Зохигчдын эвлэрлийг баталж,

хэргийг хэрэгсэхгүй болгох тухай

 

Хэргийн индекс: 307/2025/03023/и

Дархан-Уул аймаг дахь сум дундын анхан шатны шүүхийн шүүгч З.Тунгалагмаа би,

 

Нэхэмжлэгч: Улаанбаатар хот, Сүхбаатар дүүрэг, ****** байрлах, Т******* ББСБ ХХК /утас *******/-ийн нэхэмжлэлтэй,

Хариуцагч: Дархан-Уул аймаг, Дархан сум, ****** тоотод оршин суух, А******* овогт Ва*******хүүгийн Х******* /утас *******/-д холбогдох,

 

4,301,204.36 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

1. Нэхэмжлэгч Т******* ББСБ ХХК нь шүүхэд гаргасан нэхэмжлэлдээ:

... 4,301,204.36 төгрөгийг гаргуулж өгнө үү гэжээ.

 

2. Хариуцагч В.Х******* нь шүүхэд ирүүлсэн хариу тайлбартаа:

Миний бие Ва*******хүү овогтой Х******* нь 4,301,204.36 төгрөгийг 2025 оны 12 сараас 2026 оны 05 сар хүртэл сар бүр 150,000 төгрөгөөр, 2026 оны 6, 7, 8, 9 саруудад 850,301 төгрөгөөр тус саруудад хуваан төлж барагдуулна. Маргах зүйлгүй гэжээ

3. Нэхэмжлэгчийн итгэмжлэгдсэн төлөөлөгч Н.Т*******д хариуцагчийн хариу тайлбарыг танилцуулахад зөвшөөрч байна гэжээ.

 

ҮНДЭСЛЭХ нь:

1. Нэхэмжлэгч Т******* ББСБ ХХК нь хариуцагч В.Х*******д холбогдуулан 4,301,204.36 төгрөг гаргуулах тухай нэхэмжлэлийн шаардлагыг гаргажээ.

 

2. Хариуцагч В.Х******* нь 4,301,204.36 төгрөгийг 2025 оны 12 сараас 2026 оны 05 сар хүртэл сар бүр 150,000 төгрөгөөр, 2026 оны 6, 7, 8, 9 саруудад 850,301 төгрөгөөр тус саруудад хуваан төлөх тухай тайлбар ирүүлснийг нэхэмжлэгчийн итгэмжлэгдсэн төлөөлөгч зөвшөөрсөн нь Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.2, 26.3-т нэхэмжлэгч, хариуцагч нар нэхэмжлэлийн шаардлагын хүрээнд эвлэрэн хэлэлцэх эрхтэй гэж заасантай нийцэж байна.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ гэж заасан.

 

Иймд хариуцагч В.Х******* нь 4,301,204.36 төгрөгийг 2025 оны 12 сараас 2026 оны 05 сар хүртэл сар бүр 150,000 төгрөгөөр, 2026 оны 6, 7, 8, 9 саруудад 850,301 төгрөгөөр тус саруудад хуваан төлөх тухай тайлбар ирүүлснийг нэхэмжлэгчийн итгэмжлэгдсэн төлөөлөгч зөвшөөрсөн зохигчдын эвлэрлийг баталж, хэргийг хэрэгсэхгүй болгож шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар Т******* ББСБ ХХК-ийн нэхэмжлэлтэй, хариуцагч В.Х*******д холбогдох 4,301,204.36 төгрөг гаргуулах тухай иргэний хэрэгт хариуцагч В.Х******* нь 4,301,204.36 төгрөгийг 2025 оны 12 сараас 2026 оны 05 сар хүртэл сар бүр 150,000 төгрөгөөр, 2026 оны 6, 7, 8, 9 саруудад 850,301 төгрөгөөр тус саруудад хуваан төлөх тухай тайлбар ирүүлснийг нэхэмжлэгчийн итгэмжлэгдсэн төлөөлөгч зөвшөөрсөн" зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 83,769.26 төгрөгийг төрийн сангийн орлогод хэвээр үлдээж, төрийн сангийн орлогоос улсын тэмдэгтийн хураамжийн тавин хувь болох 41,734.63 төгрөгийг, хариуцагчаас улсын тэмдэгтийн хураамжийн тавин хувь болох 41,734.63 төгрөгийг тус тус гаргуулан нэхэмжлэгч Т******* ББСБ ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ З.ТУНГАЛАГМАА