагч: Дархан-Уул аймаг, Дархан сум, ****** тоот хаягт оршин суух, Д******* овогт Д*******ы Б******* /РД:*******/-д холбогдох,

 

Нэхэмжлэлийн шаардлага: Зээлийн гэрээний үүрэгт 1,826,434.90 төгрөг гаргуулах тухай иргэний хэргийг хянаад,

 

ТОДОРХОЙЛОХ нь:

 

1. Нэхэмжлэгч Х******* ******* ХХК нь шүүхэд гаргасан нэхэмжлэлдээ:

Зээлдэгч Д*******ы Б******* нь 2021 оны 10 дугаар сарын 08-ны өдөр ДА-БЗГ/2021-1146 тоот Барьцаат зээлийн гэрээ байгуулан 1,739,700 төгрөгийн зээлийг нэг сарын 2.55 хувийн хүүтэй, 36 сарын хугацаатай олгосон.

Гэвч зээлдэгч Д.Б******* нь Барьцаат зээлийн гэрээгээр хүлээсэн үүргээ зохих ёсоор биелүүлэлгүй гэрээний эргэн төлөлтийн хуваарийг 841 хоногийн хугацаа хэтрүүлж, зээл, зээлийн хүүгийн төлбөрт зөрчил үүсгэсэн. 2025 оны 7 дугаар сарын 29-ний өдрийн байдлаар дээрх зөрчлийг төлж барагдуулаагүй байна.

Иймд хариуцагч Д.Б*******тэй байгуулсан Барьцаат зээлийн гэрээний 7.2, 7.2.4 мөн тус гэрээний 5.2.1, Иргэний хуулийн 451 дүгээр зүйлийн 451.1, 453.1 дүгээр зүйлүүдийг тус тус үндэслэн үндсэн зээл 1,111,877.35 төгрөг, үндсэн хүү 662,730.05 төгрөг, нэмэгдүүлсэн хүү 51,827.50 төгрөг, нийт 1,826,434.90 төгрөгийг гаргуулахаар нэхэмжилж байгааг хүлээн авч хянан шийдвэрлэж өгнө үү гэжээ.

 

2. Хариуцагч Д.Б******* шүүхэд ирүүлсэн хариу тайлбартаа:

Д.Б******* миний бие нь зээлээ бүрэн төлж дуусгахыг хүлээн зөвшөөрч байна. Зээлээ хугацаанд нь төлж дуусгаагүйд уучлалт хүсэж байна. Зээлээ 2025 оны 12 дугаар сарын 10-ны өдөр 305,000 төгрөг, 2026 оны 01 дүгээр сарын 10-ны өдөр 305,000 төгрөг, 2026 оны 02 дугаар сарын 10-ны өдөр 305,000 төгрөг, 2026 оны 3 дугаар сарын 10-ны өдөр 305,000 төгрөг, 2026 оны 4 дүгээр сарын 10-ны өдөр 305,000 төгрөг, 2026 оны 5 дугаар сарын 10-ны өдөр 301,434.90 төгрөгөөр төлж дуусгах хүсэлтэй байна гэжээ.

 

3. Нэхэмжлэгчийн итгэмжлэгдсэн төлөөлөгч Ж.Э******* шүүхэд ирүүлсэн хүсэлтдээ:

Х******* ******* ХХК-ийн нэхэмжлэлтэй хэрэгт хариуцагчийн гаргасан хариу тайлбарыг хүлээн зөвшөөрч байгаа тул хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

 

Нэхэмжлэгч Х******* ******* ХХК нь хариуцагч Д.Б*******д холбогдуулан зээлийн гэрээний үүрэгт 1,826,434.90 төгрөг гаргуулах тухай нэхэмжлэлийн шаардлага гаргажээ.

 

Хэрэг хянан шийдвэрлэх ажиллагааны явцад нэхэмжлэгч Х******* ******* ХХК-ийн итгэмжлэгдсэн төлөөлөгч Ж.Э*******, хариуцагч Д.Б******* нар харилцан тохиролцож, хариуцагч Д.Б******* нь 1,826,434.90 төгрөгийг 2025 оны 12 дугаар сарын 10-ны өдөр 305,000 төгрөг, 2026 оны 01 дүгээр сарын 10-ны өдөр 305,000 төгрөг, 2026 оны 02 дугаар сарын 10-ны өдөр 305,000 төгрөг, 2026 оны 3 дугаар сарын 10-ны өдөр 305,000 төгрөг, 2026 оны 4 дүгээр сарын 10-ны өдөр 305,000 төгрөг, 2026 оны 5 дугаар сарын 10-ны өдөр 301,434.90 төгрөгөөр тус тус төлж барагдуулахаар харилцан тохиролцож, эвлэрлийн гэрээ байгуулжээ.

 

Зохигчид ийнхүү эвлэрч, гэрээ байгуулсан нь хууль зөрчөөгүй, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул зохигчдын эвлэрлийг баталж, Д.Б*******д холбогдох иргэний хэргийг хэрэгсэхгүй болгож шийдвэрлэх үндэслэлтэй байна.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1-т заасныг удирдлага болгон

 

ЗАХИРАМЖЛАХ НЬ:

 

1. Х******* ******* ХХК-ийн нэхэмжлэлтэй, Д.Б*******д холбогдох зээлийн гэрээний үүрэгт 1,826,434.90 төгрөг гаргуулах тухай иргэний хэрэг хянан шийдвэрлэх ажиллагааны явцад нэхэмжлэгч Х******* ******* ХХК-ийн итгэмжлэгдсэн төлөөлөгч Ж.Э*******, хариуцагч Д.Б******* нар харилцан тохиролцож, хариуцагч Д.Б******* нь 1,826,434.90 төгрөгийг 2025 оны 12 дугаар сарын 10-ны өдөр 305,000 төгрөг, 2026 оны 01 дүгээр сарын 10-ны өдөр 305,000 төгрөг, 2026 оны 02 дугаар сарын 10-ны өдөр 305,000 төгрөг, 2026 оны 3 дугаар сарын 10-ны өдөр 305,000 төгрөг, 2026 оны 4 дүгээр сарын 10-ны өдөр 305,000 төгрөг, 2026 оны 5 дугаар сарын 10-ны өдөр 301,434.90 төгрөгөөр тус тус төлж барагдуулахаар тохиролцсон зохигчдын эвлэрлийг баталж, Д.Б*******д холбогдох иргэний хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т заасныг баримтлан нэхэмжлэгчийн улсын тэмдэгтийн хураамжид төлсөн 44,173 төгрөгөөс 22,086.5 төгрөгийг улсын орлогод хэвээр үлдээж, улсын орлогоос 22,086.5 төгрөгийг, хариуцагч Д.Б*******гээс 22,086.5 төгрөгийг тус тус гаргуулж нэхэмжлэгч Х******* ******* ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Энэхүү захирамжид зохигч давж заалдах болон хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ Г.ЭНХЦЭЦЭГ