2026 01 07

193/ШШ2026/00063

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Багахангай, Налайх дүүргийн Иргэний хэргийн анхан шатны тойргийн шүүхийн Ерөнхий шүүгч Э.Дулмаа би,

Нэхэмжлэгч: *******,*******,*******,******* байранд байрлах, ******* ХК /РД:*******/-ийн нэхэмжлэлтэй,

Хариуцагч: *******,*******,*******,д тоот хаягт оршин суух, овогт ын /РД:/-т холбогдох,

Зээлийн гэрээний үүрэгт 20,172,028.97 төгрөг гаргуулах тухай нэхэмжлэлийг хүлээн авч, иргэний хэрэг үүсгэн хянаад

ТОДОРХОЙЛОХ нь:

Нэхэмжлэгч ******* ХК шүүхэд гаргасан нэхэмжлэлдээ:... Зээлдэгч Т. нь *******тай 2024 оны 12 дугаар сарын 13-ны өдөр ЗГ-R000693959 дугаартай зээлийн гэрээ байгуулж, 25,220,000 төгрөгийн зээлийг жилийн 21 хувийн хүүтэйгээр 30 сарын хугацаатай зээлсэн. Зээлийн гэрээний үүргийг хуваарийн дагуу төлөхгүй байгаа тул зээлийн гэрээг хугацаанаас нь өмнө цуцалж, 2025 оны 12 дугаар сарын 01-ний өдрийн байдлаар ЗГ-R000693959 дугаартай дижитал зээлийн гэрээний үүрэгт 20,172,028.97 төгрөгийг гаргуулж *******анд олгож өгнө үү гэжээ.

Хариуцагч Т. шүүхэд бичгээр гаргасан тайлбартаа: нэхэмжлэлийн шаардлага 20,172,028.97 төгрөгийг төлөхийг зөвшөөрч бичгээр байна гэжээ.

ҮНДЭСЛЭХ нь:

Нэхэмжлэгч ******* ХК хариуцагч Т.т холбогдуулан зээлийн гэрээний үүрэгт 20,172,028.97 төгрөг гаргуулах нэхэмжлэлийн шаардлага гаргажээ.

Хариуцагч Т. нэхэмжлэлийн шаардлага 20,172,028.97 төгрөгийг төлөхийг зөвшөөрсөн тул шүүх иргэний хэргийг хялбаршуулсан журмаар шийдвэрлэж, хариуцагч нэхэмжлэлийн шаардлагыг төлөхийг зөвшөөрснийг баталж, хэргийг хэрэгсэхгүй болгох нь зүйтэй.

Нэхэмжлэгчийн улсын тэмдэгтийн хураамжид төлсөн 258,810 төгрөгийн 50 хувь буюу 129,405 төгрөгийг улсын орлогод хэвээр үлдээж, 129,405 төгрөгийг улсын орлогоос, 129,405 төгрөгийг хариуцагчаас гаргуулж ******* ХК-д олгох нь хуульд нийцнэ.

Хэргийг хялбаршуулсан журмаар шийдвэрлэж байгаа тул зохигч давж заалдах журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг тус тус удирдлага болгон

ЗАХИРАМЖЛАХ нь:

1.Хариуцагч Т. нэхэмжлэгч ******* ХК-ийн нэхэмжилсэн 20,172,028.97 төгрөгийг төлөхийг зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 258,810 төгрөгийн 50 хувь буюу 129,405 төгрөгийг улсын орлогод хэвээр үлдээж, 129,405 төгрөгийг улсын орлогоос, 129,405 төгрөгийг хариуцагчаас гаргуулж ******* ХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураар биелүүлээгүй бол шийдвэрийн нэгэн адил албадан гүйцэтгэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах журмаар гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурдсугай.

 

 

ЕРӨНХИЙ ШҮҮГЧ Э.ДУЛМАА