Хариуцагчийн зөвшөөрлийг баталж, хэргийг

хэрэгсэхгүй болгох тухай

 

Булган аймаг дахь сум дундын анхан шатны шүүхийн Ерөнхий шүүгч О.Одончимэг би,

Нэхэмжлэгч:  М******* ББСБ ХХК-ийн нэхэмжлэлтэй,

Хариуцагч: Э.Э*******т холбогдох,

Нэхэмжлэлийн шаардлага: 1,260,792 /нэг сая хоёр зуун жаран мянга долоон зуун ерэн хоёр/ төгрөг гаргуулах тухай нэхэмжлэлийг 2025 оны 12 дугаар сарын 11-ний өдөр хүлээн авч хянаад

ТОДОРХОЙЛОХ нь:

Нэхэмжлэгч М******* ББСБ ХХК нь шүүхэд гаргасан нэхэмжлэлдээ: Э.Э******* нь "М******* ББСБ" ХХК-тай 2022 оны 09 дүгээр сарын 01-ний өдөр Зээл, зээлийн эрх нээх гэрээ байгуулсан бөгөөд өөрийн эзэмшлийн Мобиком үүрэн телефоны 99294701 дугаарыг ашиглан зээл авч, төлж байсан болно. Э.Э******* нь уг гэрээний үндсэн дээр 2024 оны 03 дугаар сарын 27-ны өдрөөс 2024 оны 03 дугаар сарын 31-ний өдрийн хооронд 2 удаагийн хүсэлтээр нийт 750,000 төгрөгийг тус бүр 1 сарун хугацаатайгаар авсан зээлийг гэрээнд заасан хугацаанд төлж барагдуулаагүй.

М******* ББСБ-ын зүгээс зээлийн гэрээний үүргийг шаардан зээлийн гэрээнд заасан утасны дугаараар холбогдохыг удаа дараа оролдсон боловч хариуцагч нь огт утсаа аваагүй, харилцан зөвшилцөх аргаар маргааныг шийдвэрлэх боломжгүй болсон тул маргааныг шүүхийн журмаар шийдвэрлүүлэх шаардлага үүссэн.

2025 оны 10 дугаар сарын 16-ны өдрийн байдлаар Э.Э*******ын үндсэн зээлийн үлдэгдэл 750,000 төгрөг, зээлийн хүүгийн үлдэгдэл 429,926 төгрөг, нэмэгдүүлсэн хүүгийн үлдэгдэл 80,866 төгрөг, нийт 1,260,792 төгрөгийн гаргуулна гэжээ.

Хариуцагч Э.Э******* нь шүүхэд гаргасан хариу тайлбартаа: Мобиком корпораци ХХК-ийн нэхэмжилсэн 1,260,792 төгрөгийг төлөхийг хүлээн зөвшөөрч байна гэжээ.

ҮНДЭСЛЭХ нь:

Нэхэмжлэгч М******* ББСБ ХХК нь хариуцагч Э.Э*******т холбогдуулан 1,260,792 төгрөг гаргуулах тухай нэхэмжлэл гаргасныг хариуцагч Э.Э******* нь төлөхийг хүлээн зөвшөөрсөн тайлбараа шүүхэд гаргасан байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 75⁸ дугаар зүйлийн 75⁸.1, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.3-д зааснаар нэхэмжлэгч М******* ББСБ ХХК нэхэмжлэлтэй, хариуцагч Э.Э*******т холбогдох 1,260,792 /нэг сая хоёр зуун жаран мянга долоон зуун ерэн хоёр/ төгрөг гаргуулах тухай нэхэмжлэлийн шаардлагыг хариуцагч Э.Э******* нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 34,809 /гучин дөрвөн мянга найман зуун ес/ төгрөгөөс 17,404.5 /арван долоон мянга дөрвөн зуун дөрвөн төгрөг таван мөнгө/ төгрөгийг Төрийн санд үлдээж, Төрийн сангаас 17,404.5 /арван долоон мянга дөрвөн зуун дөрвөн төгрөг таван мөнгө/ төгрөгийг, хариуцагч Э.Э*******аас 17,404.5 /арван долоон мянга дөрвөн зуун дөрвөн төгрөг таван мөнгө/ төгрөгийг тус тус гаргуулж, нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

ЕРӨНХИЙ ШҮҮГЧ                    О.ОДОНЧИМЭГ