Зохигчдын эвлэрлийг баталж,

хэргийг хэрэгсэхгүй болгох тухай

 

Хэргийн индекс: 307/2025/03666/и

Дархан-Уул аймаг дахь сум дундын анхан шатны шүүхийн шүүгч З.Тунгалагмаа би,

 

Нэхэмжлэгч: Улаанбаатар хот, Чингэлтэй дүүрэг, ****** тоотод байрлах, Г******* ББСБ ХХК /утас *******/-ийн нэхэмжлэлтэй,

 

Хариуцагч: Дархан-Уул аймаг, Дархан сум, ****** тоотод оршин суух, Б******* овогт А*******ын А******* /утас *******/-д холбогдох,

 

1,635,911 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

 

1. Нэхэмжлэгч Г******* ББСБ ХХК нь шүүхэд гаргасан нэхэмжлэлдээ:

... 1,635,911 төгрөгийг гаргуулж өгнө үү гэжээ.

 

2. Хариуцагч А.А******* нь шүүхэд ирүүлсэн хариу тайлбартаа:

Миний бие А.А******* Г*******аас нэхэмжилж байгаа 1,635,911 төгрөгийг 2026 оны 01 сард 1,100,000 төгрөг, 2 сард 535,911 төгрөг төлж барагдуулахыг нэхэмжлэгчийн итгэмжлэгдсэн төлөөлөгч Б*******тай ярьж тохирсон болно гэжээ.

 

3. Нэхэмжлэгчийн төлөөлөгч Ш.Б*******д мэдэгдэхэд ... А.А*******гийн хариу тайлбарыг зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

 

1. Нэхэмжлэгч Г******* ББСБ ХХК нь хариуцагч А.А*******д холбогдуулан 1,635,911 төгрөг гаргуулах тухай нэхэмжлэлийн шаардлагыг гаргажээ.

 

2. Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.2, 26.3-т нэхэмжлэгч, хариуцагч нар нэхэмжлэлийн шаардлагын хүрээнд эвлэрэн хэлэлцэх эрхтэй гэж заасан бөгөөд хариуцагч А.А******* нь нэхэмжилж байгаа 1,635,911 төгрөгийг 2026 оны 01 сард 1,100,000 төгрөг, 2 сард 535,911 төгрөгөөр тус тус төлөх тайлбар гаргасныг нэхэмжлэгчийн төлөөлөгч зөвшөөрсөн байна.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ гэж зааснаар дээрх зохигчдын эвлэрлийг баталж, хэргийг хэрэгсэхгүй болгож шийдвэрлэх нь зүйтэй гэж үзлээ.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хэргийг хялбаршуулсан журмаар 41,125 төгрөгийг төрийн сангийн орлогод хэвээр үлдээж, хариуцагчаас 20,562.5 төгрөг, төрийн сангийн орлогоос 20,562.5 төгрөгийг тус тус гаргуулж нэхэмжлэгчид олгож шийдвэрлэлээ.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар Г******* ББСБ ХХК-ийн нэхэмжлэлтэй, хариуцагч А.А*******д холбогдох 1,635,911 төгрөг гаргуулах тухай иргэний хэрэгт хариуцагч А.А******* нь нэхэмжилж байгаа 1,635,911 төгрөгийг 2026 оны 01 сард 1,100,000 төгрөг, 2 сард 535,911 төгрөгөөр тус тус төлөх тайлбар ирүүлснийг нэхэмжлэгчийн төлөөлөгч зөвшөөрсөн зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 41,125 төгрөгийг төрийн сангийн орлогод хэвээр үлдээж, төрийн сангийн орлогоос улсын тэмдэгтийн хураамжийн тавин хувь болох 20,562.5 төгрөгийг, хариуцагчаас улсын тэмдэгтийн хураамжийн тавин хувь болох 20,562.5 төгрөгийг тус тус гаргуулан нэхэмжлэгч Г******* ББСБ ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ З.ТУНГАЛАГМАА